ونعود معا لاكمال الجزء الخامس من قصائد ابو حمد
واتمنى لكم كل الفائده
تفضلوا ياطوال العمار
د مـــــــــــعة الرجـــــــــــــال
قد عطيتك وانـت ماضنـك لئيـم=
والنصيـحـه لليـالـي تـذكـره=
لاتحرك جرحـي الماضـي الاليـم=
ولاتحسب ان طول بعـدك طهـره=
كل جرح يهـون يالجـرح القديـم=
وكل شي قد مضـا معـك اذكـره=
جرحي وذكـراك والليـل البهيـم=
حـزت فـوادي بمثـل المنشـره=
العذول غراب وانا اكبـر غشيـم=
والجروح الماء وطاريـك حجـره=
والزمان اكرم من الحـظ الكريـم=
لانفتح لي بـاب صوبـك سكـره=
وحبك اللي لاطرى لي رحت اهيـم=
قمت احسب اصغر كلامك واكبـره=
ليتنـي عـاد الهـوا تـوه فطيـم=
انعذلـت لعاذلـي بـس خـيـره=
مالقيت من الوفـاء يـااول نديـم=
كون صدق الحزن وجهه وظهـره=
عقب رمح الشوق في وجه الصميم=
سيف هجرك في قفاه وشف ثـره=
وانت شكلك تحسبنـي فـي نعيـم=
لنـي اخبـي صوابـي واستـره=
لايغـرك حلـم رجــال حلـيـم=
مهون اللي مـن سكوتـه فجـره=
ولاتحسب الجفن من دمعه عقيـم=
يستحي منك والى اقفيـت انثـره=
ولايغرك وان بدا جسمـي سليـم=
والله ان جسمي سـوار المقبـره=
والله ان امر من ضحـك الغريـم=
شوف حقي بين اياديـه اشكـره=
والله ان احر مـن دمـع اليتيـم=
دمعة الرجـال مـن فرقـا مـره =
مدري ليـــــــــــــه
ياهيه اللتفت لي واسمع ادعاي لـك ياهيـه=
ترا عـادك بتشبـع مـن البعـد وتواجـه=
دعيتك بصـوت ٍ ياصلـك ليـه ماتوحيـه=
وانا اسمع ضلوعك من صدى الصوت لجّاجه=
عليـك الفـؤاد اخلاجـه مصمّـخ ٍ راعيـه=
خـف الله فـي راعيـه ماتسمـع اخلاجـه=
ترا العفو قـد جـاك اولـه واغتنـم تاليـه=
وترا الحلم بحـر ٍ غيـر لا تامـن امواجـه=
وترا الود ليل ٍ مظلـم ٍ جيـت لـك ساريـه=
سراجه وصالـك والجفـى ينفـخ اسراجـه=
وترا قصرنا اللي كم سنـه نجمـع ونبنيـه=
هوى العذل طيّـح بابـه العـود وسياجـه=
لي أيام مـدري ويـن دارك ولا ادري ليـه=
وانا خابـر انـي بـاب شفـك ومزلاجـه=
غيـاب ٍ بـلا سبّـه هجـاد ٍ بـلا تنبـيـه=
وجفا أغلا العرب نار ٍ على الكبـد وهّاجـه=
نضج قلبي من البعـد وش حاجتـك تكويـه=
جفاك الجمر والصبر فـي بعـدك الصاجـه=
طبـع حبـك بقلبـي والايـام مـا تمحيـه=
هـذا هجـرك يحـاول يموجـه ولا ماجـه=
يموت الأمـل لكـن ضنـون الغـلا تحييـه=
وعروق الوفـا فالـروح والقلـب وجّاجـه=
خبرتوا حـد ٍ يبكـي علـى واحـد ٍ يبكيـه=
وخبرتوا حـد ٍ مسجـون مايبغـي أفراجـه=
احبه ولا ابغضتـه علـى شـي ٍ إيسويـه=
ولا زالـت أرقـاب الرجـا فيـه منعاجـه=
عسى منزل ٍ ضمه حقـوق الوسـم تسقيـه=
وتضحك له الدنيا وهـو يضحـك أحجاجـه=
فقد خاطري شـي ٍ مـن الضيقـه امسلّيـه=
وغدت روحي من النـاس والليـل هجّاجـه=
اروح لمكـان ٍ خابـره ..خابـره ياتـيـه=
اسوق القدم صوبـه وهـي مالهـا حاجـه=
مكـان ٍ نزيـه وأول مواجهـي لـه فـيـه=
وانـا خابـر ٍ مارجـل مثـلـه بـدواجـه=
لعل وعسى مـا حدنـي للمجـي ..يدعيـه=
واشوفـه وانـا مـاودي اسبـب احراجـه=
يحب الجريح اخـر دروب اللقـاء ويجيـه=
وتحـب القـدم جيّـة مكـان اول مواجـه =
الضــــــــــــــــــــــــــــــــيقه
الضيقه اللـي دايمـاً تالـي عصيـر=
وش حيلتـي واردّهــا لا تجيـنـي=
لاطال ظل العود حزة عشـى الطيـر=
كنها علـى سجـن الحديـد تحدينـي=
يضيق صدري كل ما جـات واسيـر=
ولا يخفـف سـوج رجلـي حنينـي=
لاحولنـا مشـراف ولا اقـدر اطيـر=
يالله قسـمـة خـيـر لا تبتليـنـي=
وعقارب الساعه توقف عـن السيـر=
ولاكن في الدوحـه سواتـي حزينـي=
والعبره اللي تاصـل الحلـق وتحيـر=
ياقربها لـو قيـل لـي ( ياعوينـي)=
امل شـوف النـاس وردّ ومصاديـر=
واللي يقـول اشفيـك كنـه يهجينـي=
يعني على ماقيل مـن بـاب تصويـر=
(لاحد ٍ ابي قربـه ولا احـد ٍ يبينـي)=
اروح ادوّر( خط) ما بـه( دواويـر)=
وادوّر الـلـي هـادهـا تهـديـنـي=
واخذ مع الهاجوس سبحـه وتفكيـر=
واراجـع اللـي فـات بينـي وبينـي=
واحسّـب ذنـوبـي وادوّر لتكفـيـر=
وعسـاي ماقصـرت فـي والدينـي=
وعساي ماقارنت مـن ينفـخ الكيـر=
واللي يحمل المسـك جعلـه قرينـي=
ويطري علي يـوم الحشـر واطلـب=
مجير ما اعطى كتابي في شقيقة يميني=
ويطري على صدقان كثـر الدنانيـر=
اللـي تعادينـي الـى كثـر ديـنـي=
وراع الهروج اللي سوات المناشيـر=
اصـد عنـه وادري انـه يعنيـنـي=
الله حسيبه يـوم عـرض القواريـر=
والله حسبي من صـواب مكينـي=
والى طرالـي واحـد ٍ كانـه صغيـر=
امـا اصغـر بيوميـن ولا سنيـنـي=
دريت وش قومـي وعينـت تفسيـر=
للضيقه اللـي مـن زمـن تعترينـي=
حبه بصدري سالفة سـر فـي بيـر=
وكـن الفـواد يقـول هـذا زبينـي=
اشفق على علم ٍ يجي منه من غيـر=
مايسمع اللـي سولفـوا بـه ونينـي=
العام اجيهم مـن حسـاب المساييـر=
واليوم حـال عـداي وينـه ووينـي=
ياكثرهم غيـره ولكـن خبـر خيـر=
ماغير شوفه فـي الوجـود يهنينـي=
رايـي كـذا ياعاشقيـن الغنـاديـر=
ماله علـى وجـه البسيطـه وزينـي=
خطاي تعليـق الامـل فـي المدابيـر=
إليـن راح وشفـت حقـري بعينـي=
صبر جميـل وخابـر انهـا مقاديـر=
والله على تخفيـف حزنـي عوينـي=
ذي حالتي لين اتغبا الشمس واصيـر=
معطى صراحي عقب ما انـا سجينـي=
والى امتلا جوف الشجـر بالعصافيـر=
طلبـت مـن رب العبـاد يهديـنـي=
يعتقني المذن عقب ضيقـة عصيـر=
اللي علـى سجـن الفـراق تحدينـي =
الحـــــــــــد رية
كل ما ذعذع علي صلف الهـوى حدريـه=
يكفخ فوادي بصدري قبـل يكفـخ ثوبـي=
خـص لاجـا بـارد ومذعـذع عصريـه=
يجمع اللي به من الذكرى وياتـي صوبـي=
قبل يلعبي وانـا قـد ريـت فـي ماريـه=
ضايق من صبح والهاجوس دوبه دوبـي=
والله ان كنه يـداوي الجـرح بالشبريـه=
والجوارح من هواها الصلـف ماصدوبـي=
تجمع اوراق السنيـن وتظهـر السريـه=
وتترس عيوني حسايف عقب ترس جيوبي=
لاذكـرت اللـي رحـل وعيونـه الدريـه=
كـل مالديـت فيهـا تـهـت لالـدوبـي=
تمطر عيونـي وخفاقـي سـرى ساريـه=
ينعصر وانـا دموعـي للوفـى عذروبـي=
صمت عن وصل المحبـه لنهـا عذريـه=
والردى ماهو بمـن طبعـه ولا بسلوبـي=
اذكـر انـه قالـي مـره وش الحـريـه=
قلت عكس اللي لقيتـه منـك يامحبوبـي=
اهتوي طاري هلـه مـن حبـي لطاريـه=
والدروب اللـي تجنبهـم مهـي بدروبـي=
متعب رجلي ولو هـي صوبهـم عبريـه=
وابني امالـي علـى الترحيـب لاهلوبـي=
اثـرهـم ناويـنـي بالنـيـه الشـريـه=
واثرهم داريـن وانـا اقـول ماشكوبـي=
واثرني ضايع واصـدق قصـة الحوريـه=
وش ينجيهـم مـن اثامـي الـى قفوبـي=
جزت مادام الهوى يبغي عصـا سحريـه=
وتبت مادام القـدر عيـا علـى مطلوبـي=
قد همومي وين الاقي الصيد فـي البريـه=
وقومة في وجه ضيفي واعرف ماجوبـي=
اكبـر اهدافـي تـزول الدولـه العبريـه=
واكبـر امالـي يغفـرالله جميـع ذنوبـي=
غيـر هبـي ويـن ماتبغيـن يالحدريـه=
واتركي قلبـي لحالـه والعبـي فـي ثـو =
البـــــــــــــــــارحه
البارحـه ربـي كتـب لـي ومريـت=
درب ٍ عليه بـروق الاحبـاب لاحـت=
جيت المكـان اللـي جمعنـا وخفيـت=
وقامت جروحـي للجـوارح وصاحـت=
يا ليتنـي فـي لفـة الـدرب زليـت=
كان العيون مـن الدمـوع استراحـت=
اللتم غيـم الدمـع مـن يـوم لفيـت=
وورقا القصيد لشوفـة الغيـم ناحـت=
و ضحكت ما ابغي الناس تدري يبالفيت=
لكنها غصـب ٍ علـى العيـن ساحـت=
حارت دموعي في عيونـي وصديـت=
وارمشت ابيهـا ماتبيّـن... وطاحـت=
وعقبه برق فالعيـن بـراق واسقيـت=
خـدي ووناتـي بصـدري تـلاحـت=
وانا احسب اني فـي فراقـه تعافيـت=
وان عبرتي من مدخل الـزاد زاحـت=
اللي يحسب اني على البعـد سجيـت=
والا ان عيونـي للرقـاد استبـاحـت=
ياليتنـي مـن قبـل لا احبـه اقفيـت=
والا ان دروبي عـن دروبـه تناحـت=
اهون علـي مـن البكـا والتناهيـت=
واشلا من سدود ٍ على النـاس باحـت=
عرفت كيف الحي يفرق عـن الميـت=
وعرفت قيمـة نعمتـي يـوم راحـت=
قولوا له انـي عقـب بعـده تدانيـت=
ورجلي عن دروب المعافيـن شاحـت=
البعـد نـار وطاعـة العـذل كبريـت=
يقصر على بعده... ترى الكبد فاحـت=
الله يسامح غلاك ويلعن الحاجه...
غيبتك لو هـي دقيقـه تعتبـر صـدّه=
الوقت دونك سجن وغيابـك اسياجـه=
لا تعتذر لي ترى ماعـاد فـي شـدّه=
اعيد حكي ٍ يكـود الصـدر مخراجـه=
دامه يوصـف بجـود ابيـك وبجـدّه=
وشلون تبخل على المجروح بعلاجـه؟=
ووشلون قـاوااك قلبـك رده وصـدّه=
مع انه بيّن عليه الضعـف والحاجـه=
ياقـو قلبـك بــرد ايميـنـك وردّه=
بخلت بمصافحـه وارهيـت بحراجـه=
لو ماسقى غيم عينه جرهـدي خـدّه=
تراه يبكـي وقلبـه يلحـق اخلاجـه=
ولو شفته يمازحك تـراه مـن جـدّه=
الضحك عن درب ضيق الصدر ماعاجه=
غير الغلا والوله عليـك وش حـدّه؟=
يـادرب ليلـه ويامسـراه وسراجـه=
كنّه يعرفـك قبـل يلقـاك مـن مـدّه=
مع ان مابينـك ومـا بينـه امواجـه=
هواك بـدو ٍ نـووا للقلـب بالشـدّه=
ورياض قلبي لشوف البـدو محتاجـه=
والوصل..بحر ٍ متى انت بتسمح ابمدّه=
السيف صبري وبحرك شح بامواجـه=
قصيدي اللـي قريتـه واللـي اعـدّه=
قديـم لا يزعلـك معنـاه واخـراجـه=
وفراغ قلبي غلاك ارهى علـى سـدّه=
ليتك تشوف الغلا وابراجـه وعاجـه=
اقوى رياح العـذل مـا تقـدر تهـدّه=
والا الجفا لـو تنفـس هـدم ابراجـه=
تغانـم الوصـل لـن البعـد لابــدّه=
ياتيك في يوم ثـم ياخـذك بادراجـه=
اللي لي انـك تليـن وتتـرك الشـدّه=
واللي لك اني ما سولف بـك لهراجـه=
ولاني بزعلان واللـي نرتجـي مـدّه=
يا باب قلبـي ويـا قفلـه ومزلاجـه=
زعلة تغلي ومـن تزعلـه مـن قـدّه=
ما دام كـل ٍ يبـي دربـك ومنهاجـه=
غالي وتبخل علـي وتطّـول الصـدّه=
الله يسامـح غـلاك ويلعـن الحاجـه=
19-04-2007, 10:43 AM
العرض العادي
المواضيع المتشابهه
