رسالــة إعجــاب
يا القلب الابيض وين مـا كنـت موجـود= عطني إشارة فاكس أبرسلّـك إعجـاب تستـاهـل التقـديـر والـطـيـب والـجــود= مـــادام لا حـاقــد ولا أنـتــه بـكــــذّاب يدعيك قلب" من غثـى الوقـت ملهـود= وقت" غريب وفيه حسـن الرجـاء خـاب يبـغـاك تـبـذل مـعـه طـاقـه ومـجـهـود= فـي كشـف تزويـر الملامـح والالـقـاب بالـنـاس نــاس" شـرهــم يـرتـفـع زود= شــر" عجـيـب ولا عرفـنـالـه أسـبــاب نــاس" عـلـى الاجــواد قـدّاحـة زنــود= شيطانـهـم حـاظـر ومعروفـهـم غـــاب قلوبـنـا بـيـض وهــم قلوبـهـم ســـود= والـشـاهــد الله ماقفـلـنـالـهـم بـــــاب وابلـشـة الـنّـقّـاد مـــن كـــلّ مـنـقـود= أصحابـنـا تــال الـزمـن صــاروا أجـنــاب العولـمـه ماعقـبـهـا سـهــود ومـهــود= تصعـب مشاكلهـا علـى كــل حـسّـاب تـغـيّـرت مـــن بـعـدهـا هـبّــة الــنــود= قـامــت عـواصـفـهـا تـقـلّــب تــقــلاّب هبّـت هبـوب الغـرب فـي ملـح بــارود= وامطـر سمـاء الدجّـال أعاصيـر وتــراب وتـلـقّـف الفـتـنـه مـنـافــق ونــمــرود= والـكـل مـنـهـم بـالــردا ولّـــف كـتــاب أكـثـر عـبـاد الله عــن الـواقــع رقـــود= حتى وقع فـي جبهـة الحـقّ مشعـاب واصبح سعد يشكي على عمّه سعود= وسعود ماهر بسّ فـي علـم الانسـاب سعـد يشـوف الضيـم وسعـود مقـرود= مـاهـمّـه بنـاخـيـه لـــو يـقـرصــه داب أهــم شــي يـطــوّق الـــزرع بـحــدود= ويحـطّ لـه مقهـى علـى راس مـرقـاب ياسعـود ليـه الغطرسـه وانـت مـردود= للـي هـزم وحــده طواغـيـت الاحــزاب دنـيـاك هــذي بعـدهـا يـــوم مـوعــود= والمـوت قبلـك ماتـرك عكـف الاشنـاب دنـيـاك مـثــل أحـــلام فـنّـانـة الـعــود= لا تنـخـدع بالشـكـل لــو كــان جـــذّاب وان كـان حبلـك ياحمـر العيـن مشـدود= يرخيـه مرخـي حبـل أبـو زيــد وذيــاب لـو فيـه بيـن المـوت والصملـه عـهـود= ما مات أخو حسناء ولا عقـاب وحجـاب وآخـر كلامـي مـرجـع الجـسـم لـلـدود= يانـاس مـا عـن حفـرة المـوت مجنـاب |
رد: رسالــة إعجــاب
الشاعر عبدالعزيز الحربي
صح لسانك على القصيدة الجزلة وفقك الله . |
رد: رسالــة إعجــاب
الله لايهينك
عبدالعزيز الحربي وصح لسانك على القصيدة الجزلة بـــالـــنـــاس نـــــــــاس" شــــرهـــــم يـــرتـــفـــع زو""""شـــــــر" عــجــيـــب ولا عـرفــنــالــه أســــبــــاب لاتنسى اضافة حرف (د) بكلمة (زود) وشكراًً |
رد: رسالــة إعجــاب
الغروب
صح بدنك الله لايهينك شكراً على مرورك |
رد: رسالــة إعجــاب
مدباج1
صح بدنك لاهنت شكراً على مرورك وشكراً على التنبيه بالخطا المطبعي أرجو من المشرف تعديلها .. هي أصلاً كلمة (زود) لكن حرف الدال سقط سهواً |
رد: رسالــة إعجــاب
صح السانك اخوي
|
رد: رسالــة إعجــاب
الله الله
عبدالعزيز الحربي وصح لسانك على القصيدة الجزلة تقبل تحياتي |
رد: رسالــة إعجــاب
بن طريم
صح بدنك ولاهنت على مرورك |
رد: رسالــة إعجــاب
صح بدنك ياهادي الله لايهينك
|
رد: رسالــة إعجــاب
الله الله عبدالعزيز الحربي وصح لسانك على القصيدة الجزلة تقبل تحياتي |
الوقت في المنتدى حسب توقيت جرينتش +3 الساعة الآن 09:08 PM . |
مجالس العجمان الرسمي