مجالس العجمان الرسمي - مرثية سمو الامير بندر بن سعود في العم(جطلي بن ورده)ورد الشاعر منصور بن محمد بن منيخر

مجالس العجمان الرسمي (http://www.alajman.ws/vb/index.php)

- مجلس عيون الشعر النبطي (http://www.alajman.ws/vb/forumdisplay.php?f=29)

مرثية سمو الامير بندر بن سعود في العم(جطلي بن ورده)ورد الشاعر منصور بن محمد بن منيخر

مرثية سمو الامير بندر بن سعود بن محمد في العم ( جطلي بن ورده)

جيناء نعزي جمعكم يـا ال سفـران== في شايـب(ن) أنتـم وحنـا نجلـه
يالله عسى قبره ورود(ن) وريحـان==وفي جنةالفـردوس عالـي محلـه
أنتم هل الطـولات ذربيـن الايمـان==مروين حد السيـف وقـت المظلـه
أنتم هل الناموس فرسـان عجمـان==عدوكم يسهـر دجـاء الليـل كلـه
راسين عجلين(ن) على الخيل شجعان==ماتخظعـون أنفوسـكـم للمـذلـه
أنتم مثل ماوصّـف الشيـخ راكـان==عزالرفيق وسقم منتـم عداء(ن)لـه
والياعصى العاصي لواهيـب نيـران==تصهر حديـد الصلـب دقـه وجلـه
أنتم محازمنا علـى وقـت الاكـوان==محظوظ منهو حطكم عـزوة (ن)لـه

رد الــشـــــاعر : مـنـصـــور بن مـحـمـد بن مـنـيـخــــر

هذا من آل سفران شكر(ن) وعرفان==عبر الصحف ينشر وعبـر المجلـه
بندر وريث المجـد للطيـب عنـوان==عزى وعزيناه فـي شايـب (ن)لـه
في جيتك خففت مخـزون الاحـزان==ودرب السنع من طيب راسـك تدلـه
جاذبك راس سعود مع راس شقـران==شجره على شبـه الجزيـره مظلـه
أنتم هل العوجاء لنا ملـوك وخـوان==وملـة نبـيّ الله علـى كـل ملـه
وحنالكم سيف(ن) على راس من خان==سيف(ن) سنين ولاخسر من يشلـه
عزيتنـا فـي راس ورده وسرحـان==جطلي وذكر الطيّبـه عـادة(ن) لـة
رحل عن أهله والجماعـه كحيـلان==وكم واحد(ن) دمعه على الخـد هلـه
منا الدعاء والله يجازيـه الاحسـان==يغفر خطايا(ن) سجلت فـي سجلـه
الكامـل الله ماذكـر فيـه نقصـان==لو شان وجه الوقت ما شـان دلـه
عسى له الجنة مقـر(ن) ومسكـان==يالله يـا عالـم خفـايـا الاْ هـلـه
يامن خلقت الكون والانـس والجـان==تجعل لحد قبـره مـن رضـاك فلـه
وصلاة ربي عد ما كايـن (ن) كـان==على رسول (ن) وضّح الشرع كلـه