من روائع الشاعر: مهذل بن مهدي آل مهذل الصقور
بسم الله الرحمن الرحيم قصيدة رائعة للشاعر مهذل بن مهدي الصقور مليئة بالحكم والمواعظ:-
ياذيب ياعاوي في عالي هضابه = منك العوى نوحيه في مرقبك فوق اقنـب ومن حولك جيـاع الذيـابه = بيّتـني درك عسـى جنبـك العـوق بيّت من هاجوس قلبـه غـدا به = سمٍّ على قلبه من العام مسحوق تنعـاف دنــيـاً تاليـتها خــرابه = طـرادها من طـارد المـوت ملـحوق فبها الردي يحصل على مانوى به = ويغبـن بـها نـاسٍ وفيـين وصـدوق المـال ينفع صاحـبه لاإحتما به = وله مركـزه بين الرجاجيل مرموق واللي فقــيرٍ يبغـضونه قرابـه = في حاجته ماله من الناس مخلوق والطيب اللي ما يصفي حسابه = يصبـر على مـرّ العذابيـن ويـذوق والوادي اللي كل حيٍ رعى به = الحـرّ ماله في مراعـيـّه احقـوق والعزّ من يهوى طريقه مشى به = والنـّاس كـلاً لـه هوايات وطروق والصّقـر مخـلابه يرد الغـوى به = والبوم لا يصفق ولاهو بمصفوق والصدق نورٍفي الدجى ينسرا به = والكذب غدراًمالها شمس وشروق واللي يحسب حساب هرجٍ حكا به = هرج القفـا ما يلحقه منه منطوق والشيخ تعرف حكمته من جوابه = والشّـور مايختص به كل مطفـوق ومن جا على الذاري تحرّق ثيابه = ومن عارض المقفي تجي كبده حروق وشيـخٍ بـلا ربـعٍ وعـزوه ولابـه = مثل الفـواد اللي بلا دم و عـروق والنـذل لا يغزي ولا ينغزى به = وبين العرب تلقى علامات وفروق أحـدٍ إلا غـاب إفتقـدنا غيـابه = وأحدٍ يغيب وما نخصه بمشفوق ما يستوي غيم شحيح سحابه = وغيمٍ مخاييـله برعّـاد وبـروق اللي يذوق الضيم مرٍّ شرابه = لابد ما يصفى له الكاس ويذوق قلته عن أصحاب العقل بالنيابه = كلام قلته يفهمه وافي الذوق حمامي اللي جرّ صوت اللعابه = اهتزت شجون بن مهذل من الشوق ذكرتني صورت ضبي العدابه = ما لي سواه من المزايين معشوق في سوق حب اللي حكمت الرجابه = أغليت سوقه لين عجزوا هل السوق ياأعزّ وأغلى من هلي والقرابه = ياللي على نفسي مأمن وموثوق لو قلت سق روحك لموتك جلابه = لاسوقها واسوق معها العرب سوق |
عبدالله ال عامر صح لسان قايلها وسلمت يد ناقلها يعطيك العافيييييييييييييييية :) |
صح لسان ابو مهدي وجعل يمناك مايجيها العطب يابن عامر
|
اقتباس:
صح بدنك..... ولاعدمناك يا مذكري تحياتي لك؛؛؛؛؛؛؛؛ |
اقتباس:
ومن قال سالم..... والله يعافيش |
لاهنت ياذيب وتسلم يمناك
|
ولانت يالسنافي..... ولاعدمناك تحياتي لك؛؛؛؛؛؛؛؛ |
لو قلت سق روحك لموتـك جلابـه
لاسوقها واسوق معها العرب سـوق انا اشهد بيت يشيش الرااس |
لاهنت يابو سالم على المرور والتعليق تحياتي لك؛؛؛؛؛؛؛؛؛ |
والصدق نورٍفي الدجى ينسـرا بـه
والكذب غدراًمالها شمـس وشـروق عبدالله لا هنت يالذيب على الإختيار الرائع وصح الله لسان مهذل بن مهدي |
الوقت في المنتدى حسب توقيت جرينتش +3 الساعة الآن 02:28 AM . |
مجالس العجمان الرسمي