يافكري المشغول في بعض الاحيان=انته وانا ميعادنا اطول مخيله
ناضت هواجيسي وهلن الامزان=حتى عطاها كل وادي بسيله
انا خيالي رحب والشعر ديوان =تحمل تفاصيله معنات جيله
في حضرت اهل الطيب ذربين الايمان =مالي عذر غير البيوت الجزيله
سلام ياعزوة مناصيب واعيان =تسليمتن تشفي القلوب العليله
سلام للعجمان اللي لهم شان=اهل السيوف المرهفات الصقيله
سلام ياتاريخ وامجاد راكان=راكان ابن حثلين راع الطويله
تضرب جذور المرجله عمق الازمان=تتبع ثراء سيرة مواقف نبيله
وانا على حاظرك شاهد بالاعيان=عندي شهاده وعتبرها قليله
يالشيخ ابو فيصل ومن سمع لاهان=ترى العماء يقلون قلبه دليله
وانته بعيني كأنك الصقر شيهان=دايم طموحك يعشق المستحيله
وانته عقيد القوم في كل ميدان =ورثت من راكان سيفه وخيله
وانته زعيم المرجله راع الاحسان=زبن الدخيل اللي ينجي دخيله
وانته اللذي منزلك للضيف عنوان=راع الكرم والجود راع الجميله
الطيب والترحيب من قلب واللسان=والكيف من نار الغلا فاح هيله
ياحاتم العجمان والفعل برهان=احييت حاتم طي جود وفضيله
وانا على طاريك سخرت الاوزان =حتى غدت مثل الف ليله وليله
جيتك وانا شاعرك من صدر ميسان=همي يابو فيصل بصدري مقيله
فيني عذاب وغربلة وقت واحزان=والضيف يحداني بجيشه وخيله
تكفى يابو فيصل عمى كل ديان=حسب العوايد والسلوم الاصيله
بالمختصر ودي بسلطان الانسان=اقابله وقبله وشتكي له
وانت الزعيم اللي يقدره سلطان=عليك روحي من زماني دخليه