[رائـق]

يانفس هيـدي لا تزيديـن الأوجـاع
.. .. .. .. .. .. .. .. .. .. .. .. .. .. .. كافي من الدنيـا نشـوف العجايـب

ماني على من صدّ ضايق ومرتـاع
.. .. .. .. .. .. .. .. .. .. .. .. .. .. .. لا هو مـن الغاليـن وإلا القرايـب

لا صـار مابينـي ولا بينـه نـزاع
.. .. .. .. .. .. .. .. .. .. .. .. .. .. .. ولاجيتـه بزله ولا عـلـم خايـب

حق الرفيق أنـي نهيتـه ولا طـاع
.. .. .. .. .. .. .. .. .. .. .. .. .. .. .. والرأي مابه فـرض وإلا غصايـب

يومه غدى بيّنت له كـل الأوضـاع
.. .. .. .. .. .. .. .. .. .. .. .. .. .. .. ماقلت أخلي سايب الوضـع سايـب

ناديت له لكـن تجاهلنـي وضـاع
.. .. .. .. .. .. .. .. .. .. .. .. .. .. .. صدّ وعلى عميـاه سـاق الركايـب

أقفى على رايـه ولافيـه مرجـاع
.. .. .. .. .. .. .. .. .. .. .. .. .. .. .. مثل السحاب اللـي قفتـه الهبايـب

للعلم بين النـاس مدخـل ومطـلاع
.. .. .. .. .. .. .. .. .. .. .. .. .. .. .. واللي يجوّد حامض العلـم صايـب

ومن ينطح المويه ولا عنده شـراع
.. .. .. .. .. .. .. .. .. .. .. .. .. .. .. إن عاش يرجع من هاك الموج هايب

والعاقل اللي لا خطأ يرجـع بسـاع
.. .. .. .. .. .. .. .. .. .. .. .. .. .. .. يســـترجع ولا يأخـذ الـرآي عايـب

واللي يصير لرغبة النفس مطـواع
.. .. .. .. .. .. .. .. .. .. .. .. .. .. .. لابـد مايلقـى العــنـا والمصايـب

والناس مختلفه لها أشكال وأطبـاع
.. .. .. .. .. .. .. .. .. .. .. .. .. .. .. بعض المعارف عرفهم لك نشايـب

بالناس من يلبس على وجـه قنـاع
.. .. .. .. .. .. .. .. .. .. .. .. .. .. .. حسود لكـن فـي ثيـاب الحبايـب

هذاك مانـي فـي مخـاواه طمـاع
.. .. .. .. .. .. .. .. .. .. .. .. .. .. .. من قبل أجيه وخاطري منه طايـب

والا الرجال اللي لهم بالوفـاء بـاع
.. .. .. .. .. .. .. .. .. .. .. .. .. .. .. وقفاتهم تبـري الجـروح العطايـب

وإليا لفاك بحـزّة الضيـق فـزّاع
.. .. .. .. .. .. .. .. .. .. .. .. .. .. .. مادار وجهه عـن سمـوم ولهايـب

ماصدّ يوم إنك من الوقـت ملتـاع
.. .. .. .. .. .. .. .. .. .. .. .. .. .. .. ماغاب يوم إن أكثر النـاس غايـب

هذاك نشري خوتـه كيـف تنبـاع
.. .. .. .. .. .. .. .. .. .. .. .. .. .. .. هذاك من شانـه تهـون الصعايـب

قلته وأنا مالي ورى هرجي أطمـاع
.. .. .. .. .. .. .. .. .. .. .. .. .. .. .. على أفراقـه لا تصـــيـر السبايـب

أسمع مادام الصوت ياصل للأسماع
.. .. .. .. .. .. .. .. .. .. .. .. .. .. .. إن تبـت وإلا عـسـى منـت تايـب

مادامها صارت حـزازات وأتبـاع
.. .. .. .. .. .. .. .. .. .. .. .. .. .. .. مالـي ومـال مدوريـن الطلايـب

وأعرف تراها لوشكت ثقلك القـاع
.. .. .. .. .. .. .. .. .. .. .. .. .. .. .. مصيرها تركـز عليـك النصايـب



م

ن

ق

و

ل

مما راق لي أتمنى أن يصل إلى مستوى ذائقتكم