|
{{مجموعه من محاورات الشاعر ضيدان بن قضعان مع عدد من شعراء المحاوره}}
هذه المحاورة قبل عشر سنوات في المغتره امام صاحب السمو الملكي الامير فيصل بن خالد بين الشاعر فلاح القرقاح و الشاعر ضيدان بن قضعان
فـلاح: = يالامير اسمح لي ابا آخذ مع ضيدان قالـه=طالبك يا سيدي لاحد يجـي بينـه وبينـي اشرب الفنجال يا ضيـدان واكـب البيالـه=طيب يا صاحبي واحـب سلـم الطيبينـي ضيدان: = بالنيابه عن الامير اللي ترى حنـا خوالـه=مرحبا لو ما تسلم يـا عشيـر الغانمينـي يالعبيدي لا لقيت الهاجري واقـف لحالـه=صح لبن شايق وانا ربي على الدنيا عويني فـلاح: = بارك الله بالاميـر اللـي يظللكـم ظلالـه=وانتم اللي صيتكم بين القمـر والفرقدينـي والله ان الهاجري بالضيق درع ينعنى لـه=سد دينك يا ولد قضعان وانا اسـد دينـي ضيدان: = يابن ريفه لا تعدى الحد والدعوى سهالـه=لد بابن مشيط لا تشبح يسـار ولا يمينـي والله انـا مـا وقفنـا الا نـدور للجمالـه=ميرلا تاقف على درب الثلاثـه والثنينـي فـلاح: = والله ان ماني لابن مـرة مجـود بالكفالـه=والامارات العربية علـى راسـي وعينـي التفت لي والتفت ولا بلاش مـن الزمالـه=ما تمشيها علي وانا ابن مفلـح مرتينـي ضيدان: = يا كثر ربعك بذيك الدار يـا راع الخيالـه=ميرانا مسلـم وربعـي كلبوهـم مسلميـن اعترفت بالاولـه والثانيـه مالـك محالـه=حتملها في ظلال الحلف والقاسـي يلينـي فـلاح: = انت يم اقصى الديار اشفق من وليد الغزاله=انتبه لا يخرج الموضوع كله مـن يدينـي جرت هذه المحاوره بين الشاعرين الكبيرين ضيدان بن منصور بن قضعان و حبيب العازمي وتمتاز بجمال أسلوبها وجودة معانيها وجزالة ألفاظها , مما جعلها من الأبيات المسبوكه سبكاً متقناً
حبيب العازمي= سـلام رديـه علـى بحـر العـرب وانته ياابن قضعان سباح البحـر =يمـا تجيـب مـن البحـر درٍ ثميـن وإلا تجيب من البحر وجبة عشا أرسلت لك مرسولنا حسب الطلب لكـن طـال الوقـت ماجانـا خـبـر =وإليا صبرنـا يامعيـن الصابريـن ماصـابـر إلا مايـريـد الله وأشــا ضيدان بن قضعان= يامـرحـبـا ترحـيـبـةٍ مـثــل الـذهــب بالشاعـر اللـي صايـرٍ ضابـط خـفـر =واللي سكـن عيـن البراحـة والقريـن يـدري عـن اللـي ساكـن دار الـرشـا ياالعـازمـي تـبـت يـديـن أبــو لـهـب لــكــن لايـدريـبـهـا زيــــد وعــمــر =والأرنب اللي مالها إلا نصـف عيـن صارت نصيب الطرقي اللي ما مشا حبيب العازمي= ضيدان بن منصـور مفتـول الشنـب لكـن لايـزعـل عـلـى نـايـف صـقـر =مـالــه طـريــق لايـســار ولايـمـيـن بين الضلوع اللي على وجه الحشـا الصمت حكمه والصحيح من الأدب ان احـتـرام الـرجـل للثـانـي فـخــر =وأنـا عطيتـك فــي البـدايـه كلمتـيـن وإن قلـت كررهـا ماأكررهـا حـشـا ضيدان بن قضعان= ياحبيب الموضوع مشروه وعتب وأنتـه تبـي توليعهـا مـوتٍ حـمـر =لكـن طعـنـي لاتـضـر المسلمـيـن يـا ناصـر الواشـي ليـا منـه وشـا الكلمتين خفـاف والمطلـب وجيـه لو يستحي وجه الغناه مـن الفقـر =واللي يدور في الحويـه جغمتيـن ماهـوب لاقـي لامحـال ولارشــا حبيب العازمي= ترى الرضـا يغلـق شراييـن الغضـب مثـل السلامـه تنـزع جـذوع الخـطـر =وابلـيـس رايــه يقـسـم الـواحـد ثنـيـن ويحرض الراشي على اللي ما أرتشا فزعـت بالمنشـار أبـا أقـص الخشـب وأثر الخشب يابـس وديكـوره خضـر =يااللـي وردت العـد ويـن الـعـد ويــن يمكن مـن السرعـه علـى عينـك غشـا ضيدان بن قضعان= حاسبت ياحبيب بعد طاح الحطـب لــو تعـتـذر مـاعـاد نقبـلـك عــذر =لـكـن هــذا فـعـل دورات السنـيـن يااللي تصلـون الفجـر قبـل العشـا يااللي تعجب ماعلى الدنيـا عجـب لو ينشب المنشار فغصون الشجر =وإن كـان ماباقيـلـك إلا شجرتـيـن لعـل يسقيهـا السحـاب اللـي نـشـا محاوره قويه بين الهرم الكبير رشيد الزلامي والشاعر الكبير ضيدان بن منصور بن قضعان وعسى أن تنال أعجابكم..!!
رشيد الزلامي= الي نظره على ضيدان بن منصور بن قضعان=وأنا ما اصدق الأخبار لين أعرف مصادرها أنا شفته يشب النار بين البيب والعمدان=نشدته وش تدور قال لي حاجه وادورها ضيدان بن قضعان= الك نظره ولي نظره وهذي ساحة الميدان=إذا ربك كسرها يالزلامي لاتجبــّرها أنا في خاطري كلمه ومشروهي على الشيبان=وأنا ماني بقايلها جهارى وأنت خابرها الزلامي= يقولون الرجال المرجله سيفٍ وظهر حصان=على كيفك ياابن منصور صغرها وكبرها مصــرّح لك تحث الركب من جده اليا الظهران=لكن أبعد عن الأموات لاتسبر مقابرها ضيدان بن قضعان= كفــانا في الحـــــرايب يالزلامي شيخــنا راكــان=وأنا في نعمــةٍ ياجعـــل ربي مايغيــّرها تقولــه يالزلامي وانت لاخـــــزنه ولا دكــان=مغير تقدّم الســاعه على كيــفك وتأخـــــــــــــرها الزلامي= أنا ماودي أصمل فيك حيث انك من العجمان=وباق النـاس والله ماعلينا لو نقاشرها..!! لا تزعل جونا هادي لاشعله ولا دخان=وحنا كاشفين الأرض باطنها وظاهرها ضيدان بن قضعان= تنفذ يالزلامي ماورى عجمان غير عمان= إذا ودك تيامنها وإذا ودك تياسرها عسى ربي يحفظك ياذخر خالد ذرى وكنان=كثير الناس تخضـع عقب ماترفع مناخرها..!! محاوره بين الشاعرين / ضيدان بن قضعان و مستور العصيمي
ضيدان بن قضعان = يامرحبا ترحيبة الغالين فـي بيـت الكريـم=بيت جلوي وابن جلوي راع الجميل الاولـي مستور بن تركي صحيبٍ لي من الوقت القديم=لكـن أشوفـه تالـي الايـام يتكبّـر علـي مستور العصيمي = دام البقى في حفلة الغالين يا الضيف الحشيم=ألدلك بالعين مثل الناس وأنـت اتلـد لـي إن كان صادق قول ياضيـدان بالله العظيـم=أما نحرنا لك جمل ولا ذبحنـا لـك طلـي ضيدان بن قضعان = لديت لك بعيوني الثنتيـن وافهـم يافهيـم=واحفظ حقوق المالكي والشافعي والحنبلي صادق ولكن لا تكبّر في العليـا والنسيـم=لو كانت أمك فاطمه وابيك ابن طالب علي مستور العصيمي = اعيونك الثنتين لد ابها على اخوك اليتم=أنا عتيبي وش يقرب منزلك من منزلي المسلم الصادق يبا يبشر بجنات النعيم=والمسلم الكذّاب يبشر له بنارٍ تصطلي ضيدان بن قضعان = ياصحابنا العتبان حنا كلبونا سيـم سيـم=لكن حدوها على هداج والمخرج ملـي آعوذ بالرحمن سبحانه من ابليس الرجيم=رفعتها لك غير ما تعرف تشوت إلا علي مستور العصيمي = البعد لعيون الرجل والكحل لعيون الحريم=مابيك ياضيدان تقعد مثل ميّـاح الدلـي الطيب اللي كل ما هبت ذعاذيع النسيـم=يارد على عدٍ من الجمه يفيض ويمتلـي ضيدان بن قضعان = لاصار برطم ماش برطم كيف تنفخ يا شريم=أجرك على قد عملك واجري على قد عملي الطيب اللي كل ما كنه لمح في الجو غيـم=يشعب ركابه لين حتى الغيم عنـه ينجلـي مستور العصيمي = قلت لك ياضيدان غيرها لكن أثـرك غشيـم=أزريت لا عدل شدادك ياالبعيـر الساحلـي يالله تغفـر لـه ذنوبـه ياسميـع وياعلـيـم=من يصنع الصاروخ ما هو مثل صنّاع الحلي ضيدان بن قضعان = العود مثلك لاطعنته ما طعنته في الصميم=أحن وارحم والله الوالي ولاغيره ولـي أنا أعرف اليمه ويممها صراطٍ مستقيـم=وانته عصيمي لا رسول ولا نبيٍّ مرسلي مستور العصيمي = اتقولهـا واقولهـا مـال الغريـم إلا الغريـم=والمسلميـن اخـوان بيـن مكبـرٍ ومهللـي وقفت لي ياراعي المعروب في الحزم الصريم=لكـن لا بـد السحابـه لـو تغيّـم تنجـلـي محاورة قوية ومن داخل السجن بين ضيدان بن قضعان وسلطان الهاجري
ضيدان بن قضعان= مرحبا في حلة دونها عشرين باب = والمراوح فوقها والهبوب تفرها الحرار اللي مواكيرها روس الهضاب= حولت في نقرة مايقاوم حرها سلطان الهاجري= والبقا يالصاحب اللي ماوراه الا العذاب = والجريره حسبي الله على من جرها صاحبي ضيدان غرب ولا ادري وش جاب = يوم حصل خيرها ماكفاني شرها ضيدان بن قضعان= مايبرك للحمول الثقال الا الركاب = احتمل وجنود الاسلام لله درها وان سرى ثلثين ليلك ونجم الجدي غاب = سل عيوني ليش حلو الكرى مامرها سلطان الهاجري= الفخر والعز بين الثرياء والسحاب = والمطر لو مايضر الدير ماسرها مير قلي وش فرق المشالح والثياب = ان سبحت بحرها وان مشيت برها ضيدان بن قضعان= فرقها فرق ازرق الماء على لمح السحاب = والسراب يوهق الضاميه ويغرها والبلا من شعلة ماحسبت الها حساب = واحد منا قدحها والاخر كرها سلطان الهاجري= مابقي في حوض الاجرب طعام ولا شراب = والجنوب من الجرب كل ليل يعرها لاتعاتبني عليها خطا ولا صواب = في ذرى روس ماطرا الهوى نعترها محاورة قوية جدااا بين الهرمين فلاح القرقاح و ضيدان بن قضعان
فلاح= يا سلام الله سلامٍ مـا هـو بيـدور بـوش = في حلال أطوال الايمـان و المخـرج ملـي ان نزلت انزل يا ضيدان مثل اغلى الطروش = و ان رحلت ارحل يا ضيدان و المخرج ملي ضيدان= مرحباً ترحيبةٍ من سمعها قـال خـوش = قدح من راس ابن قضعان و المخرج ملي ان قعدنا كل خيرٍ تحت الارض مخشوش = وان مشينا دار عجمان و المخرج ملـي فلاح= الكحل ما يضفي الا على عكش الرمـوش = لا تضيع حقوق الانسان و المخرج ملـي اركضوا يا ناس ركض الضواري الخروش = واذكروا نكبت حزيران و المخـرج ملـي ضيدان= ودها من حيث ما تشتهي و ام الرقوش = ملكنا يا طير حوران و المخـرج ملـي يا العبيدي كان قلبيك من الشعر مخروش = اعتبرها كان ما كان و المخـرج ملـي فلاح= لو نشدنا من هو اللي بيقوى جورج بوش = يمكن تقولون راكان و المخـرج ملـي لا تقول ان العبيدي ينـاش و لا ينـوش = العبيدي سيف و حصان و المخرج ملـي ضيدان = يا عيوني و الكواسر على المسرى حدوش = ركزي في روس قحطان و المخرج ملي ابن قضعان ايتعامل معا بـوش البشـوش = ما تعامل مع بني خـان و المخـرج ملـي فلاح = ارفقي بي يا هجوسي و ضيدان مغشوش = و ذكريني سد نجران و المخرج ملـي ضيدان= راعي المضه و تثليث فالساحل يهوش = يحسبنه حول جيزان و المخرج ملي محاوره العمالقه بين الشاعرين ضيدان ابن قضعان وسعد بن جدلان
ضيدان ابن قضعان := يامرحبا ياسعد بن جدلان في وسط الرياض=مال برج الفيصليه شرق بـرج المملكـه وردت للجمة ماعاد تلد عينـك للحيـاض=كـن لا تلقـوا بأيديكـم بوسـط التهلكـه سعد ابن جدلان : = دام البقا للشاعر الي مثل نور البرق ناض=ايك نبي رايك تعدينا عسى فيـه ابركـه ترى اولو الألباب تدري بالسواد وبالبياض=الناس تستغرب ليا من صار بالدر احركه ضيدان ابن قضعان := ياليت منكم ثلاث اشخاص فالدنيا حظاظ=اكان شفنا راعي الـرداد بيـده يفلكـه لو قامت الدنيا بما فيها ودمع العين فاض=ملا يابن جدلان ي سعد ابن جدلان := الناس حتى عالم المريخ تلحقه اعتـراض=الي يسوي للسمك سنار والطيـر اشبكـه اجمالنا عقب الربيع الزين في هاك الفياض=قامت تحن وكل واحـد ماتـدّى مبركـه ضيدان ابن قضعان : = يابو محمد والله ان النبي أخير من النقاض=ماودي أغديك ربيانـه وأعشيـك سمكـه عسى الجمال الي توديكم مناكبها عراض=تشرب من الجمة لو الماء ملح والدلو تنكه سعد ابن جدلان : = ترى الضمير الحي ياضيدان سبة الأنتهاض=والمنطقه تنفد لبضايعهـا مـن المستهلكـه |
رد: {{مجموعه من محاورات الشاعر ضيدان بن قضعان مع عدد من شعراء المحاوره}}
بيض الله وجهك ياوجه محلف
محاورات عالميه لشعراء عمالقه ونقلك كاايف وضيدان عملاق فالنظم وفالمحاوره خلد محاورته وابدع فيها |
رد: {{مجموعه من محاورات الشاعر ضيدان بن قضعان مع عدد من شعراء المحاوره}}
محاورة رائعة صح لسانك على النقل
|
رد: {{مجموعه من محاورات الشاعر ضيدان بن قضعان مع عدد من شعراء المحاوره}}
|
| الوقت في المنتدى حسب توقيت جرينتش +3 الساعة الآن 01:45 AM . |
مجالس العجمان الرسمي