يا اللي على كثر همّك ما تشتكي = قانع وراضي ودامك تصبح مَعَه
تزرع أماني ومنها تقطف حكي = له محتمل قولتك حنّا في سَعَه
عاشق وحتى ولو قالو يا ذكي = يلعب عليك الحقيقه باعك بَعَه
ما تسمعه عاذلك لو يجهش بكي = صمٍّ وبكمٍ وراع الحكيه دعه
ونشد عن اللي عرف غيّه مرتكي = للي بكا صابرٍ محفي مدمعه
قل يا ولد غايتي الحكمه مدركي = لو هي كذا لي حقيقه أو مبدعه
وش حيلة اللي لقلبه هو مهلكي = يطرد سرابٍ زماله ما ينفعه
يرجي عسى بالوصايل له يسلكي = دربٍ وما للعواذل شيّن معه
يسعد ويفرح ولو ليله محلكي = دامس ظلامه ونورك شوقٍ شعه
أنظر بعين الرّضاء بي لا تفتكي = دامي على عهدكم قلبي أسمعه
يا فتنتن من تصيبه ما يملكي = غير الدعاء يا عسى من راعك رَعَه
بين الحنايا كتب لك يا ظلمكي = يوم الجفا هو سفيرك ما تردعه
لا سامرك شوقنا به لا تهتكي = ستر الملاقا ويا خوفي تفجعه