ياحمود جيتك جهّز الجيم والسين=والكل منا بالقدم يحسب خطاه
الكلمه الي حطّت الصف صفين=ياكبراها من يام بالذات كبراه

يامرحبا بك يازعيم القحاطين=مثلك بعد هاذيك نبغاه نبغاه
القول قول خبول ولامجانين=في ذمتي يامسندي مارضيناه

الله الله

صح الله لسانك ياحبيب وسلمت

تحياتي للجميع

الله الله عليك يابن سعيدان


صح لسانك ولاهنت على الطاروق الطيب


تحياتي لك

ياحبيب المديون يشرد من الدّين=والدار وديبه ولا ودي انصاه
حتى النصارى واليهود الملاعين=ماسووا الي طيب الساس سوّاه

انتبه على نفسك يابن سعيدان ,, واخذ الحذر من حبيب :p تراه هالايام صاير انتحاري :D


وسلمتو على الطاروق الطيب

تحياتي

انكانهم شافوك بعض الديايين=عزي لحالك يابيض الوجه عزاه
هذا ترى فعل الضعوف المساكين=فعل الذي كل المراجل تخطراه

إن شفت وجهي لك ثلاثة ملايين=حتى يعوّد كل وادي لمجراه
لاوالله الا عندكم مذهب(ن) شين=والي تغداله بشي(ن) تعشّاه

الله الله يابن سعيدان


ننطر حبيب

تحياتي لكم

لا ني في صفك ولا صف حبيب


انا اتفرج واختار البيوت اللي تعجبني:)

صح اللسنتكم واصلو وحنا متابعين ,, ولا تطلعون على الرصيف

تحياتي لكم

الله الله ياحبيب

واصلو وحنا متابعين

تحياتي لكم

ايجيبك الله يوم واحد وعشرين=وبقول وين اللي من الناس يبغاه
لو انهم بالعلم ياخوك دارين=كلن خذا بيديه وسيفه وشلفاه

الحمد لله انهم مابعد درو ذيك الايام


حبيب الله الله عليك

ننطر ابن سعيدان ,, ولاني في صفك


تحياتي لكم

كنسلتها كنسلتها يااحمر العين=مادام عنوه والنتيجه معاناه
حتى صفوفي قبل نصلح بعيدين=ماني بخبل(ن) يحتمل داه في رداه

الله الله يابن سعيدان

صح لسانك

تحياتي

ان جيتنا ولا على الدار غازين=احصاننا الاول خويه تقفاه
الصبر غلق يابن الاكرام ذلحين= اما عطونا الحق ولا خذيناه

الله الله ياحبيب

صح لسانك ... ولكن الحلم الحلم يارجال


تحياتي للجميع

ما منك فكّه يازعيم الشياطين=ومالك عذر من شي بالعين شفناه
الي تبونه يامحلف مستعدين=ارخصت روحي دون ربع(ن) مسماه

اطرد ورى حقٍ غدا قدله اسنين=واللي يدور شي لابد يلقاه
انتم محالفنا وقومٍ عزيزين=هذي الحقايق والعلوم المصفاه

ياحمود جيتك جهّز الجيم والسين=والكل منا بالقدم يحسب خطـاه
الكلمه الي حطّت الصف صفين=ياكبراها من يام بالذات كبـراه
يامرحبا بك يازعيم القحاطين=مثلك بعد هاذيك نبغاه نبغـاه
القول قول خبول ولامجانين=في ذمتي يامسندي مارضيناه
ياحبيب المديون يشرد من الدّين=والدار وديبه ولا ودي انصـاه
حتى النصارى واليهود الملاعين=ماسووا الي طيب الساس سوّاه
انكانهم شافوك بعـض الدياييـن=عزي لحالك يابيض الوجه عزاه
هذا ترى فعل الضعوف المساكين=فعل الذي كل المراجل تخطـراه
إن شفت وجهي لك ثلاثة ملايين=حتى يعوّد كـل وادي لمجـراه
لاوالله الا عندكم مذهب(ن) شين=والي تغداله بشـي(ن) تعشّـاه
ايجيبك الله يوم واحد وعشرين=وبقول وين اللي من الناس يبغاه
لو انهم بالعلم ياخـوك داريـن=كلن خذا بيديه وسيفه وشلفـاه
كنسلتها كنسلتها يااحمـر العيـن=مـادام عنـوه والنتيجـه معانـاه
حتى صفوفي قبل نصلح بعيديـن=ماني بخبل(ن) يحتمل داه في رداه
ان جيتنا ولا على الدار غازين=احصاننا الاول خويـه تقفـاه
الصبر غلق يابن الاكرام ذلحين=اما عطونا الحـق ولا خذينـاه
ما منـك فكّـه يازعيـم الشياطيـن=ومالك عذر من شي بالعيـن شفنـاه
الـي تبونـه يامحلـف مستعديـن=ارخصت روحي دون ربع(ن) مسماه
اطرد ورى حقٍ غدا قدله اسنين=واللي يدور شـي لابـد يلقـاه
انتم محالفنـا وقـومٍ عزيزيـن=هذي الحقايق والعلوم المصفاه