قالوا تعلمت قلت عناد وفراسه.. شيلة من كلمات رشيد الزلامي
بسم الله الرحمن الرحيم : أسعد الله أوقاتكم مرتادي مجالس قبيلة العجمان الكرام بكل خير : أقدم لكم هذه الشيلة وهي من كلمات الشاعر الكبير: رشيد الزلامي : أتمنى أن تحوز على اعجابكم :
قالـوا تعلمـت قلـت عناد وفراسـه=أجاهد النفـس والدنيا وأصارعـهـا :ودرست في مدرسـة من شيّبـت راسـه=دنيا العنا اللـي قصيفـاتٍ مطامعهـا تلميذهـا دايـماً يكـتـب بقرطـاسـه=وتعطيـه جملة دروس ما يضيعـهـا والله عطانا نظـر وشعـور حساسـة=ناخذ علوم المعرفة مـن مراجعهـا ونسايـر الوقـت ونقيسـه بمقياسـه=ونواجه النفـس بالواقـع ونقنعهـا وترى حياة الفتى مهما قـوى باسـه=محفوفةٍ بالخطـر والمـوت تابعهـا من مبتدأ العمر حتـى يلفـظ أنفاسـه=يمر فـي مرحلـة تكثـر زوابعهـا أول حياة الفتـى مشوار وعساسـه=مسافة في عجـاج العمـر يقطعهـا وثاني حياة الفتـى تدريـب ودراسـة=تصعب ظروف الحياة وينشغل معهـا وثالث حياة الفتى يرجع على ساسـه=النقطـة اللـي بـدأ منهـا يراجعهـا ياصل لسن الهـرم ويضيـع الطاسـة=ويزحف مع الأرض ويخطط شوارعها وإليا تلاقت متونـه وارتخـى راسـه=ضاعت جميع العلوم اللـي يجمّعهـا : للتحميل اضغط هنا : تقبلوا تحياتي : 1bh1 |
رد: قالوا تعلمت قلت عناد وفراسه.. شيلة من كلمات رشيد الزلامي
لاهنت على القصيده الحلوه
|
رد: قالوا تعلمت قلت عناد وفراسه.. شيلة من كلمات رشيد الزلامي
لاندمت يا شعيل999 وتسلم على مرورك
: 1bh1 |
رد: قالوا تعلمت قلت عناد وفراسه.. شيلة من كلمات رشيد الزلامي
يابــــوســراج
لاهنت على الايراد الشيله بارك الله فيك |
رد: قالوا تعلمت قلت عناد وفراسه.. شيلة من كلمات رشيد الزلامي
لاندمت يابو فهاد وتسلم على تشريفك
: 1bh1 |
الوقت في المنتدى حسب توقيت جرينتش +3 الساعة الآن 07:06 AM . |
مجالس العجمان الرسمي