((( ... قـصــــــــائــد لاتنــــــســـى ... )))

[الغروب]

بسم الله الرحمن الرحيم
السلام عليكم ورحمة الله وبركاته
توارت النظرات حياءً ... وذابت الرمضــاء خجــلآ ... وحضنت الرمال رجــــــالآ ... فعانقت الهضاب السهول ... وانحنت الجبــال تحمل اعــلاما ... حملتهم ... لكــن وكعادتهم --- الإبــاء والشمم --- العزة والشموخ ---حضــروا واحضــر معهم الغالي والثمين ....إنهــا احساسيهم ---- مشاعرهم ---- حديثهم الطيب ---نصيحتهم القيمة .. مـآثرهم --- كرمهم ---فخرهم --- شجاعتهم ---بل حتى بيوتهم وطعامهم ---

((إنهـــم الأولـــــــــيـــــــــــــن ))

هبت نســائم الشوق اليهم """حملتها نفحــات الحنين لخيامهم ،،،، لركائبهم ،،، لخيولهم ،،،،ســار بي الركب حبــآ في مرافقتهم ... وكعادتهم والكرم شيمتهم ... اخذني الأنس قبل الأنيس بمصافحتهم ،
وبين هبايب سمــوم القيض تسللت نسمة باردة ... فاحت معها معاميل الهيل والزعفران ... فسمعت صوتــآ يحاكيني ... يحاكيني بالكرم قبل رؤية المــُــكرِم ... نهضت من مجلسي وكأني استشفيت من ذاك الصوت قوة العزيمة ... وصدق المقال ... واصــالــة المآثر ...بادرته قائلة ً : طبت وطاب كرمُك ... اما ضيافتي فهي لقمــة من شعرك ...او رشفة من معين مآثرك الشعرية... وبأي قدح ٍ تقدمها اقبلُها ...
قبل الثــانية بعجلٍ ولم ينسى الاولى ( فطاب الكرم والمـُكر ِم )

[الغروب]

قصــائد خــالــدة ... تناقلتها الأجيــال بعــد الأجيــال ... استمتع واكتشف بلاغتها النقــاد رغم بعــد العصور وطول السنون ... فلمـــاذا ؟
اتــرك الاجـــابة لكم بعد الاستمـــاع بهذه الخالدة للشــــــــــاعر / محمد بو دباس

ياونـة ونيتهـا مـن خـوى الـراس = مـن لاهـب بالكبـد مثـل السعيـره
ونين من رجله غـدت تقـل مقـواس = ويون تالـي الليـل يشكـي الجبيـره
وياحمس قلبي حمـس بـن بمحمـاس=وياهشـم حالـي هشمهـا بالنجـيـره
وياوجد حالي يا ملا وجـد iغـراس=يوم اثمرت واشفا صفـا عنـه بيـره
من ثمر قلبـي سـرا هجعـة النـاس=متنحـر درب عسـى فيـه خـيـره
الله يفكـه مـن بـلا سـو الاتعـاس=ومن شـر عبثـات الليالـي يجيـره
فى ديـرة تقطعـت عنـه الارمـاس=سبعيـن يـوم للركـايـب مسـيـره
لاوالله إلاحـال مـن دونـه الـيـاس=حـط البحـر والبـر دون الجزيـره
علق سلـوان وراء العيـن والطـاس= وقلبي علـى فرقـاه تسمـع فريـره
يالله ياللـي رد مـن عقـب مايـاس= يوسف على يعقوب وابصـر نظيـره
ترد على أدباس يـا محصـي النـاس= ياعالـم مــا بالخـفـا والسـريـره
يادباس أنا بوصيك عن درب الادنـاس= تـرى الـذي مثلـك يناظـر مسيـره
عليك بالتقـوى تـرى العـز يادبـاس= فى طاعة اللـي مـا ينجيـك غيـره
هذي ثمان سنين من رحـت يادبـاس= لا رسالـه جتنـي ولا مـن بريـره
يادباس من عقبك ترى البال محتـاس= وعليك دمـع العيـن حـرق نظيـره
وعليك كنى فى دجـا الليـل حـراس= أصبح على حيلـي وعينـي سهيـره
أصبح انا مابيـن طـاري وهوجـاس= وطـواري تطـري عليـنـا كثـيـره
مثل الوحش قلبي على كـف حبـاس= يكفـخ كمـا طيـر اسبوقـه قصيـره
متحير من عيلـه البيـت يـا دبـاس= ارجى ثـواب الله وأخـاف المعيـره
أخاف من حكي العداء ثـم الانجـاس= أهـل الحكايـا الطايلـه والقصـيـره
ويقال خلا عيلته عـن نـزا الـراس= أقفـا وخـلا عيلـه لـه اصغـيـره
والا فنا يـا بـوك قطـاع الارمـاس= مانيـب مثبـور أو رجلـي iiكسيـره
أصلك لو دونك نبا حمـر الاطعـاس= الصلـب والصمـان دروب عسيـره
مهالـك مـدارك مـا بهـا أونــاس= إلا الثعـل والبـوم تسمـع صفـيـره
لو كنت فى نزوى وديرة بنـي يـاس=أهـل المـوازى والوجيـه الغبيـره
عبـادة الاصنـام شرابـة الـكـاس= الخمـر والتنبـاك فيـهـا وغـيـره
لاركب على وجنا من الهجن عرماس= فج النحـر يادبـاس حمـرا ظهيـره
متروسه الفخذيـن مزبـورة الـراس= كن الخـلاص اعيونهـا يـوم أديـره
ياشبـه ربــد تخـفـق بـالاونـاس= وان رفعـت جنحانـهـا مستـذيـره
تنشر من العوده على نـور الانفـاس= عند الفجـر والليـل مقفـي مريـره
والعصر بالصمان تسمع لها اضـراس= حبل الرسـن خطـر تبتـر جريـره
ونهـار ثالـث بيـن حمـا الاوراس= وارأي أمـك جعلهـا لـك سفـيـره
ثـم أركـب ساقيـه تقلـب الـراس=تمشي بهلها فـى البحـور الغزيـره
إلى مسكت الفيحاء بها الخير محتـاس = لولا الكفـر والشـرك يـاوي ديـره
فيها الطبيق وراهـي الخبـز يادبـاس= يقعـد خـوى الـراس خنـه خميـره
هى ديرة اللي باغـى كيفـة الـراس= ولا له حد همـه مـن النـاس غيـره
هيس بذرى الاجواد لصحاف لحـاس = يفـرح الـى نيـدى لذبـح العقيـره
ذا ما قفك يادباس مـا فيـه نومـاس= يصلـح لقيـن مهنتـه طـق زيــره
ترى الضراوي دون وأنت انشدالنـاس= راعيـه مـا يذكـر بخيـر وغـيـره
ماله سوى حذوا لحنك منـه واليـاس= والى انقطع خرجه فـلا لـه ذخيـره
طلب المعيشـه بالحراثـه والاجنـاس =المشتـري والبيـع يوصـف وغيـره
هم انهض العيرات مـع كـل فـرا= يـادبـاس دور خـيـر تستشـيـره
جدك وعمانـك هـل العـز والبـاس= أهـل اللـوازم مكرميـن القصـيـره
يادباس ما يصبر على البق والحـاس= إلا الـذي مالـه بنـجـد عشـيـره
واليـوم يامـروي شبـا كـل عبـاس= أنـت يـا لطـام وجيـه المغـيـره
عشرين عام كلها أرجيـك يـا دبـاس= مثـل الغريـر اللـي تولـع بطيـره
عـد المناكـب هيلـع فـرخ قرنـاس= يمناه فـى لطـم الحبـاري شطيـره
عانق خلوج روحت عقـب مـرواس= عنـد العصيـر لبيضهـا مستـذيـره
والليل جاه وحال مـن دونهـا اليـاس= روحه علـى فرقـاه فـرت فريـره
يادبـاس أنـا يابـوك مانيـب بـلاس= ميـران عيـلات الرفـاقـه كثـيـره
جنبت وسط السوق وامشي مع الساس= وأخـذ قليـل الحـق واتـرك كثيـره
يا دباس لو جبت لى من دحب الاكياس= مختلفـه مــا بـيـن زر ونـيـره
مالـي بهـا ياجعلـه بألـف قـبـاس= ويعلهـا تذهـب ولـو هـي كثيـره
يادباس قلبي كـل مـا هـب نسنـاس= شرقيـة هـبـت بقلـبـي سعـيـره
والحال يافرز الوغـى مسهـا البـاس= عليـك يـا ناطـح اوجيـه المغيـره
وغصون قلبي يا فتى الجـود يبـاس= غـادي أنـا يابـوك كنـي هشيـره
مـن شافنـي يقـول ذا فيـه لسـاس= واللـي بـرى حالـي إلهـي خبيـره
لا وعلا مـن قبـل غـوال الانفـاس= وامفـارق الدنيـا يجيـنـا بشـيـره
عسى يطق البـاب والنـاس غطـاس = ياوالـي القـدره علـيـك اتعبـيـره
وصلاة ربـي عـد ماهـب نسنـاس= على النبـي عـدة احقـوق المطيـره

[فيصل المخيال]

الأخت القديرة و المحترمة
الغروب
:
قصيدة ابو دباس فعلا من القصائد التي لا تنسى
و منذ الصغر وهي تتردد على السنة الشعار والقصاصين
فيها من المآثر الطيبة ودلالة الصبر و الحكمة و البلاغة و الصور الجميلة الكثير
:
موضوع ((( ... قـصــــــــائــد لاتنــــــســـى ... ))) موضوع قيم
ليكون ارشيف لهذه القصائد
:
الغروب دوما راقية . . . كل التقدير
:

[محمد الغيثاني]

الخت القديره

الغروب

الف شكر على هذه الصفحه الاكثر من رائعه

الشاعر حمد الغيهبان المري
يصف خصاله لعمه

لى عدّت افعال الرجال فعدّلي=من الجود عدّوا لي ثمانٍ خصايلي
الأولـه: نقّـــال عجفـــا جــاري=يروح يمــدح جودتــي وجمايلـــي
والثانيـة: مــانـيـب قـنًّ قامــح=بين الرجــال تعيّــلــي ومحايلـــي
والثالثة: حامي خدور الجاذيات=حامي الثبار من الطمور الصايلــي
والرابعة: عيد الركاب الى لفت=لـي جـات مـن دارٍ لــدارٍ هزايلــي
والخامسة: قيدوم دهيا جـردة=ضــرّاب روس قبــايــل بقـيــايلــي
والسادسة: نقّـال سيفٍ أرخم=عــابـيـه للـعــدوان والاّ العــايلــي
والسابعة: نقّـال عــرقُ أدهـم=منه الدمي عرض الدروع هشايلي
والثامنة: لبــّاس ثــوبٍ ابــيـض=ومن لبس ثوب الشاش يصبح طايلي
وبالناس غيري من فعوله تشهر=وكــلٍّ بـفـعـلـه بالـمثـايـل قايلي

[فيصل المخيال]

قصيدة لنمر بن عدوان
عند رؤيته أولادة يبكون
:


البارحة يوم الخلايق نياما . . . بيحت من كثر البكا كل مكنون
قمت اتوجد وانثر الماء على ما . . . من موق عين دمعها كان مخزون
ولي ونة من سمعها مايناما . . . كني صويب بين الأضلاع مطعون
وإلا كما ونة كسير السلاما . . . خلوه ربعه للمعادين مديون
في ساعة قل الرجا والمحاما . . . في ما يطالع يومهم عنه يقفون
وإلا كما ونة راعبية حماما . . . غاد ذكرها والقوانيص يرمون
تسمع لها بين الجرايد حطاما . . . من نوحها تدعي المواليف يبكون
وإلا خلوج سايبه للهياما . . . على حوار ضايع في ضحى الكون
وإلا حوار نشقوله شماما . . . وهي تطالع يوم جروه بعيون
يردون مثله والظوامي سياما . . . ترزموا معها وقاموا يحنون
وإلا رضيع جرعوه الفطاما . . . توفت امه قبل اربعينه يتمون
عليك يا شارب لكاس الحماما . . . صرف بتقدير من الله مأذون
جاه القضاء من بعد شهر الصياما . . . صافي الجبين بثاني العيد مدفون
كسوه من بيض الخرق ثوب خاما . . . وقاموا عليه من الترايب يهلون
راحوا بها حروة صلاة الاماما . . . عند الدفن قاموا لها الله يدعون
برضاه والجنه وحسن الختاما . . . ودموع عيني فوق خدي يهلون
حطوه في قبر غطاه الهداما . . . في مهمة من عرب الامات مسكون
يا حفرة يسقي ثراك الغماما . . . مزن من الرحمة عليها يصبون
جعل البختري والنفل والخزاما . . . ينبت على قبر به العذب مدفون
مرحوم يالي ما مشي بالملاما . . . جيران بيته راح ما منه يشكون
يا وسع عذري وأن هجرت المناما . . . ورافقت من عقب العقل كل مجنون
أخذت أنا وياه سبعة اعواما . . . مع مثلهن في كيف مالها لون
والله كنة يا عرب صرف عاما . . . يا عونة الله صرف الأيام وشلون
وأكبر اهمومي من بزور يتاما . . . وإن شفتهم قدام وجهي يصيحون
وأن قلت لا تبكون قالوا علاما . . . نبكي ويبكي مثلنا كل محزون
لاقلت وش تبكون ؟ قالو يتاما . . . قلت اليتيم اياي وانتم تسجون
قمت اتشكا عند ربع اعدامــا . . . وجوني على فرقا خليلي يعزون
قالوا تزوج وانس لامه بلاما . . . ترى العذارى عن بعضهم يسلون
قلت إنها لي وفقت بالولاما . . . ولو جمعتم نصفهن ما يسدون
ما ظنتي تلقون مثله حراما . . . ايضا ولا فيهن على السر مامون
وأخاف أنا من غاديات الذماما . . . اللي على ضيم الدهر ما يتاقون
أو خبلة ما عقلها بالتماما . . . تضحك وهي تلذغ على الكبد بالهون
توذي عيالي بالنهر والكلاما . . . وانا تجرعني من المــــر بصحون
والله لولا هالصغار اليتاما . . . وخايف عليهم من الدجه يضيعون
لقول كل البيض عقبة حراما . . . واصبر كما يصبر على الحبس مسجون
عليه مني كل يوم سلاما . . . عدة حجيج البيت واللي يطوفون
وصلوا على سيد جميع الاناما . . . على النبي يللى حضرتوا تصلون

[محمد الغيثاني]

الشاعر بركــات الشريــف

وهذه قصيدته المشهورة بوصيتة لإبنه مالك حيث يقول

يا الله ياللـّي كـل الأمـات ترجيك= ياواحـد ٍ ماخاب حـّي ٍ ترجـاك
يارب عبد ٍ مامشى في معاصيك= ولايمشي إلا في محبتك ورضاك
يامـرقب ٍ بالصبح ظـليت بـاديك= مـاواحـد ٍقبــلي خـبرته تعـــلاك
ولّـيت ياذا الـدهـر ماكثر بـلاويك= الله يــزودنا السـلامة من اتـلاك
ياللي علـى العربان عمت شكاويك= ولّيت يـادهـر الشقـا ولّ مقواك
واليـوم ها لكانون غـــاد ٍ شبابيـك =تـلـعب به الاريــاح من كل شباك
يامالك اسمع جابتي يوم اوصيك= واعرف ترى يابوك بآمرك وانهاك
وصية مـن والد ٍ طـامع ٍ فــــيك= تسبق على الساقه لسانه العـليـاك
أوصيك بالتقوى عسى الله يهديك =لـهــا وتدركها بتـوفيق مــولا ك
الله بـرب أجـــدادك الغــرّ يعطيك= مرضــاته مع ماتمنى من إمنــاك
إحفظ دبشــك اللـّي عن الناس مغنيك= اللـّي ليا بان الخلل فيك يرفــاك
وإعـرف ترى مكــه ولاها بناخيك= لو تشحذه خمسة ملا ليم معـطاك
إجعـل دروب المــرجله من معانيك= وإحـذر تميّـل عن درجهـا بمرقاك
أدب ولــدك إن كان تبغــاه يشفيك= لـو ضــاقت إمـه لا تــخليه يــالاك
إمـا سمج واستسمجك عند شـانيك= ويفـر من فعـله صديقك وشـرواك
والا بعد جـهـله ترا هــــو بياذيك= لـو زعلت امــه لاتخــليه يــا لا ك
وإحذر تضّيع كـل من هـو ذخـر فيك =معــروف لاتنسـاه واوفه بعرفاك
تـرى الصـنايع بين الاجــواد تشريك= إليا طمعـــت بغرسهـا لا تعــداك
وإحذر ســرور بغبة البحر يرميك= ولا عنده افـلس مـن تشكـّيك وبكاك
وأوف الرجـال حقوقهـا قبل تـاتيك= لا توفيه بالهـــرج فالحـق يقـفـاك
وهـرج النمـيمه والقفــا لا يجي فيك= وأيـاك عرض الغــافل أيـاي وإيـاك
تبـدي حديث ٍ للمــلا فيه تشكـيك= وتهــيم عند النـاس بالكـذب واشـراك
واليــا نويت إحذر تعلم بطـــاريك= كـم واحـد ٍ تبغى منه عرف وأغواك
وأحـذر شماتت صـاحب ٍ لك مصـافيك= وليـا جرالك جـاري ٍ قال لولاك
و لا تحـسب ٍ ان الله قطوع ٍ يخلـيك= و لا تفرح إن الله على النـاس بداك
الضـيف قـدم له هـلا حيـــن يلفيـك= وممـّــا تطوله يافتى الجـود يمنــاك
إحــذر تـلقي الضيف مقـرن علابــيك= خـله محب ٍ لك صديق ٍ ليا جاك
ووصيك زلا ت الرفيـق ان عثا فيك= مازال يغـّطاها الشعـر فا حتمل ذاك
راعــه ولو مـا شفت إنه مـراعيك= عســاك تكسـر نيته عن معـــــاداك
وإحـذر عدوك لو ظهــر لك مصــافيك= خـلك نبيه وراقــبه وين ماجاك
لا تـامنـه واطلـب من الله ينجــيك= ويكــفيك ربـك شـر ذو لا وذولاك
شفـني انـا يا بـوك بـآ مرك وانهـيك= عـن التعرض بين الاثنين حذراك
إذا حضـرت اطلابـة ٍٍ به شـرابيك= اســع لهم بالصــلح واللاش يفـداك
ابـذل لهــم بالطيب ربــك ينجــيك =ولا تجضع الميزان مع ذا ولا ذاك
أمـا الشـهـاده فادهـا إن دعوا فيك= بيـّن عمـود الدين لا عميت أريـاك
بالك تمـاشي واحـد ٍ لـك يرديـك= طـالع بني جنســك وفكــر بممشـاك
رافـق أصـيل ٍ فـي زمـانك يشـاكيك= لاشاف خلا تك عن الناس غطـّاك
وحـذراك عن طــرد المقـفي حـذاريك= عليك بالمقبل واترك اللـّي تعداك
ثم إلعن الشـيطان حذراك يغــــويـك =تــرى ان تبعـته لشــرابيك وداك
وأوصــيك لا تشــكي علينا بلاويك= انت السبب اطرفت عيـنك بيمنـاك
وإعرف تـرى اللـّي واطا الفهـرواطيك= ولاأنته أعـزمن الجماعه هذولاك
ألمـسك يـاراسي مـن الذل وأخطـيك= وأحـذر تكلم يالساني وحـــذراك
وألطف بجارك قوم من دون عانيك= وافطن لما يعنيك عن ربعة اخواك
ياذيب وإن جتـك الغــنم في مفــاليك= فا كمن لهـا ياذيب لاما تعـــداك
فيما مضى ياذيب تفـرس بيـاديك= واليـوم جــاء ذيـب عن الفرس عداك
ياذيب عاهدني وعاهدك مــارميك= مرميك أنا ياذيب لو زان مـرماك
والنفـس خـا لف رايهـا قبل ترميك= ترى لهـا الشيطان يرمي با لاهلاك
ومن بعد ذا لاتصاحب النذل يعديك =عن صحبة الانــذال يابوك حذراك
والهقوة انـك ماتجـي دون أهـاليك= ولا ظن عود الورد يثمـر بتمباك
والحـر مثلك يسـتحي يصحب الديك= وإن صا حبه عاعا مععات الادياك
لا تستمع قول الطرف يوم يلقيك= بالكـذب يقضي حاجته كل ماجاك
مـن نـّم لـك نـــّم بك ولا فيـه تشكيك= وألياه قد زرى رفيــقك وزراك
عنـدك حـكا فيــنا وعندي حكــا فيك= وأصبــحت كارهنا وحنا كرهناك
مـاخطاك ماصابك ولو كان راميــك =واللـّي مصيبك لو تتقيت مخطاك
مير اســتمع مني عسى الله يهديك= النصح يا ما لك لـك الله مولاك
عنــدي مظنه ما تمثلتها فيك= واطـلب لـك التـوفيق من عند مولاك

اللهم ارحم الشاعر واغفر له يا ارحم الراحمين

[فيصل المخيال]

الشاعر عبدالله بن سبيل
:
و إحدى قصائده الخالده



يالله ياللي تسجـد الخلـق لرضـاه . . . يا وامـرٍ خلقـه علـى حـج بيتـه
تفرج لمن سدّه على الناس ما ابـداه . . . راضي على مقسومك اللي عطيتـه
من شي يسل الحال والجسـم يبـراه . . . والنـاس ما يشفـون إن ما شفيتـه
قلـت آه واجرحـاه مـن علتـي آه . . . وان حملونـي حمـل غـيٍ قويتـه
قالـوا سفا بالحال ويش اللي اغـواه . . . قلـت آه ويش المنكـر اللي وطيتـه
قالـوا جهلـت وبان علمك لمنهـاه . . . قلـت آه علمـي يا مـلا ما كميتـه
قالـوا طلبنـا لك مـن الله معافـاه . . . قلـت آه وحدتـه وعفـوه رجيتـه
قالـوا هله واحبـاب عينه نصحنـاه . . . قلـت آه هــذا واردٍ مـا بغيتــه
قالـوا نـدور لك من البيض حليـاه . . . قلـت آه لو غيـره بكفـي رميتـه
قالـوا تـزوج كود تدلـه وتنسـاه . . . قلـت آه لو اخذت اربـعٍ ما نسيتـه
قالوا من اقصى الناس وين انت واياه . . . قلـت آه ما آنسى يوم جاني وجيتـه
قالـوا نشوفـه عنـد هـذا وهـذاه . . . قلـت آه ما عمره عقب حجر بيتـه
قالـوا عليـلٍ نـاقـلٍ داه بــرداه . . . قلـت آه باقرابـي وروحـي فديتـه
قالـوا نشيـر ولا نفـع ما حكينـاه . . . قلـت آه هـراج النمايـم عصيتـه
قالـوا كثر شيبـك وقلبـك بعميـاه . . . قلـت آه لـو قلبـي غريـرٍ نهيتـه
مطــاوعٍ قلبـي بعجفــاه وقـداه . . . والى عطـى منهـاج دربٍ عطيتـه
ياناس خلـوا كـل وادي ومجـراه . . . قلتـوا كثيـر وقـولكـم ما لقيتـه

[قطريــــVIPــه]

الشاعــــــــر: راشــــــــــد الخلاوي

أوصيك يابنـي وصـاةٍ تضمهـا
ليا عاد مالي من مدى العمـر زايـد
وصية عودٍ ثالثت رجلـه العصـا
وقصر خطـوٍ كـان قبـلٍ بعايـد
وصيـة عـودٍ زل حلـو شبـابـه
عانيـه بالدنيـا وعانيـك واحــد
لا تاخذ الهزلى علـى شـان مالهـا
ولا تقتبـس مـا نارهـا بالوقايـد
ولا تتقي في خصلةٍ مـا بهـا ذرى
ولا تنزل الا عند راعـي الوكايـد
فلي من قديم العمر نفـسٍ عزيـزه
أعـض علىعصيانهـا بالنـواجـد
ومن كثر الطلعـات للصيـد ربمـا
يوافيه غرات ٍ يجـي منـه صايـد
ومن تابع المشراق والكن والـذرى
يموت مـا حاشـت يديـه الفوايـد
الايام ما باق ٍ بها مثل مـا مضـى
والاعمار ما قد فـات منهـا بعايـد
نعـد الليالـي والليـالـي تعـدنـا
الاعمـار تفنـى والليالـي بزايـد
يزيد نجيـب الخـال فيهـا جـلاده
وتـزداد فيهـا اللايمـات الجلايـد
إذا مـا قدمتـم المطايـا تقـيـدوا
لدى مـن تقـي راياتهـا بالحايـد
فعجللي بهـا لاعاقـك الله بالمنـى
فحمـل المنايـا للبـرايـا قـلايـد
تفكر يا ميمـون فـي ربـع دمنـه
خلا ربعها من أهلهـا يابـن قايـد
قل : الله هل شفت السخي ابن زايـد
منيع مـن حـاش الثنـا والفوايـد
وقد كان فيما قد مضى من زمانـه
جميل الثنا مـن حامـداتٍ وحامـد
إذا رام أن يمضي على العزم وانتوى
بما رام ألفـاً وانتقـى منـه واحـد
فيا طول مـا يـارد بهـا جاهليـة
ويفجي الشبا عن كوكبٍ مـاه بـارد
فيا ابن الندا يا جالي الهـم أن طـوا
على ماء من بعض الجلاعيد صايد
بزرقٍ لاهلها قد طهاهـا وسادهـا
مع الحكم نقضي من بنـانٍ وساعـد
قل: الله لي من دمعـةٍ يابـن زايـد
لها حادرٍ قلبـي همومـاً وصاعـد
لفانـي بهـاا لا ساعـد الله ركبـه
إذا ساعد الركبان مع مـن يساعـد
سريع القرى للضيف في ليلة الشتـا
وعيد المقاوي سيـد النـاس ماجـد
قوي وساع السمط فـي كـل عالـة
تعادى بهـا نسـل القيـان الولايـد
ذوي من يلبي الضيف في مدلهمـة
من الليل والما فـي مغانيـه جامـد
فمن عاش بالدنيا يرى يابـن زايـد
كريـه الليالـي والأمـور الشدايـد
كفى الله ذاك الوجه ناراً من اللظـى
بحـق المصلـى نحـوه بالمساجـد
فيا ما غـزا مـن حـرةٍ عامريـة
سماويـة نمـرا الذراعيـن صايـد
فيعنّهـا للـضـد ثــم يـردهـا
بالارسان كره والنضـا كالجرايـد
قولوا لبيت الفقـر لا يامـن الغنـى
وبيت الغنى لا يامـن الفقـر عايـد
ولا يامـن المضهـود قـومٍ تعـزه
ولا يامن الجمع العزيـز الضهايـد
ووادٍ جرى لابد يجري مـن الحيـا
إذا ما جرى عامه جرى عام عايـد
متى الثريا مع سنا الصبـح وايقـت
على كل خضرا ودعـت بالسنايـد
من عقبها نجـم كمـا فـرخ متلـي
على الشوف يتليها بمشيـه يعـاود
وبوارح الجوزا ربـا فيـه بسرهـا
واختلفت الالوان بين خضر الجرايد
والى ظهر المرزم شبع كل كالـف
من الغيد وانحـن الليالـي الشدايـد
ونجوم الكليبين التي تنشـف الجـم
يغور فيهـا مـا العـدود الوكايـد
والى غابت النسرين بالفجر علقـوا
مخـارف فـي لينـات الجـرايـد
والى مضى عقبه ثمان مـع اربـع
الخامسـه طالـع سهيـل يحـايـد
تشوفه كقلب الذيـب يلعـج بنـوره
مويق على غرات حـدب الجرايـد
والى مضى واحـد وخمسيـن ليلـه
فلا تامن الما من حقـوق الرعايـد
قضى القيظ عن جرد السبايا ولا بقى
مـن القيـظ الا مرخيـات القلايـد
ومن لايسقي كنـة القيـظ زرعـه
فهو مفلس منهـا ليالـي الحصايـد
وصلوا على سيـد البرايـا محمـد
كما ناح ورق فوق غصن الجرايـد

[فيصل المخيال]


شيخة القصايد
للشاعر محمد بن مقحم بن فالح النجدي الصقري العنزي

من البارحة بالقلب هجـس ٍوتعبـار=هجـس ٍ وهاجـوس ٍ تعاقـب نـكـيـفــه
الصبر مفتاح الفـرج هـو والافكـار=من لاصبر تصبـح حـوالــه كـسـيـفــه
يالله يالمـطـلــوب يـــاوال الاقـــدار=انــت الــذي مــدات جــودك لـطـيـفــه
يالله يالـمـعـبــود عــاون هــل الكـــار=تــحــل شـــدات عـلـيـهـم كـلـيــفــه
اللـي مجالسهـم بهـا بـن وبهـار=ونـجــر ٍ يـصــوت لـلـمـسـيــر رجـيـفــه
ومكارم ٍ للضيـف عجـلات وكبـار=ومـفـطـحــات فــي صـحــون نـظـيــفــه
تقليطهـم للضيـف قعـدان وبـكـار=وحيل الـغـنـم وقـت السنيـن الـحـفـيـفــه
اكرام ضيـف البيـت حـق وتعبــار=والـكــل مـنــا يـفـتـخــر فـيــه ضـيــفــه
يا مزنةٍ غــرّا مـن الـوســم مــبـدار=اللـي جـذبـنــي مــن بـعـيــدٍ رفـيــفــه
هلت مـن القبلـه هماليـل الأمطـار=مـن سـيلهـا الــوادي غـدالـه وحـيـفــه
تمطر من الهدرا اليـا خشـم سنـار=وتسقـي ديـار مـحـقـبــه والـحـتـيــفــه
وتضفي على كل المفالـي والاقطـار=وتصبح بهـا خــدان ربـعــي مـريـفــه
عقب الحيا فاحت بها ريـح الازهـار=وتعاقـب الـنــوار مــثــل الـقـطـيــفــه
وترعا بها الغرا وتبنـي لهـا طـار=عقب الضعــف راحــت ردوم مـنـيـفـــه
اذوادنــا مـايـرتـعــن دمــنــة الـــدار=ولا يـرعــن الا بـالـفـيـاض النظيـفــه
يرعـن بعـبـدالـلـه وجـبــر وجــبــار=خـيــالــة يـــوم الـمــلاقــا عـنـيــفـــه
ترعـى بها الوضحا من الذود معطـار=غبوقـة الخطـار عـجــلٍ عـطـيــفـــه
يبنـي عليهـا بنيـة اللُّبْـن لجــدار=عـقـب الـضـعــف راحــت ردومٍ مـنـيـفــه
اذوادنـا يرعـن بنـا سـر وجهـار=من دونـهـن نــروي الـغـلــب والـرديـفــه
ترعى بضف الغوش بقصاف الاعمار=تقطف زهر مرباعهـا مـع مصيفـه
ما هي سوالف مسرد ٍ عقب ما نـار=اللي هرب واطراف رمحـه نـظـيـفــه
إن سوهجوا عنهـا قليليـن الابصـار=من دونها نـروي السيـوف الرهـيـفــه
ان سوهجوا عنها معاميس الابصـار=حنـا نـرد اللـي يـبـيــهــا نـكـيــفـــه
خطو الولد مثـل البليهـي اليـا ثـار=زود على حمله نـقــل حـمــل ألـيـفـــه
بشدا هديب الشـام شيّـال الاقطـار=واليـا كـبــر حـمـلــه تــزاود زفـيـفـــه
وخطو الولد مثل النداوي اليـا طـار=صيده من الجزلات ماهـي ضعـيفـــه
ترجي العشا من مخلبه وقـع وطيـار=حسه على صيد الخـلا لـه وحــيـفــه
وخطو الولد يصبر على موتـة النـار=صفـر علـى عـود تضـبــه كــتـيـفـــه
وخطو الولد يامال قصـاف الاعـمــار=لانـافــع ٍ نـفســه ولا مـنـه خــيــفـــه
ورجل ٍ بلا ربعه على الغبن صبــار=يمنـى بلا يـسـرى تـراهـا ضــعـيـفـــــه
واليا بخصته ماسـوى ربـع دينـار=مع العـرب يشبـه خـطــاة الـهـــديـفــه
حنا فريـق ولا نغبـي سـنــا الـنــار=مـا نـنــزل الا بــالــديــار الــمـخـيــفــه
ودار ٍ به الحقـران ماهـي لنـا دار=حتيش لو صــارت خـصــاب مـريــفـــه
وحنا لك الله مـن بعيديـن الاخبـار=والنفس مـا نلحـق هواهــا حـسـيــفـــه
حلويـن للصاحـب وللخصـم قهــار=وعـدونــا لــو هــو بـعـيــد نـخــيــفـــه
حنا كما المشخص عن الصرف ما بار=بالوزن يرجـح والمصـاري خفـيفــه
وتلقـى منازلنـا رفيعـات واخـيـار=والرجل عن دوس القصايـر حـفـيــفــه
لابـد مـا نـسجـلهـا تواريـخ واذكـار=وتبقـى لـدسميـن الشـوارب وظــيـفــه
الا ومـع ذلـك لــك الـلـه لـنــا كـــار=عــن جـارنــا ماقـط نخفـي الـطـريـفــه
نرفا خمال الجار لو هـو بنـا بـار=ونضحك حجاجـه بـالـعـلــوم الـلـطـيـفــه
ولا نبدي الخافي لاصار مـا صـار=وندمح خمال الـجـار لــو بــان حـيـفــه
ونرفا خمالـه رفيـه العـش بالغـار=ونودع لـه النـفــس الـقـويــه ضـعـيـفــه
والجار له قيمـة وحشمـة واعتبـار=وجارتـنــا عــن كــل عـايــز عـفـيـفــه
ما زارهن مـن يـبـغــي الحـيــف زوار=الا ولا عـنــهــن نـــدس الـغـريــفــه
نـبـيــه إلـيــا بــدل الـــدار بــديـــار=وكــل بـجـيـرانــه يــعــد الـوصـيــفــه
نكرم سبال الضيـف حــقٍ وتـعـْبــار=لا مــن ولــد الـعـفــن شــح بـرغـيـفــه
أحد ٍ علـى جـاره بختـري ونــوار=و احـدٍ عـلـى جــاره صـفــاتٍ مـحـيـفــه
وصلاة ربي عـد ماخضـر الاشجــار=على الرسول اللـي عـلـومــه شـريـفــه

[فيصل المخيال]

من اشهر القصائد
للأمير و الشاعر تركي بن صنهات بن حمد بن حميد
رحمه الله
أمير قبيلة عتيبة القبيلة العربية الأصيلة
و قد وجهها لأبنه عبيد

يا ما حلا يا عبيد في وقت الاسفار . . . جــر الفــراش وشــب ضــو المــناره
مـع دلــة تجــذا علـى واهــج الـــنار . . . ونجـــرٍ لــــيا حـــرك تزايـــد عــباره
فـي ربعة ماهيـب تحجـب عن الجـار . . . لا مـن خطـو الـلاش ما شــب نــاره
النـجـــر دق وجـــاذب كــــل مــــرار . . . ما لــفه الملــفـــوف من دون جــــاره
واخـــير منــها ركعــتـين بالاســـحار . . . لا طــاب نـــوم اللــي حـياته خساره
تلـقـاه فـي يـــوم يضيـعـن الافـــكار . . . يــوم علـى المخـلوق ما طـول نــهـاره
قـم في قصـير البيت حشمة ومقدار . . . لـو جـار فأدمـح لـه ولـو بـه خـساره
ترى النبي وصى على الجار لو جار . . . خــذ الحــذر ياعبـيد عـقــب النــذاره
رافــق قــوي الديـن حـفاظ الأسـرار . . . ينفــعـك فــي يــوم تجـي بــه كــراره
تـرى الهـوا والـغي هن شر الأشرار . . . ومن داس عار الناس داسوا لــعاره
جنّـــب ردي الكــار ما فـــيه تعـــبار . . . ما فــيه مــن فــعل المـناعــير شــاره
جنـب عــنه خــله لقـصـاف الأعــمار . . . واحفــظ وصــاتي يارفــــيع المـــناره
واســلم ودم بالخــير ياطــير غيــمار . . . وصــلو على المخــتار ما غـار غــاره