أضحى الضحى و أنا على رجمٍ بديته من عصير=أدرى خواطر نايد العجمان مـن منقودها
رجمٍ جنوبي طلعة العشّار شرق ابـو ظهيـر=غربٍ من الصرار و الونان أشـوف حدودهـا
و محمد ابن سعود ابن حثلين غير الناس غيـر=طول الجبال الشامخات و قدها و قدودها
شيخ ليا ضاقت علي اللي رحاها مستدير=يا سعد عيني بالأسود اللي تعرف أسودها
حفيد من جابه معزي كنـه الـداب الضريـر=مع ابن لامي و الدويش اللي يقـود فهودها
زعيم حمران النواظـر كلهـم قايـد مطيـر=يوم الفغم و السور حراس البلد و جنودها
لو كان يوجعني و يكويني على الظلع القصير=و أحلف يمين الله يا الديرة ما عاد آرودها
و الله لأموت و قدر ابو ضيدان في قلبي كبير=حب من الله في قلوب أهل الوفا و كبودها

أشكرك اختي اميرة الرووح على المرور.