إهداء خاص

[أبن قيم]

من ينبع أرسل سلامي وأعظم أشواقي=للصاحب اللي كتبت الشعر من شانه
غلفتها بالذهب وإحساسي الراقي=وحطيت فيها من الورد أجمل ألوانه
لون الفراشات لا جاء وقت الإشراقي=وتخيرت في الزهر فله وريحانه
وذاب الندى وأنهمر من فوق الأوراقي=والليل شاف الصباح وصك بيبانه
وكتبت شعر(ن) يناسب كل الأذواقي=إذا قراه المولع هاضت أشجانه
أهديه للي مكانه بين الأحداقي=اللي حفر في الخفوق أسمه وعنوانه
والله خلق في الحياة أصحاب وفراقي=والشخص يبحث عن أحبابه وخلانه
وبعض العرب منظره خادع وبراقي=يظهر لك الود ويعضك بنيبانه
هديتي ما تلاقى وسط الأسواقي=أخترتها من جميل الشعر وألحانه
الساق والغصن والوردة والأوراقي=وأغلى الدرر بين ياقوته ومرجانه
لأهل الوفا والصداقة وأهل الأخلاقي=عسى تليق الهدية بأعظم إنسانه

وسلامتكم

الشاعر / علي بن محمد بن قيم آل فطيح

[ابوعبدالرحمـن]

الله الله

والله نخبه

ابن قيم

صح لسانك

وفي إنتظار جديدك

:

[ِِِAL 3ajmiah]

صح لسان الشاعر ولسانك ولاهنت ..

يعطيك العافية ~

[أبن قيم]

أخواني / أبو عبدالرحمن والعجمية

صحت أبدانكم وشكرا على المرور

للمعلومية/

الأبيات من كلماتي

[هادي بن فهاد]

يامرحبا ابن قيم صـــح لــسانــك

[أبن قيم]

أخوي / هادي

صح بدنك وشكرا على مرورك