البارحـه دمعـي علـى الخـد هـمّـال=مـثـل المـطـر لازاد زوّد صـوابــه
سجيت فكري والحـزن جـر مـوّال=علـى لـحـن حـزنـي تـزيـد الكـآبـه
مشتاق لاحضانه وانا الحين رجّال=وشلـونه اصغرنـا ووشـهـو جـوابـه
والبيـت ياسلطـان عقبـه تـرا مــال=والـهـم ياسـلـطـان نـــوّخ ركـاابــه
بيـن الضلـوع العـوج بيّـن ولا زال=وبكّـا صديـقـي والـعـدو بــان نـابـه
ياوجد حالي وجـد مـن مالـه عيـال=روّح حـلالـه قـــدْم عـيـنـه نْـهـاابـه
ماله سوى يمنى ضعيفه بـلا شْمـال=راحـت حقوقـه والحـزن فـك بـابـه
يالله ياللـي تعـرف الـحـال والـمـال=ارحـم فقيـر الذنـب وارحـم شبـابـه
يالله وســع قبـرهـا وانـــت حـــلاّل=وانـا حنيـت الـراس قــدر ومهـابـه
للـي يهـد جبـال ويرفـع لــه جـبـال=ويالله جـبْ دعــوة فقـيـرن دعـابـه
لـو الدمـوع السايلـه تـبـري الـحـال=هليـت دمعـن مثـل وبــل السحـابـه
ياقلـبي اصبـر جعلـك اليـوم تحتـال=ادري صعـب لـكـن تحـمـل غيـابـه
البـعـد سـهـم(ن) للرجاجـيـل قـتّـال=ياما قتل رجل(ن) عزيز(ن) جنابه

المشاركة الأصلية كتبت بواسطة عليل المحبه (المشاركة 1294691) الله يرحمها ويغفر لها ويسكنها الجنه وصح الله السسانك على المرثيه . .

المشاركة الأصلية كتبت بواسطة مترك العمره (المشاركة 1294696) الله يرحمها ويسكنها فسيح جناته ويتجاوز عنها الشاعر القدير/ مشاري الشامري صح الله السانك على هذه المرثيه المعبره بكل احساسك .. لك مني جزيل الشكر والتقدير تحياتي

المشاركة الأصلية كتبت بواسطة هيبة حضــــريه (المشاركة 1295845) صــح اللــه لســــانكـ واللـــه يرحــم والدتــكـ ويسكنهـــــا جنات النعيـــم ووالـــديّ وجميـــع مــوتى السلميــــن اللهــم اميييين ... تقــديري ،،،