اللعب والله فالعيينه لعبناه=يا للي معا نسوانكم تلعبوني
جمع اللعيبه فالملاقا تمثناه= و مشوكات ٍ يلهبنّ المتوني
يوم اعترض جمعه علينا دمرناه=ما عاد تنينا اللي بعيدن يجوني
لا زعزعوا ( مرزوق ) يوم المثاراه=ما عادهم للّي دعا يسمعوني
ليل ٍ عليهم من قبلنا ماحدن سوّاه=ليل ٍ تصاريفه على كل لوني
ان قلت : برّاق الحيا فكنّه إيّاه=مثل الرعد من راسيات المزوني
جوّ ٍ على الجدّان من جاه جيناه=ولا حصل للي قديم ٍ بهوني
نستاهل اللّي فالصياني مجفاه=غصب ٍ على اللي عندهم يرملوني
و العد لا جا المزاعم وردناه=غصب ٍ على اللي راضي ٍ بالسكوني
و العيّ ليا منّه بلانا بليناه =بشلف ٍ ضرايبها تفجّ الزغوني
لعيون وضحاً بأوّل الذود تبراه=هجاجة ٍ لا طرّقوا باللحوني
ننزلها من حيث توده و تشهاه=بعوالنا اللي ينزعون الديوني
و مهارنا للحرايب مغضاه=فدياره الأجناب ما يرتعوني
يا من يرد العلم للشيخ لا جاه=يا ويش عادهم من ورانا يبوني ..؟
عيالنا فرسان والخيل مطغاه=لاموا عليها بالنمش يلحقوني

اللعب والله فالعيينه لعبناه=يا للي معا نسوانكم تلعبوني
جمع اللعيبه فالملاقا تمثناه= و مشوكات ٍ يلهبنّ المتوني
يوم اعترض جمعه علينا دمرناه=ما عاد تنينا اللي بعيدن يجوني
لا زعزعوا ( مرزوق ) يوم المثاراه=ما عادهم للّي دعا يسمعوني
ليل ٍ عليهم من قبلنا ماحدن سوّاه=ليل ٍ تصاريفه على كل لوني
ان قلت : برّاق الحيا فكنّه إيّاه=مثل الرعد من راسيات المزوني
جوّ ٍ على الجدّان من جاه جيناه=ولا حصل للي قديم ٍ بهوني
نستاهل اللّي فالصياني مجفاه=غصب ٍ على اللي عندهم يرملوني
و العد لا جا المزاعم وردناه=غصب ٍ على اللي راضي ٍ بالسكوني
و العيّ ليا منّه بلانا بليناه =بشلف ٍ ضرايبها تفجّ الزغوني
لعيون وضحاً بأوّل الذود تبراه=هجاجة ٍ لا طرّقوا باللحوني
ننزلها من حيث توده و تشهاه=بعوالنا اللي ينزعون الديوني
و مهارنا للحرايب مغضاه=فدياره الأجناب ما يرتعوني
يا من يرد العلم للشيخ لا جاه=يا ويش عادهم من ورانا يبوني ..؟
عيالنا فرسان والخيل مطغاه=لاموا عليها بالنمش يلحقوني