السلام عليكم ورحمة الله وبركاتة
اخواني الكرام اعضاء
مجالس قبيلة العجمان .. اخواني زوار المجالس .. اسعد الله اوقاتكم بكل خير ... يسعدنا ان نضع بين ايديكم القصائد التي حصلت على المراكز الاولى في المسابقه الشعريه التي نظمت في الدفاع عن الرسول محمد صلى الله عليه وسلم ,, والتي تكفل بجوائزها
الشيخ \ منصور بن مطلق ال زنيفر
جزاه الله خير الجزاء وبارك الله له في ماله وجعلها الله في ميزان حسناته
وقد عرضت جميع القصائد التي وصلت لجنة التنظيم على اعضاء لجنة تقييم الشعر ..
وقد حصل على المركز الاول
الشاعر \ طاحوس بن محمد آل طاحوس
وقد حصل على المركز الثاني
الشاعر\ محمد بن غريب آل عبدان
وقد حصل على المركز الثالث
الشاعر\ زايد بن كروز المري
(من دولة قطر الشقيقه)
وهذه القصائد حسب الترتيب
القصيده الاولى
الحق كلمه والكلام احيان خير من الفعول=والشعر موقف والمواقف مالها غير الرجال
وان غطرفت بنت الفكر مثل تغطراف البتول=قطفتها كنها غصن ناديت ثمراته ومال
وان شاش جن الشعر عقلته وجننت العقول= دام الجزاله مالها غير الشواعير الجزال
ضاق الصدر والعين هلت دمعها مثل السيول= وصار الفضا والارض عندي مثل حبات الرمال
من سبة النجس الحقير اللي تهزا بالرسول=ملعون كوثر لايفرق لاحرام ولا حلال
لاتحسبن السب حرية صحافه يامهبول=ولا التقدم والثقافه مالها عندك مجال
ماتدري ان الاحترام افضل وسيلة للوصول=قلة أدبك تنزلك وتوصلك تحت النعال
العيشة اللي صرت عايشها ترا عيشة خمول=عيشة تمزق وانحرافات وسخافه وانحلال
خسران دنيا وآخره سافل ولا عندك قبول=ماتدري ان السخريه تدفع احيانا للقتال
واللي يطبلك غبي بلشان في ضرب الطبول=يبي يفرق امة التوحيد وجيوشه هزال
بدري عليك اللي تفكر فيه قول وماتنول= الحقد واضح من خلال .. ومن خلال ..ومن خلال
هذا نبينا المصطفى خير البشر عرض وطول=العادل الشهم الامين ..الصادق الذرب الخصال
اخرج عباد الله من الظلمه الى النور بذهول = وامر بلال برفع الاذان .. ورفع صوته بلال
عقول كانت مغلقه فتح لها كل القفول= أيام كان ألأب يؤأد طفلته تحت الرمال
وقلوب كانت تايهه وضح لها كل الحلول = ايام كان الجهل متفشي مثل داء العضال
رسالتة حثت على الاخلاق ياحلف الفضول =ومكارمه عدت به الافاق في عصر الضلال
جاه الوحي يوم اعتكف بالغار وافكاره تجول= جبريل قال اقرا وهو ماهوب قاري يوم قال
قد قال اقرا باسم ربك الذي خلق وقول= ان الله يحذر عباده قبل لحظات الزوال
ادعو عباد الله الى الاسلام والدعوه شمول =واثرو بنهج الله بقاع الارض والدنيا رحال
ادى الامانه واجتهد في شيل عسرات الحمول = كله عشان يوصل الدعوه ويعدل الاختلال
افشى السلام وجمع العالم على نبذ الغلول =وفي ظل رب البيت سبحانه ولا غيره ظلال
علمهم ان الاض رحله والبشر فوق الرحول = لابد يوم تنوخ ويصعب عليها الارتحال
علمهم ان الدين واحد والكفر عدة فصول = لاتستهين بنظرتك للدين ودقاقه جلال
وانت تهزا به عسى روحك من الدنيا تزول = وتواجهك في الآخره نار ماهي صوب الزوال
حتاك تعرف عاقبة ماقلت في سب الرسول = وتقول ياوجدي على ماضي سنيني والليال
طاحوس بن محمد ال طاحوس
القصيده الثانيه
ذكر الله البادي على اول مانقول = ولا المعاني مايفوت ادراجها
بنقودها قود الفرس ولا الذلول = ونشوف مدخلها قبل مخراجها
وليا بغينا الشعر بطلنا القفول = والطيبه نبغا نعلق تاجها
تكفون ياصحاب المعرفه والعقول = نسمع مقالات الكفر وازعاجها
من حارب الله والصحابه والرسول = دوسو علامه وابتدو باحراجها
مقاطعينه بالكلام وبالفعول = وبلاده نحرم جميع انتاجها
مثل الدنمرك وصحافتها الخبول = يا الله حطمها وهز ابراجها
والريسه ياجعل منصبها يزول = حيث اليهود اخوانها وازواجها
خدينة قشرا ويتبعا ذيول = لاخير في الشمطاء ولا في صاجها
شويرة الشيطان والعقل مهبول = تبت يداها والفحل مكياجها
من سب في الاسلام فاشل ومهبول = عسى البحور تشربه بامواجها
قوم ابرهه ماسرته ضرب الطبول = راحت جميع جيوشهم وافواجها
طير ابابيل نزل فيهم نزول = عليهم رقاب المنايا عاجها
هذي رسومات يزيفها نغول = مانعتبرها والخطا رواجها
ابليس والطاغوت في النار مغلول =ولا النبي طب القلوب اعلاجها
اختاره الله ثم سمح له بالدخول = في بطن مكه والمعابد ماجها
يوم البشر مابين عاذل ومعذول = وضح قمرها نورها وهاجها
على ظهور الخيل زينات الدول = مشى ينصح في الديار وساجها
خذا معا مشوارها عرض وطول = وله قصه البوراق في معراجها
وحنا حماة الدين فرسان الخيول = واللي حما مكه حما حجاجها
حنا العرب حنا الرجاجيل الزحول = وسلومنا نتعب على برماجها
حنا بني يام عريبين الأصول = قبايل هدى النبي منهاجها
واميرنا سلطان شيال الحمول = شيخ القبيلة كنها واسراجها
شيخ يمثل به على اربعة الفصول = في المنطقة تيما وهو هداجها
وامة محمد بشروها بالقبول = تسعا بخير والدول تحتاجها
محمد بن غريب بن صهيب ال عبدان
القصيده الثالثه
التفرقه والعنصريه هي سبب كل النزاع =والفاسق اللي لاشبع بنعمة الله افترى
والذل من قسم الوجيه اللي يغطيها القناع =وكل ضد وشانئاً على الحياة ابترى
والخوف للخواف ووسام الشجاعه للشجاع =واللالقاب تلصق بالفعل ماهيب تلصق بالغرى
تمد يالمغرور شبر ..امد يا المغرور باع =والزندقه في (بوش) واشنطن (توني) انكلترى
يشاع لكن وش يشاع؟؟ بس الوكاد انه يشاع =ان الفقير يدمدم احلامه رغيفه لسمرى
والفقر ماهو قلة الحيله ولا قل المتاع =الفقر فقر اللي من الايمان والدين افقرى
حياة الامه في الزمن هذا تذاع او ماتذاع =مترديه ..مستهزله ..لكن هذا اللي جرى
حكامنا من مؤتمر ,,الى منصه ,, واجتماع =والعرف سائد لاتكلم لو تشوف المنكرى
اطلق شنب منهم اذا قلنا على الحمل استطاع =نبغيه يمشي بالحمل قدام ويعود ورى
واحوال الامه من ضياعٍ في ضياعٍ في ضياع =واذانهم ماتستمع وعيونهم ماهي ترى
اعظم مقدساتنا بالسخرياء تشرى تباع =رسوم تعني عن رسول الله تباع وتشترى
خل القتل والذل والتشريد في شتا البقاع =وتكُبر الطغيان عند الغرب والله اكبرى
تطاولوا على جناب المصطفى والاطلاع =يقول حريه صحفيه وجرحاً مابرى
الله كم ذقنا مرار الفقر حسره واللتياع =حتى غدينا عبرة للمعتبر بين البرى
عذراً رسول الله فاض الكيل فوق المستطاع =لعلنا نموت تحت اسمك فدا فنعذرى
عذراً يا اعظم من خلق واشرف خلق واكرم طباع =عذراً يا اعظم من وطت رجله بحيد المنبرى
ماكنك اللي سن شرع الله فارض الله وذاع =في اقصى نواحي الارض من طيبه ومن ام القرى
وما كنك اللي بايعوا بسمه ثنيات الوداع =وما كنك اللي بليل معراجه لخلاقه سرى
يا سيدنا يا عزنا يا الصادق الشهم المطاع =يا اعظم رساله للبشر فوحة شذاها من حرى
ابسط حقوقك في صميم ارقابنا عنك الدفاع =واعظم حقوقك يا عسانا في جنابك نحشرى
الشاعر/زايد بن كروز المري
ولا نقول الا جزاهم الله خير الجزاء وجعلها شافعة لهم يوم القيامه
تحياتي للجميع
02-05-2006, 08:05 PM
العرض العادي
المواضيع المتشابهه
