عسى الله يجيبك ضايق من الحزن مقهور = جريح(ن) وتشكي جاير الوقت والحاجه
ومن حزن كبدك ماتبين لك المستور = علوم(ن) ترجع ناوي الدرب لأدراجه
وأمور(ن) بقلبك ماشفاها دوى الدكتور = همومن تفكك حصنك العود وسياجه
وتجيني بعدها تلتفت خاطرك مكسور = تحاول تفك الباب وتزيح مزلاجه
ولا عاد يفرق عندك الصح والمحضور = طريق(ن) دخلته ماتعرف أنت مخراجه
وليا صرت ماتسمع من الطيبين الشور = ترى الليل ماينفعك مسراه وسراجه
لكنك صغير وجاهل(ن) بالزمن يا 000 = ورجلك على درب الردى دوم دواجه
ولو كان ماسويت يكتب من الطبشور = مسحته وربي يغفر ذنوب حجاجه
لكن البلا في داخل الصدر وألا الزور = سجين(ن) يأس من ناطق الحكم بأفراجه
وإلى كنت في دنياك ياصاحبي مسرور = مصير الذي قد راح يآتيك بعجاجه

المشاركة الأصلية كتبت بواسطة روح العنا (المشاركة 1242201) كلمات قوويه .. يعطيك العافيه ...

المشاركة الأصلية كتبت بواسطة سيف ربعه (المشاركة 1242282) صح الله لســـانك واعتلا شـانك ,, وافيــهـ وجزلـهـ تقبل مروري

المشاركة الأصلية كتبت بواسطة نوارة (المشاركة 1242292) صح الله لسانك ماشاء الله