ياحسين عندك موتر نوع نيسان = ارجوك قل لمهندسه يعتني به
حقي عليك اتعامله عملة انسان = وتوقّفه في موقف يهتني به
كم له علي ياصاحبي فضل وإحسان = في لازمي ماهو يوقّف خبيبه
كم طرّب الخاطر وهو كان عمسان = وكم قد جمع بين الحبيب وحبيبه
وكم قد سرا يوم انسدح كل نعسان = واصبح قد الدار البعيده قريبه
هذا ولا شفته علي يوم حمسان = يرسل لي النسمه ويخفي لهيبه
والمشكله لو كان له قلب ولسان = وحاول يعاتبني على حذفتي به
وعروق قلبي عقب فرقاه يبسان = لا شك ما للادمي عن نصيبه
قدني كما الرجلي الى شاف فرسان = وراح إيتذكر له جواد(ن) غريبه
راحت ولا باقي معه كود الارسان = ومعذور لو حزن الجواد ايغدي به
وإسلم وسلم لي على كل نيسان = اخوان ذاك اللي فعوله عجيبه

المشاركة الأصلية كتبت بواسطة ليــه يازمـــن (المشاركة 924514) ههههههههههههههههههههه الله يطلع موترك بالسلامــــــــه D:D:D: ههههههههههههههههههههههههه صح الله لسانك والله والله يردلك غاليــــــــــــكa25 تقبل تحياتي:a27:

المشاركة الأصلية كتبت بواسطة هـاردلكـ يـاقلبي (المشاركة 924606) ...صح لسانك يالوافي والله يرده لك بالسلامه... ...كم طرّب الخاطر وهو كان عمسان وكم قد جمع بين الحبيب وحبيبـه... ^ ^ ^ 1bh1

المشاركة الأصلية كتبت بواسطة هادي بن فهاد (المشاركة 925066) صح الله لسانك والله وانت كلك وافي طال عمرك

المشاركة الأصلية كتبت بواسطة النـوف (المشاركة 928572) وافيه من وافي صح الله لسانك ع هالقصيــدة تقـديري :a36: