اي والله انه ضاق صدري .. ولا ادري=المشكله فينـي .. أو المشكلـه فيـك
بس الوكاد انه .. ليا ضـاق صـدري=ودي اصد شوي عنّـك .. ولا اجيـك
اخاف اجي والهم .. فوقـي وحـدري=وتنشد عن اسباب المعاناه .. واعديـك
على ايش .. تتعذّب .. وتغرق بكدري=لا تحسبني .. آآتهـرّب .. ولا ابيـك
لا والذي علاّ مـع النـاس .. قـدري=وجمّلك بد الناس .. في عيون مغليـك
انك ملكت احساسي العـذب .. بـدري=وانك خذيت اغلا مشاعر .. محاكيـك!

خيـرني أمري بين أصعب خيـاريـن =موتي أنا أو موت الإحسـاس فيني
لاكن زمـاني المّر علمني إني =أموت ما أحني لأجل قلبي جبيني

بالحيل ضمني على الصدر لا طيح = مقوى الوقوف أقصى الضماير جريحه
خل عيوني بسحر عينك أتسيح = عقب البكى لو ساعتٍ مستريحه
حبك بقلبي لا تزحزح ولا زيح = و الله و أن آخر العمر صيحه

الله مـن هاجـس ٍ قامـت بـروقـه تـلـوح=فـي ليـلـة ٍ ضيّـقـت بـالـي تفاكيـرهـا
أسهـر عيونـي وجـدّد مرمسـات الـجـروح=مـن كثـر مـا استقبـل الافكـار واديـرهـا
والهـم قامـت دلالـه فـي ضميـري تـفـوح=لـيـن اجبرتـنـي وعنّـتـنـي بتبهـيـرهـا
والعبـره اللـي تجـي بيـن الضلـوع وتـروح=مـن كثـر مـا اكنـى وجعهـا بـان تاثيرهـا