|
اخر موضة رجالية
http://www.eyelash.ps/up/uploads/22695502a3.jpg
الأسبوع الماضي كنت امشي في احد أسواق الكويت وكان يمشي قدامي شاب طويل ونحيف لا بس بنطلون جينز وكان بنطلونه نازل شوي وطالع الله يعزكم سرواله الداخلي وكان لونه ابيض مشجر بأزرق قت أكيد هذا ما عنده حزام يربط بنطلونه وجا للسوق يشتري حزام.. مشيت شوي إلا واحد ثاني نفس الشي كان بنطلونه نازل وطالع سرواله الداخلي بس ذا المرة كان لونه احمر وكان الرجال متين , قلت هذي مشكلة المتان الله يكون في عونهم دايما يبتلشون بحالهم ولا هذا وين يلاقي حزام قده... بعد شوي شفت واحد ثالث نفس الحركة , شوي إلا أشوف رابع , صرت امشي وأطالع بنطلونات هالشباب الله يصلحهم كلها طايحه وطالعه ملابسهم الداخلية صراحة استغربت وتعجبت قلت أكيد ماهي صدفه لازم فيه سر .... في أليل لما اجتمعت مع الربع سألتهم عن سر البنطلونات الطايحه هل فيه أزمة احزمه في الكويت وليش الشباب ما يرفعون بنطلوناتهم؟ كلهم صاروا يضحكون علي ونعتوني بالمتخلف!!!! قالوا هذي الموضة وش عرفك في الموضة حدك شماغ وتربطه من ورا أذانيك.... طيب خلوني معكم رفيقكم ويبي يعرف الموضة علموني .. قال واحد من الشباب ألمشخصيه إلي ما يخلي موضة جديدة إلا طبقها ..... هذي موضة ماخوذه من المساجين في سجون أمريكا ما تشوفهم في الأفلام؟ قلت لا والله أنا متخلف ما أشوف أفلام اشر حلي الله يرضى عليك قال المساجين في أمريكا يلبسون بنطلونات من غير احزمه عشان ما يستخدمونها في الشجار وحنا أنشوفهم في الأفلام بالطريقة إلي كانوا عليها الشباب البنطلون طايح والملابس الداخلية طالعه وبس سلامتك.. امحق موضة......... والله الشباب ألداج ..... ما لقوا إلا مساجين أمريكا يقلدونهم .... الله يخلف على والديهم وعلى المسلمين ويعوضهم فيهم خير الهم أمين..... أخيرا أتمنى إن الموضة محصورة في الكويت وما امتدت للدول المجاورة |
شر البلية مايضحك
اخ هوادي تشكر على طرح الموضوع .. ولكن مصيبه يا اخي كل الموضات اللي تشوفها وتسمعها عندنا كعرب كلها يا من المساجين ولا من الزنوج حقينهم المتخلفين عندهم ولكن الله المستعان ,, وياحسره على شبابنا والبعض منهم يلبس بنطلونات . وقمصان مكتوب على عبارات نابئه وسب .. وكلام سيء .. وصلبان ورموز ,, وغيرها ,, والمشكله الكبرى انه لايعرف معنى هذه الكلمات او على ماتدل هذه الرموز .. مجرد تقليد اعمى ولا حول ولا قوة الا با الله تشكر ياهوادي على الموضوع تحياتي للجميع |
الحقيقه هذا موضوع مهم ولازم يكون فيه نقاش لأن الحاصل شي رهيييب يعني اللي انت ذكرته بخصوص موضة البنطلون شي بسيط!!! يعني لو تروح لبعض المجمعات التجاريه تشوف قصات شعر غريبه ولبس غريب يعني صراحه اشكال مقرفه ومع ذلك يشوفون انها نوع من انواع الحضاره او انهم يعني نفس الغرب!!! ولو تلاحظ انهم يقلدون أسوأ العادات الغربيه اللي ماتجدها اللي في الاماكن الشاذه في الدول الغربيه !!! الاخ هوادي... يعطيك العافيه على الطرح الجميل |
شر البليه مايضحك
واصحاب البنطلونات اللي بدون احزمه في كل مكان فشبابنا يتسابق على الغث وبعض هذه الموضات اعزكم الله تكون في الغرب للأشخاتص الغير سويين والشباب هنا يقلد وبس يعني ليه يقلدون مساجين امريكا مساجينا أولى :) ولاهنت اخوي هوادي ويعطيك العافيه على الموضوع |
الله لايبلانا ولاهنت يالغالي وترى الموضوع وصل الى الخليج كله ماعاد هوب مقصور على الكويت لحالها :(
|
| الوقت في المنتدى حسب توقيت جرينتش +3 الساعة الآن 04:35 PM . |
مجالس العجمان الرسمي