السلام عليكم ورحمة الله وبركاته
اعضاء وزوار مجالس قبيلة العجمان
اسعد الله اوقاتكم بكل خير ... قصيدة متواضعة عشت فيها مع الايام وهاهي تطل عليكم بكل تقدير ومحبه
آمل ان تنال على اعجابكم ورضاكم...
لاشره على الدنيا ولاشره على الوقت=ولاشره على اطعون الزمان الجريحه
ياصاحبي لاشفتني لازم الصمت=من همي الكايد ولا اقدر ازيحه
سهرت من جور الليالي وميزت=مابين وجه اهل الردى والفليحه
ماكل مايطري على البال حصلت=هذي علامه في حياتي صريحه
لاشك في بعض المواقف تندمت=اشقيت نفسي مع وجهين شحيحه
عرفت من بعض اتجارب تعلمت=وعرفت من يحسد بثوب النصيحه
ياما على همي وضيقي تكتمت=من شان لاتضحك انفوسن قبيحه
ياما من الضيقات اجنبت واشملت=احاول ابعد من همومن لحيحه
وسليت نفسي بالطواريق وانشدت=وابديت ماخبيت وسط القريحه
وشديت نفسي لطويلات عزمت=بين النجوم الشاهقه بالفسيحه
سوالم