ياراكب اللي كنها فـرد غـزلان = لاصاعها من يمة الريـح زيلـه
تياسرت مع يمة الجـدي لابـان = هجنٍ عليها في المسـاري دليلـه
فاءذا لفيتو شيعو ذكر (ضيـدان) = اللي تعدى الجيـل الاول وجيلـه
قولو سلام الحرص ياطير حوران = بحفوةٍ يا اللـي علومـك جميلـه
انـا بشيـر للمعـادي بخـذلان = عـزٍ للراسـك ياذعـار الدبيلـه
من هازنا زرناه بخشوم الاضعان = ومروبعات في المنـازل ظليلـه
يبرى لها من يمة الخوف فرسان = ومالٍ الى نوخ يشيبـك عويلـه
تراوحت صم الحوافـر بفرسـان = وتخالفو ضرب اليديـن الطويلـه
سرنا عليهم والسفر ما بعد بـان = فعل الله الماضي على كل حيلـه
ياميةٍ في حومة السـوء ظفـران = ياما ذهب في وردهم مـن قبيلـه
يامن يبشر بالخبر ابـن سلطـان = سبـع القبايـل فرقتهـم قبيـلـه
ياليتكم شفتـو طلقيـن الايمـان = تنخاهم انساهم وراحـو سحيلـه
حنا انتصرنا والمعادي بخـذلان = ولا يامن الاحكام راعـي دغيلـه
زيزومنا بو راشد ذيب الاقـران =حييت يا شيـخ علومـك مهيلـه
شيخٍ ليام الى امتلى الجـو دخـان = (لاهوم) شيال الحمـول الثقيلـه