|
إبراهيم خليل العنزي يرد على محمد بن فطيس
السلام عليكم ورحمة الله وبركاته اخواني وأخواتي أعضاء مجالس قبيلة العجمان أقدم لكم هذا المساء قصيدة رد الشاعر إبراهيم خليل العنزي على قصيدة شاعر المليون محمد بن فطيس المري :
أرسلت لابن فطيس صوط من عذاب = وسميتها لعيون نوت المنجنيق ماني وأنا إبراهيم دكاك الصعاب = ان مارشقتك في قطرك ولا تفيق هذا مع إني مكنسل بيوت العقاب = أدري تليق أشياء وأشياء ماتليق أخطيت في بيتك وجنبت الصواب = أثرك طلعت فشنق من جنب الطريق والذيب ماعمره درع وابك بذياب = كحلتها وأعميتها ورب العتيق ياقشر لاطاح الرجل طيح الذباب = يشتد للي تكرمون عن الرحيق والله لو ماخفت من يوم الحساب = لاعطيك بيت يورث بقلبك حريق النبح يابن فطيس ماضر السحاب = وايه الفلز يغار من قدر العقيق يكفيك يابن فطيس سوط من عذاب = سميتها لعيون نوت المنجنيق للتحميل اضغط هنا تقبلوا تحياتي؛؛؛؛؛؛؛؛؛؛؛؛؛؛؛؛؛؛؛؛ |
رد: إبراهيم خليل العنزي يرد على محمد بن فطيس
اتمنى ان هالقصيده تنحذف متى مجالس الرجاجيل تعرض مثل هذه القصايد :) |
رد: إبراهيم خليل العنزي يرد على محمد بن فطيس
حياش الله أختي يوران
القصيدة طرحت للنقاش بعيد عن السب والتجريح وأنا أشوف إن الشاعر إبراهيم العنزي أسمى قصيدته المنجنيق :0073: وأنا أراها لا تتجاوز حدود المحذافة<<<< النباطة في رواية أخرىD: ولا تصل لربع مستوى قصيدة ابن فطيس لركتها:020: مثل ذكره: الذباب - النبح :53t: |
رد: إبراهيم خليل العنزي يرد على محمد بن فطيس
الموضوع أخذ اكبر من حجمه المشعان من دخل شاعر المليون وهو يهاجم أبن فطيس( ما أكون خلف اذا ماجيبه) وما وفا بوعده والشاعر محمد ابن فطيس شهادتي فيه مجروحه شاعر فذ وروعه وخلوق وأخر توقعاتي أن الشاعر أبراهيم يرد عليه وأعتقد انه لو ماشارك في شاعر المليون احسن له
|
رد: إبراهيم خليل العنزي يرد على محمد بن فطيس
متاكدين انه ابراهيم مب خلف المشعان << يشبه صوت خلف مشعان هههههههههههههههههههههههه
والله لو ماخفت من يـوم الحسـاب //// لاعطيك بيت يورث بقلبـك حريـق احمدو ربكم يوم الرجال خاف من يوم الحساب لو ماخاف كان شفتو فوق ذباب حنوش وعقارب ههههههههههههه فله قصيدة ابراهيم ضحك اكثر من تستفز ههههههههههه رووووووووووووح يابن فطيس الله لا شلك >>> معجبه الاخت في بن فطيس يعطيك العافيه خيو ولا تحرمنا من جديدك غزووووووووووووووووول |
رد: إبراهيم خليل العنزي يرد على محمد بن فطيس
الله يعافيكم وتسلمون على مروركم
|
رد: إبراهيم خليل العنزي يرد على محمد بن فطيس
الله يكرم الموقع
|
رد: إبراهيم خليل العنزي يرد على محمد بن فطيس
مومعقوله يطلع هذا خليل الشبرمي احس في غلط بالموضوع انتو متاكدين انه خليل ابراهيم الشبرمي
والله ان ذا القصيدة احرتني ماظن انه خليل لانه قبل لاينتهي شاعر الميلون كان يقول لازم اني ارد البيرق قطري مثل اخوي محمد بن فطيس تكفون تاكدو ترى حده الموضوع كله يحمس الكبد وانا انغثيت حدي وماظن ان محمد يستاهل منه ذا الحكي ولا مالازم اناقش والله مومصدقه انه خليل الشبرمي ولاكن يجوز واحد نفس لاسم مع السلاااااامه انا منغثه 011011011011 011011011 011011 011 |
رد: إبراهيم خليل العنزي يرد على محمد بن فطيس
8
8 8 8 http://msa6el.com/m5zn/uploading/t-m-E4-29.jpg إبراهيم خليل العنزي وليس خليل إبراهيم الشبرمي :) وتسلمون على مروركم |
رد: إبراهيم خليل العنزي يرد على محمد بن فطيس
ذا خلف مشعان او احد من طرفه :)
ولا الشبرمي منطوقه منطوق رجال وفحل .. وابن فطيس فوق فوق .. ولا العنز بتبطي مااوصلت راس الجبل :) لاهنت |
رد: إبراهيم خليل العنزي يرد على محمد بن فطيس
صدقت ولاندمت يابن دسمه على كلمة الحق :)
|
رد: إبراهيم خليل العنزي يرد على محمد بن فطيس
واللــي مـا يطـول العنـب = حامضـا" عنـه يقول
محمــد ابــن فطيــس اشتهــر وخذ البيــرق غصبـا" عـن اللــي ما يرضـى بــه وقــال ( وستـــرت بفعــالي مزينتــا" الخضــاب = وقهــرت عــدوانــي ونومســت الرفــيق ) نومســنــا ابــو حمــد وانقهــر العــدو واللــه يعيــن العــدو على الحــره وحســافــه على اللحيــه اللــي مــربيهــا خــليــل ويبقــى ابــن فطــيس نجمــه معلــي وعلومــه طيبــه |
رد: إبراهيم خليل العنزي يرد على محمد بن فطيس
هذا الكلام ما يجي من شاعر......والمشكله انه مطوع ((هذاهو التعصب القبلي بعينه وعلمه)) ما حسب حساب ربه هالمطوع هو من اول البرنامج قال انه ما ينافسه في البيرق الا ولد عمه خلف ((لا فلحت ولا ولد عمك فلح))الله يهديكم بس..
((((رغم اني ما احب مواضيع العنصريه والتعصب القبلي لكن امثال هذا يبون من يوقفهم عند حدهم)))) |
رد: إبراهيم خليل العنزي يرد على محمد بن فطيس
ذالقصيده قاريها في منتدى ثاني
هذي لعنزي من ربع المشعان وماهي للشبرمي |
رد: إبراهيم خليل العنزي يرد على محمد بن فطيس
:)
كبـــدي لــه وبــس فــطس مــن الــحرره :) وانتي يا يووراان يا جدده :) وشعـــليش منه جعلش والله بعده وبعد من ظمه :) يووولي :) مــآ‘علــى الــمري مــن دبــي الــجرآد يآ خــوآلــي :) جعــلني أفآرقه :) ميتن على البيرق يااخيي :) والله اني ابصم له بالعششر :) ان بن فطيس لبى كبده لو بغاه مده عليه :) مب عن شي :) صدددقه ودفــعه بــلآ :) لبــى بوحمــد ووالله نعــم وكــفو :) اللي ظم البيــرق ومن خلآ‘فه ولد ديررته :) تســــــــــتـــآ‘هـــــلووونه :) وصح نقــلك يا عبدالله جعلك الززين على ذ1 النــقل :) اللي ليا من واحدنا سج ويشهو ومن اللي حااسده قرآه وقال ربي ربـــــــــــــي لــك الــحمد :) إني يآمي وبــــــــس :) مغــليته..,‘ النـجلآ‘..,‘ |
رد: إبراهيم خليل العنزي يرد على محمد بن فطيس
ما شاء الله على الاعضاء اللي فوق ما قصروا
لا هنت يا عبدالله على الموضوع .. |
رد: إبراهيم خليل العنزي يرد على محمد بن فطيس
الله لايهينكم على مروركم وتعليقاتكم :)
|
رد: إبراهيم خليل العنزي يرد على محمد بن فطيس
اتمنى من اخواني المشرفين حذف القصيدة بأسرع وقت ممكن!!لانها لاتليق بذائقه اعضاء وزوار منتدى مجالس العجمان....وشكرا للجميع
|
رد: إبراهيم خليل العنزي يرد على محمد بن فطيس
المفروض ما تحذف قولو ليش
ياليت تنتشر علشان الي طايرين بالعنزي ينقدون عليه ويعروفن انه اقل من مستوى رجال لان هالعنزي سقيم وخبل وجاهل اذا جاءك مسبة من ناقص فاعلم أنك كامل |
رد: إبراهيم خليل العنزي يرد على محمد بن فطيس
مرحبا بكم جميع وأنا طرحت القصيدة حتى تناقشونها هنا بين اخوانكم وما تضطرون تبحثون عنها وتنحرجون بمواقع أخرى
وأبو حمد ما هي قصيدة اللي تنزله أو ترفعه فأرجو المناقشة وتبادل الآراء بعيداً عن التجريح الشخصي تحياتي للجميع؛؛؛؛؛؛؛؛؛؛؛؛؛؛؛؛ |
رد: إبراهيم خليل العنزي يرد على محمد بن فطيس
لاهنت ياناقل الموضــوع
اما بالنسبه للشاعر ابراهيـم العنزي والله وش حده هو وخلف المشعان والمهايط اللي ماله لــزوم يقول والبيرق الي مع ابن فطيس ماني خلف كان ماجيبه يالله جيبــه ياشنب ؟؟ ههههههههههههه وابراهيم العنزي يعني اذا خلف وهو خلف ماوفا بكلمته ذا وش طمّــــره ؟؟ ماقول الا والله انهم مايعرفــون العنز من وين تنســـم اصير قوطي صلصه يابوفطيــس :) |
رد: إبراهيم خليل العنزي يرد على محمد بن فطيس
بسم الله الرحمن الرحيم
رغم قدم الموضوع إلا الحق والتصحيح واجب الرديّات والقصايد منذو قديم الزمان بين العرب وبين قبائل العرب أكثريّه ومع ذلك نرى فيما سبق أن الشاعر يحترم خصيمه من الشعار او حتى يحترم القبيله التي ينتسب إليها خصيمه وإذا دارت معارك بينهم نرى إن الذم والسب والكلام البذيء ليس وارد على ألسنتهم بل يذكرون الأحداث بكل تفاصيله وفي أحيان توصل إلى مدحٌ القبيله الخصيمه للقبيله الأخرى أنا استغرب وأتعجب في هذا المكان وفي هذا المنتدى السامي الرسمي لقبيلة يام عامه أو بالتحديد العجمان خاصه أن يبدر هذا الاسلوب من كذا عضو له مكانته في هذا المنتدى وأن يبدر منه تصريح لايليق حتى في مستواه وفي كلامه فمن باب الادب والاحترام ان يتم النقاش على نحو أفضل من هذا الاسلوب لا أن يتم تغيّب الأخرين وذمهم في ظهورهم وفي ناحية أخرى أستغرب من صاحب الموضوع أنه في كلامه قال : أن هذه القصيده عُرضت للنقاش لا للتجريح الشخصي وإنما بدرَ منه مايكفي لعكس كلامه هذا يا أخوان مابدر فالسابق هو فتنه والحمدالله تم أطفاء هذه الفتنه وأسكاتها ولاكن استغرب من عضو وشاعر إنه يطلب حذف القصيده بينما تجاهل رد بعض الأعضاء الذي لايليق رداً بأنتسابهم لهذا المنتدى الكبير اتسائل أين الأدارة عن هذا الرد الهابط الذي بدر من أحد الاعضاء ألا وهو : متى مجالس الرجال تعرض قصايد للحثاله هذا كلام لايقبله أحد ولا أظن أو أعتقد إن تقبله ادارة منتدى العجمان كموقع رسمي أكان من الصعب حذف هذا الرد أو أستبداله أو حتى تنبيه هذا العضو من هذا الاسلوب ؟ هذا الأسلوب ليس من الواجب أن يكون مكانه هنا .. وانما خارج نطاق وسياق هذا المنتدى أنني أستغرب .. وأستغرب من هذا الوضع أتمنى إني لم أكن ثقيلاً وإنما الحقٍ ينقـال ،، وشكراً لكم |
رد: إبراهيم خليل العنزي يرد على محمد بن فطيس
حياك الله يا أخ هيبة رجل في مجالس العجمان والمحل محلك ومحل كل شخص يتقبل النقاش بكل رحابة صدر
: بالنسبة لكلامك أنني أسأت للشاعر فأعتقد أنك جاوبت الصواب حيث أن انتقادي كان موجه للقصيدة وليس لشاعرها : حين قلت "وأنا أشوف إن الشاعر إبراهيم العنزي أسمى قصيدته المنجنيق :0073: وأنا أراها لا تتجاوز حدود المحذافة<<<< النباطة في رواية أخرى" : وبالنسبة لرد أحد الأعضاء تم تعديله.. ومرحبا بك مرة ثانية : 1bh1 |
رد: إبراهيم خليل العنزي يرد على محمد بن فطيس
اقتباس:
|
| الوقت في المنتدى حسب توقيت جرينتش +3 الساعة الآن 07:05 PM . |
مجالس العجمان الرسمي