حضرنا للمكان اللى نعزه بعـد طـول غيـاب=سلام الله على المطـران حاضرهـا وغايبهـا
تغنى ياهجوسى والعبى واللـى يـودى جـاب=تلاعبنى هجوسـى داخـل الملعـب ولاعبهـا
حضرتوا في محلٍ يفتخـر بمعـرّب الانسـاب=هـلا ياشاعـرٍ لـه لابـةٍ تحمـي لواجبـهـا
تغني ياهجوسي يـوم غنّـى هاجـس اللعـاب=على جزل المثايـل والمعانـي مـن مقاضبهـا
يدوم الك البقا يالشاعر اللـى فالقـاء ميهـاب=دروس الملعبـه معـروف قاريهـا وكاتبـهـا
ياغازى بنت ابو زيد الهلالى راسها ابيض شاب=وابو زيد الهلالـى لـو درى قـوم حرايبهـا
دروس المعلبه يحسب لها بين الرجال حسـاب=ليـا دارت كمـا عـودٍ تطيـبّـه شواربـهـا
بلاها من زمنها اللي عليهـا ولّـع المشهـاب=لكن اهـل المعرفـه يابـدر تحمـي مناصبهـا
لقيـنـا 55 صـلـو داخــل الـمـحـراب=من الخمسين خمسه يعرفـون احكـام واجبهـا
ويا وجه الزمن شفناه واللى فيه ضرس ونـاب=لاكن اسمع ياغازى جـودو عـروة مقاضبهـا
ترى من يدرس احكام الإمامه يابـدر ماخـاب=يجي يومٍ يصـدر حكـم لـو تكثـر عجايبهـا
عليها الله وامانـه نحتميهـا والزمـن غصـاب=لكـن انتـه علامـك يابـدر فجيـت حاجبهـا
صحيح العلم بيـتٍ فيـه ياغـازى 8 ابـواب=لعلـه مكسـب الاجـواد لاحـث ركايبـهـا
تقوله مير ياغازى نهار عصير صـاح غـراب=وهى من ديسها تدرون كـم فاضـت محالبهـا
تقولـه والليالـي يابـدر فيهـا قمـر ماغـاب=ضفا نوره علـى كـل الكواكـب ليـن غيّبهـا
غراب البين ما وقع سوات الصقر في المرقاب=وراع الطايله في كـل وقـت وحيـن فازبهـا
ولا ياطيب هذاالشاعر اللـى مدرسـه وكتـاب=فناجيـل الرجـال اللـى تحـدا دوم شاربهـا
نبا نقفى عليها فالرمـاح وضربـت المشعـاب=ذلول العرف ياغـازى مـع العـراف نشعبهـا
مدام انك تسوق الكيـف تلقالـه مئـة شـراب=ولـك وقفـه ولـي وقفـه بعيـداتٍ مجذابهـا
ليا منك قـدرت تسوقهـا بالحـل والترحـاب=ياطيب التاجر اللي كل جزلـه جـاك جالبهـا
نبا نغلبك يا هذا الزمـن لـو الزمـن غـلاب=وطـلاب المعلـم تنصـب الجملـه وتعربهـا
لقيت النا الجمال على ماقيـل عـوج ارقـاب=بعـد شبعتهـا ورويتهـا حاسـت مشاربـهـا
زمانن مثل حد السيف والدنيـا جفـن وهـداب=عيـون تظمهـا بالجفـن وعيـونٍ تحسابـهـا
اعرف أن الجمال جمال شان الوقت إلا طـاب=تعـوج ارقابهـا لكـن تزحـم مـن مناكبهـا
احد صادق ياغازى وحد فى هذا الزمن كـذاب=و شفنا والبلا فاللحيـه اللـى تحـت شاربهـا
وبو عمه على همه نزل وادى طلـع فهضـاب=يباهـا لقمتـه لاكــن غــازى مايسيبـهـا
ولا ياشاعر العجمان نعـرف حالـة المرتـاب=ولا هو شرط فاللحية ولو قالـوا بهـا وابهـا
نعرف ان العمى ماهو مقدي راية الاصحـاب=عمى تفكير لـو انـه زعـم للنـاس صايبهـا
خلف هذال غنا بعد ما هاض وجذبـه حجـاب=وله جمهور رددهـا ولـه جمهـور وطربهـا
انا شفت العمى ياغازى اللى نشبـة الانشـاب=ليا عـدت مصيبـه طيحتـه فكبـر مصايبهـا
على عصره وفكره لاتقول ان اللحـن جـذاب=خطيـه فـي حياتـه والبشـر قامـت ترتبهـا
ترى من دور النشبه يجيه من الليـال صعـاب=ويبطي ماتسهل له سهـل ويمـوت بأصعبهـا
نشيل الخرج واثر الخرج ياغازى فجوفـه داب=لاكـن البندقيـه فـوق راسـه زان مضربهـا
سبور القوم تسبر من جنوب ودارهـا مجنـاب=ولاكـن غلـق البيبـان بالـك لاتـروف ابهـا
على الميـدان ياحميـدان ياغالـب وياغـلاب=ولـن ثورتهـا دقـق بـهـا قــدام تندبـهـا
ليا منه عوى ذيـب الجبـل مستجـذبٍ لذيـاب=يبـا يجنـى ثمـن هالعويـه اللـي مايحسبهـا

المشاركة الأصلية كتبت بواسطة فهاد العجمي بدر العجمي صح الله السانك وعزالله انك ماقصرت وهذي المحاورة تبقى بصمة تميز في المحاورة صح السانك ولسان الشاطري

المشاركة الأصلية كتبت بواسطة زبون الجاذيه شعار معروفين بدر صح لسانك ولسان غازي الشاطري مراقب منتدى مطير عز الله محاوره طيبه وخذت لها اصداء جميله