دبل فلوسك عام 27 منقولة كما هي ......
دبل فلوسك عام 27 منقولة كما هي ......
--------------------------------------------------------------------------------
قال الذي في سوق الاسهـم تغربـلإ = نـدق حالـه قبـل مالـه يـدبَّـل منقول ... KSA-Love منتدى تداول الاقتصاديةشاروا عليّـه نـاسِ غشْـمٍ مهبّـل = دبّل قروشك عام سبعـه وعشريـن قلت اصبروا قدمت قرضٍ على البنك = أُمـا شرولـي رزّ ولاشـرو زنـك والله يسهّلها على اللي شكا الضنـك = دبّل قروشك عام سبعـه وعشريـن لكن أخاف السوق ياخـذ خشوعـي = ما غير افكّر بالسهم فـي ركوعـي هذا نزل نسبـه وذا فـي طلوعـي = دبّل قروشك عام سبعـه وعشريـن حتى المجالس هرجة الناس الاسهـم = ضاعت حلاة الكيف والكـل مهتـم أحدٍ تشـوف السـن وأحـدٍ مغلـدم = دبّل قروشك عام سبعـه وعشريـن واحترت مدري ويش اباخذ واخلـي = سهـم ٍمعلـي بـس الاخـر مدلـي محدن يجيب العلـم محـدن يدلـي = دبّل قروشك عام سبعـه وعشريـن قلت المشوره قالـو السهـم سابـك = إمية سهم فالمحفظـه مـن حسابـك هذي عروس السوق حظك رسابـك = دبّل قروشك عام سبعـه وعشريـن ولاّ المصافـي ياعريـب الجـدودي = سَهْمَ الملـوك وكـلِّ يـومٍ يـزودي لكن حـذرا عـن سهمْهـا تنـودي = دبّل قروشك عام سبعـه وعشريـن وش رايكم فـي سافكـو ياجماعـه = قالو بنيّـة سابـك مـن الرضاعـه إغرف مادام ان السهم وسْـط قاعـه = دبّل قروشك عام سبعـه وعشريـن قلت الخزف مافيـه شـكٍّ ولاريـب = والعالم اِني صرت في صيدته ذيـب قالو موفّق والخزف يخْلِف اِبطيـب = دبّل قروشك عام سبعـه وعشريـن قلت اُم عشْريـنٍ وخمسيـن رمـزه = بنتٍ تعلّق قلب مـن شـاف غمْـزه الـدرّه اللـي مـا تغشّـاه هـمْـزه = دبّل قروشك عام سبعـه وعشريـن قلت اِبـو عشريـنٍ وستيـن طيّـب = قالـو مضاربهـا كـريـمٍ حبـيّـب قلت الهـدف قالـو هدفهـا قريّـب = دبّل قروشك عام سبعـه وعشريـن قلـت الدوائيّـه عساهـا تعيـضـي = تشفي حظيظٍٍ لـه زمـانٍ مريضـي قالو لي ابشر سَهْمها مـا يغيضـي = دبّل قروشك عام سبعـه وعشريـن قلت النصيحه وش تقولـون بالغـاز = قالو مصيبٍ فيه وابرك مـن القـاز ياما تخفّى فـي عباتـه مـن الغـاز = دبّل قروشك عام سبعـه وعشريـن والجبس قالو سهْم خمسـة نجومـي = باكر تشوفه فـوق الالفيـنِ يومـي ياسِعْدِ من يمسك عليـه ويصومـي = دبّل قروشك عام سبعـه وعشريـن قلـت الغذائيـه وقـالـو شِريْـكـه = إنتاجهـا بالسـوق خُبـزٍه وكيـكـه قلـت احسبنّـه بالصناعـي مَليكـه = دبّل قروشك عام سبعـه وعشريـن قلـت اِِبـو ألفيـنٍ وميّـه وعَشْـرَه = قالـو كلبشـاتٍ تضـرّك بِقِـشْـرَه واِنْ كان تدعي قول ربـي تحشـره = دبّل قروشك عام سبعـه وعشريـن قلـت اُمِّ ألفيـنٍ وميّـه وعشـريـن = قالـو لقينـا النـاس عنهـا مِقفّيـن قلت البـلا ؛ قالـو تبِـذّ المساكيـن = دبّل قروشك عام سبعـه وعشريـن قلت اشْتري صـدْقٍ وقالـو تركّـد = نخـاف بكـره مـن خبرهـا تنكّـد اصبر يجيـك العلـم عنهـا موكّـد = دبّل قروشك عام سبعـه وعشريـن قلت الحسـا يانـاس ولاّ زجاجـي = قالو علامك كـنِّ فيـك ارتجاجـي الحر الاشقـر مـا يعـوّد دجاجـي = دبّل قروشك عام سبعـه وعشريـن قلـت اُم ألفيـنٍ ومـيّـه وستـيـن = قالو مضاربهـا يجيـب الطواعيـن ذا له سنـه تطلـع وتنـزل رياليـن = دبّل قروشك عام سبعـه وعشريـن قلت اللجين وسيسكـو ودّي اقحـش = كلٍّ يوصّي قالـو اُوصاتنـا اِنحـش من طبِّ فيهن حشّو اِرْجِيْلِته اتحـش = دبّل قروشك عام سبعـه وعشريـن قلـت المشـوره ياجماعـه بفيبكـو = الظاهـر اِنّـه ماتقـادي لسيسـكـو قالو لي اِنشد عـن نَتَاجـه سدفكـو = دبّل قروشك عام سبعـه وعشريـن قلت الحقيقه جايـزن لـي أنابيـب = مدري خطا ياناس ولاّاِنِّي اِمصيـب والاّ نما ، قالو تـرى لـهْ طلاليـب = دبّل قروشك عام سبعـه وعشريـن والمعدنيّـه ، قالـو اُمَّ المسامـيـر = جنِّب عنَه ما مـن وراهـا تباشيـر ياما لِحقْنـا مِـن سَهَمْهـا مخاسيـر = دبّل قروشك عام سبعـه وعشريـن شاوَرْتُهُـم بالكيمـو اُمَّ الدنامـيـت = امضاربه لا هوب حـيٍّ ولا مِيـت واللي شراها دبّـل مـن التناهيـت = دبّل قروشك عام سبعـه وعشريـن والزامل ومِن بعـده اللـي تسمّـى = مجموعـةٍ واللغـز فيهـا مِعـمّـى من فـاز فيهـن راس مالـه تنمّـى = دبّل قروشك عام سبعـه وعشريـن قلت آخذ الصحـرا و قالـو ترفّـق = لاتخدعـك بالسـوق نـاسٍ تطفّـق مـا كـل رجـالٍ يحلّـل يـوفّـق = دبّل قروشك عام سبعـه وعشريـن قلت المراعي لـه دعايـه وراعـي = آخِر سَهَمْ لـي بالمجـال الصناعـي ما قيل رجلٍ طـبِّ فيهـا وجاعـي = دبّل قروشك عام سبعـه وعشريـن قلت السِمنت وقيـل حـاز العلامـه = واللي عطاك العلـم حشّـم مقامـه لاشـك نجمـه لامــعٍ باليمـامـه = دبّل قروشك عام سبعـه وعشريـن قلـت الفنـادق قيـل مثـل البنـادق = قلـت العقاريـه وقالـو خـنـادق قلت آخذ البحـري وقالـو صنـادق = دبّل قروشك عام سبعـه وعشريـن قلت اِبشرو بالحج جـاك الجماعـي = بين المشاعر ياهل العـرف ساعـي ويزور ساسكو بنت عمّه رضاعـي = دبّل قروشك عام سبعـه وعشريـن قلت الضحيـه والضحيـه مواشـي = قالـو توقّـع لاتجـي للخشـاشـي قلت الله اكبر فيهِن الـرزق ماشـي = دبّل قروشك عام سبعـه وعشريـن مكه وطيبـه مـع عسيـرُ وتهامـه = كلٍّ عليهـن عـضّ بِسْـرة اِبهامـه الرابح اللي حطِّهِـن فـي حزامـه = دبّل قروشك عام سبعـه وعشريـن قالـو مبـرّد يالسنـافـي تكـسِّـب = والصـادرات الهقـوه اِنّـه تنسِّـب وابعد عن التعميـر باكـر تِحسِّـب = دبّل قروشك عام سبعـه وعشريـن قلت آخذ الباحه وشمـس وثمـاري = ولاّفتيحـي مـع جريـر التجـاري حيث اِن له فضل على كـل قـاري = دبّل قروشك عام سبعـه وعشريـن قالو وعدهن عقـب عيـد الضحيّـه = اِن كان لك رُوحٍ مـع النـاس حيّـه قلـت السنـه هـذي علينـا رِخيّـه = دبّل قروشك عام سبعـه وعشريـن قلت آخذ الكهـرب وقالـو عقـارب = شطّر عنه كنّك عن الـداب هـارب الناس تدري وين عـذب المشـارب = دبّل قروشك عام سبعـه وعشريـن قلت الزراعـه وش تقولـون فيهـا = قيل الصراحـه كـل عيـنٍ عليهـا واخصِهـن بيشـه ونـادك تليـهـا = دبّل قروشك عام سبعـه وعشريـن والباقيـات الخيـر فيـهِـن تبَـيَّـن = وان طعت شوري في سهمهِن تليَّـن حقَّ النظـر فيهـن شـويُّ وتعيَّـن = دبّل قروشك عام سبعـه وعشريـن والاتِّـي الثنتيـنِ فيهـن وصـايـا = واشوف بعض الناس عنهن قِصايـا والله لاصبـر ليـن احقـق رِجايـا = دبّل قروشك عام سبعـه وعشريـن قلت البنوك وقيـل عنهـن حرامـي = غير البلاد اللـي تـورَّع وشامـي والراجحـي قبلـه رفيـع المقامـي = دبّل قروشك عام سبعـه وعشريـن مـا باقـي الاّ وحـدةٍ مـا ذكرتـه = وسمه عليها بس انا احرقـت كرتـه واللي شرح لي عن نشاطه شكرتـه = دبّل قروشك عام سبعـه وعشريـن هذي معاناتي علـى طـول الايـام = واقول ما حصّلت يا كـود الاوهـام ليتي مشطِّر عن غرابيـل الاسهـام = دبّل قروشك عام سبعـه وعشريـن ومن قبل اختم القاف عندي نصيحـه =واخص بـه كـل الوجيـه الفليحـه المال عنـد النـاس مثـل المنيحـه = دبّل قروشك عام سبعـه وعشريـن زك وتصـدّق لاتطـوِّف زكـاتـك = ما تدري ان الموت بطْـرف عباتـك ما قيل مالٍ زخرفـو بـه حصاتـك = دبّل قروشك عام سبعـه وعشريـن والخاتمه صلّو على سيـد الابـرار = ما غرّد القمري ومـا طايـرٍ طـار واعداد ما يلفي علـى البيـت زوار = دبَل صلاتك قبل عـرض الموازيـن |
لاهنت ياسعد
والله يربحك في السوق ان شاء الله تحياتي لك |
صح لسانك اخوي سعد وصح لسان شاعرها
صج قصيده جات بوقتها والله يستر من هالاسهم تحياتي دانــــــــــه |
الوقت في المنتدى حسب توقيت جرينتش +3 الساعة الآن 09:51 AM . |
مجالس العجمان الرسمي