خذ أماني شاعرك لا ضاق بك صدر الليالي = لا خبت لك من عناقيد الحزن مـا يشعلنّـه
لا تسامر لك على واهج غلاهـم بالأمالـي = موقدٍ لك من شموع الشّوق لو هن يحرقنّه
لا غدا أمسك ويومك مثل ماهو مـا تبالـي = لا تساوت لك همومـك لا ولاهـن فارقنّـه
عندها تسمع صدى قلبٍ همس لك يا حلالي = جاذبن صوته يداعب لك هواجيسـن كونّـه
ساكبٍ لك من عيونٍ تحتري لك بالوصالـي = ناثره دمعٍ سكـب لـك هاجـسٍ لا ردّدنّـه
به تسابق لك هجوس الشّاعر اللي لك يلالي = يجذب الونّات يحلم في وصالـك أرحمنّـه
به تهاتيه الغـلا متجـرّده مـرن وحالـي = لك عديم الحظّ همّه لا غـدى منّـه طونّـه
عاشها في مرّها في حلوها وانت الغوالـي = يا قمر ليلٍ سقى له ضاميـن مـا يروينّـه
يا عسى تشفق لحاله لو قليـلٍ بالكمالـي = منك يرضى بالقلايل لـو همومـه زامينّـه
تنتشي أحروفكم له بالمشاعر يـا مجالـي = لازهاة أحساس قلبه مـن محـبٍّ راجينّـه
طامعٍ منك الوفى لا تخذله يـا راس مالـي = طيعني وافق حبيبي لا ولا تخلـف مظنّـه

المشاركة الأصلية كتبت بواسطة HADI_KW (المشاركة 1243427) الله الله لاهنت ياخالد وصح لسانك على القصيدة الرائعه والله يعطيك العافية

المشاركة الأصلية كتبت بواسطة فالك طيب (المشاركة 1243831) صح لسااانك وفالك طيب

المشاركة الأصلية كتبت بواسطة محمد بن ناصر الغفيلي (المشاركة 1243852) الأخ العزيز \ خالد الجفن صح لسانك وسلم حالك دوم استمتعنا بما قدمت وبإنتظار إبداعك القادم