الرحله والله عندي ( خالد وبس ) مع التحيه ..
السلام عليكم ورحمة الله وبركاته عذرا ً على القطاعه :) واسعد الله اوقاتكم بكل خير يا خالد وبس والبحر الغزير=كيف انت ؟ كيف العرب واحوالها ؟ ارسل على هاجسك مني نذير=وانشد عيون الشعر وش هالها.! العولمة من رحاها تستدير=واللّي شعفها عجز يشتالها.! حصار جوّي على الريّس بشير=وحسني ( يقول الله ) ولا فالها.! ضِرب الهجيني بعرضه فالقصير=وكل ٍ يغني على موّالها.! لكنّ بين القوافي والنظير؟=لا تقول : قد قالها من قالها.! لو لا الرغى ما عرفنا وش هدير=اللّي على غاربه اثقالها.! وانكان ما احتلت فالأمر اليسير=شرهاتي كبار يا رجّالها.! وسلامتكم :) |
رد: الرحله والله عندي ( خالد وبس ) مع التحيه ..
الرســـام
عوداً حميداً والحمدلله على السلامه مرحبا و مسهلا بـ عودتك للمجــالس صـح الله لسانك و اعتلا شانك والله يحفظك لمحبيك دمت بسمّـو |
رد: الرحله والله عندي ( خالد وبس ) مع التحيه ..
صح لسانك
ولاهنت على النص الجميل تقبل مروري |
رد: الرحله والله عندي ( خالد وبس ) مع التحيه ..
يا مرحبا والله مليون .. يالرسام
اشتقنالك ..! المجالس منوّره .. من علوّها لـ اسفلها بـ عودتك الحميده ..! وصح الله السانك لين تقول بس :) واسمح لي .. ارد بـ هالخربوطيه :- :) انفض جناحك وطير .. ان كنت طير = والا اقْبل بحيلةٍ .. تحتالها عينك صغيره وراسك مستدير = ورسالتك جاريٍ .. ارسالها ام الكباير .. عبوس قمطرير = ولا زوّد آلامها .. الا آمالها تومي على الناس .. بالسيف الشطير = وترسل على الغافلين .. عيالها وانا لو البّسك .. بشت الوزير.. = اوثوبه .. وغترته .. وعقالها يمكنّي احقق .. (احلام الفقير) = وارويه من جمةٍ .. يضمى لها الرابح اللي معه عقل .. وضمير = وينزّل الناس في منزالها وان شاف له واحدٍ .. ما فيه خير = جلس تحت شجرته .. وظلالها..! وامسك :0015: |
رد: الرحله والله عندي ( خالد وبس ) مع التحيه ..
^
^ بصراحه أبيات وايد حلوه تسلم يمناك آخوي خالد ونتمنى نشوف المزيد من أبداعاتك ..! |
رد: الرحله والله عندي ( خالد وبس ) مع التحيه ..
:)
رحلة طيبه , صح لسانك يا خالد أنت و الرسام .. |
رد: الرحله والله عندي ( خالد وبس ) مع التحيه ..
صح الله السنتكم ولا هنتوا
تقبلوا مروري |
رد: الرحله والله عندي ( خالد وبس ) مع التحيه ..
صح والله لسانك واعتلا شانك
قصيدة جزله من جزل تقبل مروري ودمت بود |
رد: الرحله والله عندي ( خالد وبس ) مع التحيه ..
اقتباس:
النـوف السموّ مرورش الرائع والاكثر من جميل صح انتي :) وشكرا ً |
رد: الرحله والله عندي ( خالد وبس ) مع التحيه ..
اقتباس:
العـــسر صح بدنك وبيض الله وجهك ومرورك يشرفني طال عمرك :) شكرا ً |
الوقت في المنتدى حسب توقيت جرينتش +3 الساعة الآن 09:03 PM . |
مجالس العجمان الرسمي