قصيدة في [ دمعة ] بدر صفوق ..!
السلام عليكم ورحمة الله واسعد الله أوقاتكم بالخير .. هذه قصيدة للشاعر: مشاري الشليمي كتبها في / بدر صفوق .. http://i394.photobucket.com/albums/p...ooq_resize.jpg http://i394.photobucket.com/albums/p...oq2_resize.jpg http://i394.photobucket.com/albums/p...oq3_resize.jpg . . علامك تترك دموعك على خد الورق تنساب ..! علامك ما حبست الدمع بأهدابك عن أهدابك !! علامك تقطع عروق القلوب بصوتك المرتاب ..! علامك ما تشوف دموعنا سالت من أسبابك !! أنا ما كنت أؤمن إن باقي للحنين أصحاب .. إلين إني نظرتك تبكي الغيّاب من ما بك .. تصدق !! عشت جوّك يوم شفت بعينك الترحاب .. كأن ودك تطير بهالشبه بس الحيا صابك ..! تحاول تملك أعصابك ولكن عيّت الأعصاب .. تبي دمعك ينوّخ لك ولكن هج بركابك .. تجي منا يجي منا .. عجزت وطارت الأسراب .. إلين إستسلمت كل الجوارح له وغنا بك .. عزف لحن الحزن للي قضى عمره ورى الأبواب .. يولّع جمرتين وباقي أحلام و طرق بابك يا عبدالله يا ليت إنك تجي وتناظر الأحباب .. ترامى شوقهم مثل الصحاري و المطر جابك .. غسلت قلوبهم من عقب طيف وهمهمه وعتاب .. ونثرت دموعهم من عقب حزم وعزم وإعيا بك تصدق يا بدر كل الكلام اللي إنكتب بكتاب لقيت إن فيه بيتينٍ يوفّونك بما نابك: بأني كنت ../ ما أؤمن بأنه للحنين " أصحاب " إلين إني نظرتك تبكي [ الغيّاب ] من ما بك لقيتك تترك ( دموعك ) على خد الورق تنساب دريت إن [ الشعر ] يرقى على متنك / ويرقى بك . . - قراءة رائعة للمشهد, ببوح جميل وعذب .. صح احساس الشاعر وسلم من/ شظايا أدبية |
رد: قصيدة في [ دمعة ] بدر صفوق ..!
لاهنت اخي مسفرر
|
رد: قصيدة في [ دمعة ] بدر صفوق ..!
لاهنت يا مسفر
صح لسان من قالها تحياتي............... |
رد: قصيدة في [ دمعة ] بدر صفوق ..!
لاهنت أخي مسفر على نقل القصيده ودك ان بدر الصفوق طلب من المخرج انه يقطع هاللقطه
لكن الدمعه عزالله انها بتنزل غصب على افراق الأخ قصيده عجيبه مشكوور |
رد: قصيدة في [ دمعة ] بدر صفوق ..!
لاهنت يالسنافي مسفر مبار ك
صح الله اللسانه ابومطلق ولاهان على ذا القصيدة الجزله تقبل مني خالص التحيه: |
رد: قصيدة في [ دمعة ] بدر صفوق ..!
صح لسان الشاعر مشاري الشليمي ,, لكن وش السالفة ..؟؟ وش فيه بدر .؟ ولاهنت يا ابو مبارك ,, :) |
رد: قصيدة في [ دمعة ] بدر صفوق ..!
مشهد مؤثر
وقصيده مميزه زادت الحزن حزن !؟ صح السان الشاعر وتسلم يمناك يابو مبارك تحياتي لك :) |
رد: قصيدة في [ دمعة ] بدر صفوق ..!
صح لسان الشاعر....
الله لا يهينك يا مسفر كل الشكر والتقدير لك |
رد: قصيدة في [ دمعة ] بدر صفوق ..!
الأخ
مسفر مبارك لاهنت على القصيدة وصح لسان شاعرها تقديري |
رد: قصيدة في [ دمعة ] بدر صفوق ..!
يعطيك العافيه يامسفر
ولاهنت على نقل القصيده وصح لسان شاعرها تحياتي لك 1bh1 |
الوقت في المنتدى حسب توقيت جرينتش +3 الساعة الآن 01:02 PM . |
مجالس العجمان الرسمي