كم يدعون الشعر نـاسٍ قلاسيـس=واطين الاصل مضيعين المبـادي
يسعون للشهـرة يبـون النواميـس=وقالو حن الشعار علم(ن) وكـادي
أقلامهم من وارد اسـواق باريـس=أردى قلم معهم على الالـف زادي
تجمعـوا بقلامهـم والقراطـيـس=وقالو رومنسيين والجـو هـادي
من بعد ماكانـوا عـراةٍ مخاليـس=تعلمـوا لبـس الثيـاب الجـدادي
تقـول رهبـانٍ يدقـون النواقيـس=على ضفاف النيل والبـدر بـادي
تقول من سمار كسرى ورمسيـس=يحكون اساطير الامـم والبـلادي
ماكنهم الا شالو لواء امرؤ القيـس=والا اتاهم وحـي قيـس الايـادي
قصيدهـم تافـة بكـل المقاييـس=اذا غدى للشعـر نـدوة ونـادي
أمثالهـم يبقـون خلـف الكواليـس=تبرى الصحف منهم وتبرى الروادي
ناس(ن) من الشعر المعرب مفاليس=مثل اللذي يبغـى يعـد الجـرادي
شعر(ن) يبعثرة الهوى والنسانيـس=وشعر(ن) تصفق له قلوب العبادي
أن الشعر وحي(ن) يحرك لحاسيس=كـذاب شعـرٍ مايهـز الفـوادي
كـذب شعـرٍ مايـدك الهواجيـس=كذاب من لا قال وابدع واجـادي
أندرس اللي يجهل الشعـر تدريـس=وادي على وادي على الفيـن وادي
ونستيسر الغاوين واولهـم ابليـس=من قبـل تخلـق ثمـودٍ وعـادي
مقدس(ن) ياشعـر همـدان تقديـس=ويام(ن) تسابي عروتك بالأيـادي
والخيل تشهـد والبكـار المعابيـس=والرمح يشهد والرسن والشـدادي
وتشهد نجوم(ن) علقت كالفوانيـس=تضوي لأرم ثمود ذات العمـادي
أحرار نطوي الارض والا محابيس=قصيدنا عند الحضـر والبـوادي
وكم يدعون الشعر ناس(ن) قلاسيس=واطين الاصل مضيعين المبـادي