ونعود بعد طول الغياب بالجزء الرابع من قصائد ابو حمد وتفضلوا
في كفــــــــــــــــهاخاتــــــم
في كفهـا خاتـم وفـي خدهـا خـال=
وفي عينها غيـم وعمـارات وبيـوت=
الخال شفته واضحٍ مـن ورى الشـال=
والخاتـم المـاس مرصـع بيـاقـوت=
والعمر في العشرين كنـي مانيـب زال=
والجسم كنه من جبـل ثلـج منحـوت=
جبـل ولكـن لا طرقـه الهـوى مـال=
وخطواتهـا ماهـي بالأمتـار بالفـوت=
ماهي تشوف الشمس من ظل الاظـلال=
ومصيافها مـا بيـن لنـدن وبيـروت=
الشمس لو تشرق على جسمهـا سـال=
كنهـا مجسـم محلبـيـه وبسـكـوت=
ومن صغر مبسمها شقى حالها الحـال=
ما تاكل الا اللـوز والخـوخ والتـوت=
ماهي تشوف النـاس تمشـي وتختـال=
ومرٍ على جاكور ومـرٍ علـى حـوت=
وخدامتيـن وهـي بـلا زوج وعيـال=
وسمعتهـا تدعـي الدريـول يياقـوت=
وثـلاث جــوالات مـاهـو جــوال=
ومن يوم خلقـت كـل شـيٍ بريمـوت=
لكـن قلبـي مالهـا فـيـه مثـقـال=
وش قرب البشت الحساوي من الكـوت=
ياجعلهـا للـي خـذت قلبـي نـعـال=
اللي غلاها عنـدي الشـرب والقـوت=
حوريـةٍ مـن فوقهـا الليـل شــلال=
كنهـا صبـحٍ فوقهـا الليـل مكتـوت=
قلبي لها من كثـرة الشـوق مشخـال=
وللسر عـن كـل المخاليـق تابـوت=
تنحت لي من الحب في القلـب تمثـال=
وحبي لها ينحت على الساحـه بيـوت=
فـي عينهـا ماكـل رجـال رجــال=
وأقصى حدود الوصل في سلمها الصوت=
زودٍ على القلب وعلى الحسن مـن آل=
روسٍ لهم روسٍ على متونها بشـووت=
الى رضت موتوا يا أهل روس الأموال=
وإلى زعلت جربت وش سكرة المـوت=
من دونهـا رجلـي وراكـب وخيـال=
والسيف والأمواج والبحـر والحـوت =
ملـــــــــح النشيــــد
غاسل ٍ كفـي مـن مصافحـة بعـض اليديـن=
وقافـل ٍ بوجيـه اهلهـا صناديـق البـريـد=
وشايف ٍ شي ٍ لي اعـوام مالـي فيـه عيـن=
وقاطـع ٍ خيـط الهقـاوي بسكيـن الوكـيـد=
وخالص ٍ من طيـب ضـن ٍ موهقنـي سنيـن=
وظاهر لي عقب عرف العـرب عقـل ٍ جديـد=
وطايح ٍ من عيني ارجال عنـدي كـان ويـن=
وحاقـر ٍ منهـو يقـيـس الاوادم بالرصـيـد=
ومحتمي ٍ من غدر الاصحاب في حصن ٍ حصين=
ولابس ٍ لرماح الاقـراب ثـوب ٍ مـن حديـد=
وماضي ٍ منـي علـى اللـي تمشينـي يميـن=
ما تجي منهو قريـب ٍ والـى احتجتـه بعيـد=
المواقـف تشخـل النـاس والطيّـب يبـيـن=
كل عـام يطيـح تسعـه ويصفـا لـي وحيـد=
اشهد ان خيـر المـدارس تجـارب الاوليـن=
واشهد ان راي التجارب هو الـراي السديـد=
واشهد انـي للبـلاوي علـى الدنيـا مديـن=
كـل مـا راجعـت نفسـي طلعـت المستفيـد=
وانت ياللي عقبك الزين بيـن البيـض شيـن=
مستحيل يطوفك الشعر وانـت اصـل القصيـد=
القصيـده فـي عيونـي بدونـك مـا تزيـن=
لازم ان اجيـب طاريـك يـا ملـح النشـيـد=
انت ياللي مـن بطيـن الفـؤاد الـى الاذيـن=
والله ان حبـك مـع الوقـت ماينقـص يزيـد=
في غيابك لـك محبـه ولـك شـوق وونيـن=
وفي حضورك شف عيوني كلامـي مـا يفيـد=
اقهـر الضيقـه بذكـراك مـن حيـن لحيـن=
وانثر دموعي على الوصل مـن عيـد ٍ لعيـد=
لك غلا ً سبحـان ربـي ملـى الدنيـا حنيـن=
ولك وفا ً سبحان ربـي مكـن فالكـون غيـد=
شف مكانك فـي مكـان ٍ عـن العالـم دفيـن=
في مكان ٍ مـن ورى مثـل عيـدان الجريـد=
مكرم ٍ حبـك ولـه فالحشـى سمـن وسميـن=
يقدع من الحـال واصـب لـه بـن الوريـد=
افتضحت مـن الهواجيـس بـك فالمسلميـن=
كل من سولف علي قلت له وش قلت؟ ..عيـد=
الهوى سجن العشاشيـق وانـا لـك سجيـن=
وودي ان سجني مؤبـد ولـي حـارس وقيـد=
عزتي لي مـن فراقـك عسـى ربـي يعيـن=
ادري انه فـي طريقـي ولـو وصلـك مديـد=
صابر ٍ غصبا ورى الخشم لو جرحـي مكيـن=
ودي افعـل لكـن الله يفـعـل مــا يـريـد =
ياقــــــــــو قلبـــــــــك
ياقو قلبك على الصّـده ويـا صُبـرك=
وياوسع صدري على صدك ويا صُبري=
وياطـول عمـرك بذاكرتـي وياكُبـرك=
وياشيب عيني بشيّب عـاد ذا كُبـري=
والله لون حمل صبري فوقك..ان تبرك=
والله ولو تعتذر منـت بعلـى خبـري=
ان ما جبرك الغلا ما اقدر على جبـرك=
ياللي على ارض الوفا ما شبرك بشبري=
تزعل وترجع وتلقانـي علـى خبـرك=
وانا انكسر لك واجيـك ادوّر لجبـري=
طيفك وذكراك طيلـة غيبتـك سبـرك=
وشوقي لشوفتك طيلة غيبتـك سبـري=
امحق وليف ومحبه...والا اقول..ابرك=
حسبي عليك اعشقك وانت اتحفر قبري =
هوى الغــــــــربي
دخيلـك ياهـوى الغربـي علـى قلبـي تهـب بزيـن=
تـراك محمـل(ن) بشيـاء تهـز القلـب وضلـوعـه=
تـراك محمـل(ن) بشيـا(ن) خفيـه مستحيـل تبيـن=
ولايفطـن لهـا كـون الجريـح مــلاوع اللـوعـه=
عليـك الله وجــاه الله تـلـف يـسـار ولايمـيـن=
ولاتحيـي عـروق جـروح مـن عاميـن مقطوعـه=
تنحرتـك وانـا اعـرف النتيجـه دمـعـه وبيتـيـن=
ومجموعـة هواجيـس(ن) تخالـف هـي ومجموعـه=
وتنفستك وانـا اعرفـك علـى روح الشقـي حديـن=
لـكـن الله ومــرك وجابـنـي بـاقـدام مقلـوعـه=
وجـودي وجـد مـن خلـي يقيـده الزمـن للـديـن=
عفيف(ن) ما اظهر الحاجـه ولافزعـوا لـه ربوعـه=
والاياوجد حالـي وجـد مـن خلـي يشـوف الشيـن=
يتيـم(ن) كلمتـه لا مـن شكـى ماهـي بمسمـوعـه=
توفـى ابيـه عـاده مابعدهـو ينطـق اسمـه زيـن=
وعـاش ابـلا اخـوان وناقـع كمـه مـن دمـوعـه=
على اللي راح بفوادي وانـا ادري ليـه وادري ويـن=
وروح روحــة(ن) مجبوعة(ن)مـاهـي بمتبـوعـه=
ملا صدري غـلا واقفـا وانـا ضامـي فـواد وعيـن=
لونـه غيـر وادعنـي علـي اهـون مـن الروعـه=
وبنى له في الحشى سور(ن)مثل سور(ن)بني في الصين=
يـرد الـعـاذل ويحـمـي ورود فـيـه مـزروعـه=
حلف لي دين ماينسى وانـا اللـي قـد عطيتـه ديـن=
انـا دينـي علـى ماهـي وهـو ماغـيـر طبـوعـه=
علـى خبـري لكنـي رحـت ادور للحقيـقـه لـيـن=
عرفت اسبـاب ماتقنـع وشفـت اسبـاب مشروعـه=
لونـه راح هاجرنـي علـي اهـون مــن الثنتـيـن=
مـراح مايبيـه وعبـرة(ن) فـي الحلـق مقـروعـه=
عسى ربي يسامح كل مـن لـه فـي الفـراق ايديـن=
سبـق سيـف الفـراق العـذل ياروحيـن منـزوعـه=
دخيلك ياهـوى الغربـي تـرى مانـي مـن الساليـن=
ولـو بينـت لـك ضحكـه تراهـا صـدق مصنوعـه=
دخيلـك كـف ولا لـف ولا غـيـر هــب بـزيـن=
تـرى ماهـو يعرفـك كـون انـا ومـلاوع اللوعـه =
17-04-2007, 09:22 PM
العرض الشجري
المواضيع المتشابهه
