في وقتها ينسى وداد الغناديـر_و ينسى جميع معاملات الوزارة.. (لعشاق المقناص) لابن عون..
قصيدة للشاعر الكبير و الجزل في جميع قصائدة التــي غلب عليها طابع الأصالة و البداوة و رحلات المقناص الشاعر عبدالله ابن عون. و أرجو إن تنال إعجابكم :
يا طيـر ما حدك نصيبك على خـيـر =وراك مسجـونٍ بـوســط الـغـمـاره حسبي علـى اللـي عـزّروا فيـك تعزيـر=تتـفـه ويـصـلاك الحـديـد بـحـراره فـي موتـرٍ مـا للولـع فيـه تأثـيـر=تكسـي اجـارٍ ما يـعـرف الا اجــاره حِشْـرت وحـوش البـر حتـى العصافيـر=مـن يـوم دوّر مــن وراهــا تـجـاره مـا للغشيـم مـن الولـع غيـر تدميـر=دايـم عمـاره صـايـرٍ فــي دمــاره يا ناقليـن الطيـر مــن غـيـر تبصـيـر=حصيلـكـم مـنـه التـعـب و الخـسـاره اوفـوا حقـوق الطيـر ولا اتـرك الطيـر=لا تظلـمـونـه يـا جــداد الـصـقـاره خـلـوه لمحـمـد عشـيـر المنـاعـيـر=اللـي اليـا شـالـه يـعـرف اعتـبـاره مقـدم هـواة الصيـد مـن تـوه صغـيـر=مـن خلقتـه يعـطـي علـيـه البـشـاره يعطيـه حقـه فــي لـيـال المخاظـيـر=إليـا بكـر الوسمـي ولجلـج خـضـاره قـدام يظـهـر فــي نبـاتـه نـواويـر=ينـصـاه لــو انــه بعـيـداً مــزاره مايمـنـعـه دونـــه ردي الاشـاويــر=فـي نـجـد ولا نـازحـاتٍ ديــاره الطيـر يبـغـي لــه عنـايـه و تدبـيـر=رجـلٍ يعـرف اهانتـه مـن وقــاره هـذاك ابوتـركـي زبــون المخاسـيـر=سمـح الحجـاج اللـي يــذري جــداره يـفـزع لمحـتـاج و يـكـرم مسـايـيـر=و غيثٍ علـى مـن يستجـيـر بـجـواره مـن جـاه يشكـي مـن الوقـت تقصيـر=مـظـهـود ولا مستـجـيـرٍ اجـــاره ويطرب لنقـل مصخـر الخـرب تصخيـر=و اطـلاقـة المسـبـاق شـفـه و كــاره و ينومسـه فـعـل الـفـروخ المغاتـيـر=و مـن كـل قرنـاسٍ تخـيّـر خـيـاره هـذا يخـل الريـش مـثـل المعاصـيـر=و هـذا يشوقـه لا حجـل فــي طـيـاره كـم ماقـعٍ قفـرٍ جهملـه بتبكـيـر=و اثعـى بصيـده حيـن يـشـرق نـهـاره وإن جا الضحى الضاحي وجت حومة الطير=حـوّل بـروضٍ فـي مفيضـه قـراره وصكـوا عليـه اهـل الوجيـه المسافيـر=و القهـوجـي قدامـهـم شــب نـــاره واستانسـوا فـي جـو ما فـيـه تكـديـر=و دارت سوالفـهـم عـنــاد و عـيــاره و خـذوا لهـم مقـدار ساعـات لاغـيـر=ليـن الهـوا يسـكـن و يـركـد غـبـاره ثـم روحـوا بيـن الصلاتيـن وعصـيـر=الشـيـخ فــك سـبـوق طـيـره واداره مستبشـراً بالخـيـر والصـيـد مـا ذيـر=و الطـيـر صـقـاره يـحـب اختـبـاره و شـرّف عـلى جـوٍ خضـاره دواويــر=فـيـه الخـزامـى و النـفـل و الشـقـاره واخـذ عـن اللـي عادتـه تلـة السـيـر=مـا يلتـفـت راعـيـه يسـبـر شـنـاره غلاص طلعٍ لـه علـى الصـدق تبريـر=ياخـذ علـى الـجـو البعـيـد انـحـداره حـوّل علـى جـولٍ تقـافـى مدابـيـر=زرق النحـور اللـي عليـهـا الــدواره الطـايـره يـرسـل عليـهـا مشاهـيـر=مثـل الجـهـاز الـلـي بتوجـيـه اداره و الدارجـه يـرسـل عليـهـا جـزازيـر=كـل افدعٍ مـع قـو ضربـه شـطـاره يفـرا نحرهـا فريـة الدلـو فـي البـيـر=تلقـى الفـؤاد مظـهـره مــن سـتـاره فــي وقتـهـا ينـسـى وداد الغنـاديـر=و ينسـى جمـيـع معـامـلات الــوزاره هـذي حقـوق الطيـر يا ظـالـم الطـيـر=ما هو بحقـه سجنـتـه فــالغـمـاره |
رد: في وقتها ينسى وداد الغناديـر_و ينسى جميع معاملات الوزارة.. (لعشاق المقناص) لابن ع
الطيـر يبغـي لـه عنـايـه و تدبـيـر=رجـلٍ يعـرف اهانتـه مــن وقــاره
صح الله لسانك ولسان بن عون ولاهنت على القصيده :) |
رد: في وقتها ينسى وداد الغناديـر_و ينسى جميع معاملات الوزارة.. (لعشاق المقناص) لابن ع
لا هان من قال. اشكرش اختي يوران على المرور. |
رد: في وقتها ينسى وداد الغناديـر_و ينسى جميع معاملات الوزارة.. (لعشاق المقناص) لابن ع
صح الله لسانه .. وتشكر على ذا الاختيار الجميل ..
|
رد: في وقتها ينسى وداد الغناديـر_و ينسى جميع معاملات الوزارة.. (لعشاق المقناص) لابن ع
العفو أختي مهرة و أشكرش على المرور. |
رد: في وقتها ينسى وداد الغناديـر_و ينسى جميع معاملات الوزارة.. (لعشاق المقناص) لابن ع
مســـعطر
صح الله لسانك ولسان شاعرها الكبير ~*¤ô§ô¤*~عبدالله ابن عــون~*¤ô§ô¤*~ والقصيده هاذي دايم نردد ابياتها .. ومشهوره لاهنت على النقل الجميل والأختيار الأجمل تقبل كل الشكر |
رد: في وقتها ينسى وداد الغناديـر_و ينسى جميع معاملات الوزارة.. (لعشاق المقناص) لابن ع
مسعطر
لاهنت على هالنقل الرائع وصح السان الشاعر ابن لعبون |
رد: في وقتها ينسى وداد الغناديـر_و ينسى جميع معاملات الوزارة.. (لعشاق المقناص) لابن ع
حياك الله أخي حوران. و أشكرك على المرور. العفو. |
رد: في وقتها ينسى وداد الغناديـر_و ينسى جميع معاملات الوزارة.. (لعشاق المقناص) لابن ع
حياك الله أخي عساه خير. والقصيدة للشاعر عبدالله ابن عون. و أشكرك على المرور. |
رد: في وقتها ينسى وداد الغناديـر_و ينسى جميع معاملات الوزارة.. (لعشاق المقناص) لابن ع
:3rbe69: عساها تعجب الشيخة. |
الوقت في المنتدى حسب توقيت جرينتش +3 الساعة الآن 02:45 PM . |
مجالس العجمان الرسمي