سلام يا ماجد سلام اسلام وقرب لاتهون=مادمت فالميدان ركض الخيل من فرسانها
انته من اية قوم يوم اهل المعالى يذكرون=لو ان مابه شك فى روس العرب والسانها

يصحابنا ياربعنا شمال ولا تجنبون=اليا بغينا يمة الاصحاب وين اوطانها
دنياك ياماجد تقلب مر شكل ومر لون= والحيه الرقطى على الطرقه تمد السانها

اليا لفيت الدار تلقى دله ومعها دخون=عاداتنا ياهل الكويت انقوم في ظيفانها
دنياي يابدران مابلا ترقب بالعيون=والحيه الرقطى علينا كشرت نيبانها

الله يعز اصحابنا اللى فاللوازم ياقفون=عاشت ابلادى ورتفع بين العرب عنوانها
الشر عادة حيزبونه من طرايق حيزبون=والنصر فيدين الرجال اللى طوال ايمانها

المشكله ماعاد هي مابين كاف وبين نون=المشكله نيرانها تحرق ترا نيرانها
يابدر لو شفت السباع الظاريه لعج السنون =ما والله امن شرها ولاجي طرف اغصانها

الحمل لظهور الجمال اللى تداحم بالمتون=من لا يحسب حسابها يعلج على لحيانها
مدامكم فى ملعبتنا تنقضون وتفتلون=اوصيك لا شبهتها فشكالها والوانها

يابدر انا خابرك ماوالله تخالف للظنون=والبندق اللي جبتها ثابت عدل نيشانها
وختامها ياصاحبي اشكرك يالذيب الفتون=واجب على اهل الدين تسديد الذي ديانها