تريّث قلبي وعقلي على منحك غلا الاحباب = وسرعان أيّد اشعوره نقشت اسمك على صدري
وكنّه ينبض لدمّك وكنّه من دمـِي مرتاب = مخلص صافي النية وزاد الشوق مع صبري
انا لو انظرك لحظه يهوّن ما مضى بغياب= ويزيد الدامي اللي زاد جروح ٍ عاشقه سهري
عشقت اجاذب الونّة عشقت اشرّف بمرقاب = عشقت اسهر لجل ارسم ملامح منك في فجري
تشابه للفجر طله ونورك بالشعاع انساب = جمال الكون لو يوصف يقدّر من جزء عشري
نجوم ٍ تزهى بالعتمة تشابه للشعر بحساب = وبدرك قاهر الكوكب ولا مواجه لها يطري
حروفك كالمطر والسمع منّي كالقفر اجداب = وانا في مسمعي جمر ٍ وصوتك يطفي لي جمري
ديارك قاربت من بُعد ومن بعض القلوب اقراب =وتبقى حسبتي ماهي واحسب الثانية شهري
ترا حبك وسط قلبي توتد ثم ركز مركاب = ولو انزع ما يركز به نهرني القلب مع نهري
ظعون الحب شد لك وشالت شوقها بركاب = عسى تلقى لها قلبك مع مجرى الدمى تجري
على رغم القلوب اللي تهادت نبضها بعتاب = يا قلبي قلبي مايرتاح حتى تقبلي عمري
شعور القلب من قربك يبادرني شعور اغراب = ولكن قربي مني مادام البعد في نحري
يقولوا للغلا سبه وانا اغليتك بدون اسباب = ابجمع كل ما يروى وبارميها ورا ظهري
هويتك والهوى حلوه مرير ونالني بإعجاب =دلالك بالغلا فاحت وهيل الحب في نجري

المشاركة الأصلية كتبت بواسطة فتى الوادي (المشاركة 1222255) صح لسانك يا ابن مجحود على القصيدة الرائعة

المشاركة الأصلية كتبت بواسطة ابو منيف (المشاركة 1223023) صح لسانك يا عبد الله ال مجحود قصيدة رائعه