هذه قصيدة قيلت في حفل الشاعر عبدالله عبيان يوم تزوج وقد القاهاصالح السكيبي
وهذه القصيدة للشاعر صالح السكيبي
أورقت كل القصايد من أغصان الكـلام=وذابت من العشق روحي على معشوقها
طار من صدري سلام معه شوق وغرام=قبل لاجيب القصيـده علـى طاروقهـا
جيتكم من حب نجـران ياصبيـان يـام=والقصايد صدر شاعر لكـم معلوقهـا
ياسلام يسبق الريح ويسـوق الغمـام=من أجا وجبال سلمى وطيب عروقهـا
للرجال اللي لهم فالكـرم راس السنـام=دون نقـص فالقبايـل ولا بحقوقـهـا
فزعة اللي من نخاهم الياثـار العسـام=ونادت سيوف المنايا صليـل بروقهـا
من شيوخ القوم فيهم اليا اصغر غـلام=من ذخر نفسه عن الموت جاك يسوقها
صيتهم نار من الطيب تجتـاح الظـلام=علمهم شمس على الناس نور شروقها
جيت أدور بعد هالمسك في شعري ختام=ولابقى إلا روح عاشق وجيت أسوقهـا