مجالس العجمان الرسمي - قصيدة الغايب في وبران ال كليب

الحُر مـن عقـب مـده عـود لماكـره
ياحيث مـا للحـرار الا وكـور الحـرار
اثناعشر عام مرت وانـت فـي الذاكـره
قريب في القلب لو كانـك بعيـد الديـار
يابو علـي لـك جميـل مانـي بناكـره
ماينكـرون الجميـل الا مقصـر عمـار
جميلـك ان الوفـا مـن منبعـه حاكـره
ومشاعرك ماثناها السجن .. والدم حـار
من يعشق الصعب لطلوع القمم ما ... كره
ومن يرجي الدر مايخشى البحور الغـزار
علمك ينومس وكلن فـي العـرب ذاكـره
ومواقفـك عنـد ربعـك يالكليبـي كثـار
ثملت من نبـع مجـدن ينذكـر ساكـره
واسكرت من خمرة العزه ... ونعم السكار
الطيـب مـن معدنـه مانـي بمتناكـره
عمار يـادار وبـران الكليبـي عمـاااار
بك عزتن ما انطـوت لحيلهـم الماكـره
وحريتك في قصيدك مثل شمـس النهـار
نجـران لاح البشـور وننتظـر بـاكـره
باقي وباقي وكم باقي مـن اهـل الوقـار
حتى ولو صارت اجواء الزمـن عاكـره
بالعزم والحـزم والعـزه نفـك الحصـار
والحُـر لابـد مايرجـع علـى مـاكـره
ياحيـث ماللحـرار الا وكـور الـحـرار