نبذة عن الشاعر سعيد بن دوغان ال مطارد
الشاعر سعيد بن ناصر بن دوغان عاش مع والده في طقوس شعرية فنشأ متأثر بشعر والده ,,
بدا في اشعال شرارة الشعر في سن مبكرة مرتكز على معاناته الغزليه التي سوف تلموسنها في قصايده في هذى الديوان والتي تشكل الغالبية العضمى من قصايده..
ولد الشاعر سعيد في محافظة خباش عام 1386هــ ثم انتقل الى قريه ريمان وهو لايزال صغيرا فعاش وتربى في ريمان وقد ارتبط ريمان بقصايده ارتباطاً وثيقاً حيث تردد كثيرا في ثنايا قصايده ومن هذي القصايد ..
ياغونةٍ جرهـا لـصـيـد مدهالي=من رايح الصيف جعل الرب يسقيها
ريمان غايت مرادي اول وتالي=أرضٍ تربيت فيها كيف ما غليها
عرف الشاعر سعيد بسرعة البديهة خاصة بشعر المحاورة وتميز من تصوراته التي تستمد من بيئته الصحراويه فعرف اسمه وتردد بين الناس في منطقة نجران ثم امتدد الى مناطق اخرى رغم بعده عن مراكز الاعلام المختلفة ..
تلقى تعليمة في مدارس الخضرى القديمة وحصل على الشهاده الابتدائية ثم ابتعد عن الدراسة رغبتاَ منه في الانخرط في السلك الوظيفي فالتحق بقوة الطواري في منطقة نجران
عام 1404هــ ثم التحق بعدها في امارة نجران ..
هذي احدى قصائد المرحوم / سعيد بن ناصر ال مطارد..!
انشـأالله انها تعجبكم ..!
قال ابن دوغـان عينـي نومهـا هجـي=والنار فـي ضامـري شبـت وهايجهـا
لاجيت ابدله عـن الهاجـوس واسجـي=ماجا ونفسـي بعـد قضّـت حوايجهـا
والله لو ما اطلـع المشـراف واعجـي=يالحـال ماعـاد منـهـا الا فلايجـهـا
غير المبادي دوى الملتاع لـي ضجـي=ومن صكـت بوجهـه الدنيـا بوايجهـا
يالج صدري من فـراق العضـي لجـي=لجت زعـول النظـى لازرت لعايجهـا
للصاحب اللي رجيت وعادنـي برجـي=وغيره من الناس ما ابغى اسمع هرايجها
بالعون حبـه سرابـي سريـة اللنجـي=لابحر والامواج تسحـب بـه نسايجهـا
يلي ذكرتـه وانـا فـي غيبـة البنجـي=تبطـل خمـول المخاديـر ومسايجهـا
ابـو عيـونٍ يلـي سلهـم بهـا زجـي=ولي رفـع رمشهـا غطـى حجايجهـا
والخد لي بـان كنـه البـارق الحنجـي=اللـي ليـه البـدو تكـثـر دوايجـهـا
والعود ريحانةٍ ما شـرب مـاء همجـي=وتومي به الريح لـي هبـت زرايجهـا
يابو(...) عزوتي في الموقف الحرجـي=السالفـه مثلكـم يـعـرف لجايجـهـا
انت اللذي يابن عمـي عـارفٍ نهجـي=وعندك خبر طـارح الشوكـه ومايجهـا
والله لو ما اذكرك في الضيـق وافجـي=وان قد سفت من على قبـري عجايجهـا
جعله فـدا لـك رفيـقٍ خوتـه غنجـي=لي غبت لسنـاع بانـت لـي نهايجهـا
يضحك هزابي وانا اضحك له على ولجي=واخـر صداقتـه بانـت لـي نتايجهـا
------
البارحة غنيت وبديت ماكنيت=وكلن رقد وانا الهواجيس تومي بي
على صاحب لاجزت منه ولا سجيت=عليه ابدي المشراف واعوي عوى الذيبي
لامن ذكرته من حلا مرقدي فزيت=وقامت دموعي فوق خدي هواذيبي
وعنى القلب لامني على ديرته مريت=مع الصبح والا عند حل المغايبي
الا يارسولي كان جيت اهل ذاك البيت=سلم عليهم عد مذري الهباهيبي
هل الحلة اللي كل ماشفتهم ونيت=ولو لا غلاهم مابديت المراقيبي
الا ياعسى ماذاك بتلى العهد بصويت=وجعل الرجى ماينقطع من لصاحيبي
---------------
قال ابن دوغان ليت القلب يندلي=لاشك مطاع ولاكان دليته
قلب على غير شفي تلني تلي=واصبحت له طايع ماقال سويته
البارحة للعصر شرفت متعلي=ياليت ماجيت مشرافة وذبيته
بديت في مرقبي يوم الزلف الظلي=اخيل اخباش لاكن ماتحليته
اخيل بالعين حيث صويحبي حلي=ودمعي على الخد من لشجان هليته
الصاحب اللي غدى تالي عذاب لي=ياليت مالله قسم عرفه ولا ريته
ماهمني في العرب غالي ومتغلي=لو بالمنا كان غيره ماتمنيته
ابوعيون هدبها رمشه مظلي=من عشرته حلو نومي ماتهنيته
لما ذكرته وثلث الليل قد زلي=فزيت في دجا الظلمى وناديته
يامرسلي كان مريتوا عرب خلي=بلغ سلامي لجسم العود لاريته
سلم لهم ماهمل مزنه وماهلي=وعداد مانحت مع الوديان منشيته
اصل وليفي الخبر من شان يفطن لي=يوم الثقة فيك ولا كان حاكيته
وقله ترى والله مارديت من ذلي=غير استحي من تردادٍ على بيته
ولولا الحيا والله مافرقتهم ملي=ولا كان ندبت مرسولي ووصيته
ولا تخفي على من قال لك قلي=وانشد عسى صوبنا تدري بناحيته
عساه حصل لوضع حبيبي حلي=من شأن بسلا وتسلا الهم راعيته
والراعي اللي سرح مادري واين هو ظلي=ايدور لبكرته واحطامها ازيته
الصيد روح وعارض دقه الجلي=والقايده كود والقناص معنيته
والبندق اللي تشل من النصع شلي=ماحققت بين صايدته ومخطيته
------------
ياغونةٍجرها للصيد مدهالي=من رايح الصيف جعل الرب يسقيها
الديره اللي سكنها الصاحب الغالي=من بد الاوطان قلبي مشرع فيها
ريمان غاية امرادي باول وتالي=ارضٍ تربيت فيها كيف ماغليها
منها جرفني الهوى وانا على الجالي=اتبع حمام يغني في روابيها
لاجر صوته وفيَ العصر مالي=وانيت له ونةٍ وابكي بتاليها
ابكي على ذبتي من طول منزالي=وادله النفس من عجات ماضيها
وارد عيني من الممسا لمقيالي=واصوت لماضية الايام وادعيها
واصفق لعصر مضى يمناي بشمالي=متحسف والحسايف زل حاضيها
من غر في شبته راحت على الخالي=واصبح يطرب بها اللي بيشريها
لو سامها شايب ماجات بريالي=ولابد دنياه تقصر به لياليها
لكون من سكبتي بالثوب وعقالي=روضت هجن قذاها شوف راعيها
غير اعتنقت الهوى وحسبته اشلا لي=وهفيت من عافي الردفة لواطيها
والعمر قفى ولاشيٍ تهيالي=ورجلي على ذبة المشراف مشقيها
ياونتي ونة اللي طاح متبالي=من علة والدكاتر ماتداويها
كله سبابي وليفي زين لقبالي=الله عليه السراير بحث خافيها
طبيت في الموج والمخرج على الوالي=يالله من الشوق سترك يامنجيها
من اول كنت طرب وخاطري سالي=واليوم عيني لذيذ النوم مخطيها
لي هجمةٍشفتها عجفات وهزالي=من يوم غانت وشتت من مفاليها
ذكرت لي اول شتاها حول تصلالي=وفي الصابر العام ذا عينت طاريها
والله لولا الظروف وكثر لشغالي=ماتوب من طردها مادمت راجيها
-----------
مسيار الضحى
يالطيف الروح حبك غدا بي وانتحا=شاقني لك بارقٍ من على ريمان لاح
في غيابك طرف عيني بنومي ممرحا=متعب الرجل والقلب بعد ماستراح
من سكن في صدره الهم وامسا واصبحا=كن لاجا في الغبا وان بدا المشراف ناح
ليتني عديت وسليت مسيار الضحا=كان ماجا منك يكفي وماقد راح راح
غير مادري كيف لقدار دارت بالرحا=ماوعيت الا وانا مثل مكسور الجناح
مابغيت اجيك لاشك حظي ابتحا=لاجزاء حظ حدابي على ذاك المراح
ديرةٍ من شاش فكري غلاها مامتحا=لو غفت ليام واخفت معالمها الرياح
ياوليفي كيف ماجوز منك واسمحا=وانت نفسك بالمحبة ملقيها الضياح
والله اني ماتعديت بيتك من سحا=غير شفت جيته مامعي منها صلاح
مشربٍ يازين كثرت وروده وانزحا=حالف ماذوق جمة همج ولا قراح
-
------------------
يقول ابن دوغان عفوك يالله يامنشي المزون=وتعدل الدنيا الي هي مايله
والله ماشي حسني في الوقت ذا يابوي كون=شوفت عشير ودي اني اخايله
يلي تذكرته وانا يابوي في وسعى وهون=تظلم علي الدنيا وانا للقايله
ليته يجي بالمال حتى لو تحملت الديون=ولا وزيت دهم وديرة وايله
سبحان من سواه يا..لله في خلقه شؤون=يحرم علي ماشفت مثلة زايله
============
يامل قلب تجره بالهوى نوره=جرة حبال على مطوية الجالي
لقيتها البارح والنفس مسروره=ثم رحت قدني على المسيار متبالي
يوم اشبحت لي وانا ابغى اقول ماجوره=فزيت من مقعدي ثم طاح فنجالي
واهتز قلبي ثم دارت بي لارض دوره=وقمت اتصرع على يمناي وشمالي
الله عطاها جمال الكون والكوره=من شافها يامحمد صابة اهبالي
زود على زينها وثله ومستوره=وتزين القاع في لقفى ولقبالي
ياشبه ظبي من القانص نوى الذوره=ماصاده اللي تركد له بالاسهالي
ابو دليقٍ على الامتان منثوره=والخد براق صيفٍ يشعل اشعالي
اون ونة مريضٍ عال دكتوره=وامشي مع الناس وانا كني لحالي
لو ينشكي حبكم في كل منشوره=معاد خط القلم من كثر ماجالي
مريت واثر المناطق ذيك محذوره=ومن مر ذاك الوطن ماراح متشالي
ياليت عندي من الذكرى لها صوره=واكتب عليها هدية واحد غالي
----------------
قال ابن دوغان شرف في مراقيبه=الله لاسقى طويل النايف العالي
ذكر علي صاحبي قدني على الغيبه=ونيت وانا بديته خاطري سالي
من ذبتي مرقبي حولت مالي به=كثر هواجيس قلبي واشغل البالي
الصاحب اللي بعيدات مناديبه=ودي بشوفه وجيه ماتهيالي
ارجيه وانا احسب ليام بتجيبه=وراحت حياتي على رجواه ماجالي
ياقلب من عاف حبك ويش تبغي به=يمشي بدربه وانا باسير في حالي
والصيد لــ ...أنزاح علي وابعد مضاريبه=أظن لنكاف من طراده اشلالي
---------------
ياصاحبي كود وصعيب على فرقاك=كل شي يهون الا فراق المحبيني
فلا تحسب اني في غيابك نويت انساك=مير انتظر منك المراسيل تاتيني
عذابي الغلا وانا مثل مولع التنباك=يزيد البلا به لينقطع عنه يوميني
انا كل مانظر صهيدٍ فيه كنت القاك=عوى القلب لقشر ثم جرى الدمع من عيني
حسبي على حظٍرماني وصرت اهواك=ليته قسم مر الهوى بينك وبيني
------------------
يانسيم الصبح ردي لمحبوبي السلام=واخبريه اني وجيع ونفسي زاريه
اتسلى بالسوالف مع الناس الحشام=مير شفت الحال بعد المفارق باريه
وانتي لي غابت الشمس ثم حل الظلام=ونه الانذار لي صار حاله طاريه
يالطيف الروح ويش فايده كثر الكلام=كان جا لليوم منتي بحالي داريه
والله اني داري ان طردة المقفي ملام=مير ما الاقدار تبدي بلوح القاريه
الهوى بلوى على من دخل سوقه وسام=ومن شرا الحره مشت في تقاها الجاريه
---------------
مل عينٍ طرفها عاف نومه واحربه=استصابت بعد ما فارقت مضنونها
من تكلا الهم والوقت قلبه ما اطربه=ماهقا يسلا ونفسه تخف اشجونها
صاحبي ذا الليل ما ابعده وامسٍ ماقربه=هو سمح مني وانا عشرته ما اصونها
وياوجودي وجد ضامي تكدر مشربه=والمساقي حال بعض الحسد من دونها
-------------
سلامي لسلمى عد برقٍ سرى يلما=وماشن وبل الصيف وانهل من جلمه
عشيرٍ صدفني البارحه صدفةٍ ضلما=لقيته ورحت وراح مقال لي كلمه
لاكن من نظرني زاهي الخد والملما=ذبحني غلاه وخش في الذاكره فلمه
ومنها سريت وسابر الشوق متلما=وبان الصباح وهاجس القلب مستلمه
يابو (...) يالشلي انهج وعطني الما=وضيف لقيته عندكم رد لي علمه
الا يالطيف الروح مابي على الولما=والا الفراق وحبكم سعد من سلمه
----------------------
ياعلي قرعان ماشفت رعيان الغنم=ربك تبشر بخلي على عينك يلوح
راقب الغرات وافرح الي الشايب قذم=وان تكدر مشربك فانكف وخلك سموح
العصر مافيه كون الحسايف والندم=ومن غبش باول نهاره فيبشر بالصبوح
هل لخاشيم اتعبوني وعنيت القدم=ياهني الي ماتولع مع البدوا النزوح
وموتري قد له ثلاثين يوم مانسم=يقطع الخلان وانا جا مع الشقه ينوح
غير والله يابن قرعان لين الله قسم=ياغزالٍ هج بالكون منا مايروح
ضربنا ضرب الركاده وممشانا قدم=وان قذرنا سابر القوم لذنا في السطوح
الهوى لي تل راعيه لقاه النقم=مخطرٍ يموت وان سلم ماسلم الجروح
تل قلبي تل دلوٍ على الجال التطم=مازه الجباد والبير جمتها شحوح
من موده ناعم العود مزيون الرقم=ابو ثمانٍ لا بجمي ولا فيها طفوح
ابو دليق فوق متنه الى قفا ردم=والكلام اغلا من احلى عسل نوب الجبوح
شاقني منطق كلامه وضحكه لبتسم=خص لما قال لي كلمةٍ فيها مزوح
من هواهم ساهر الليل واعد النجم=واجذب العبره ودمعي على خدي يفوح
جعل وبل الصيف ينشي على ذيك الردم=يسقي من العبر لقصى ام غارب والصفوح
من صدوق خياله وبله يدم القاع دم=يشعف الحضران والبدو تصبح له سروح
-----------------
يالله يامعبود ياعدالها من كل ميل=ياباسط الدنيا ورافع كونها
ياواحدٍ يلي عطا في مدته ماهو بخيل=ويامن عبادة رحمته يرجونها
البارحة بعد العصر شرفت في راس الطويل=ودموع عيني بيحت مكنونها
بديت في مبداه للغيبه وقدني دنو ليل=والشمس غابت والشفق من دونها
من شرقها سلوى ومن دون السلع سودى نثيل=ويازوع قلبي كلما يطرونها
عسى الله يقطع عيشةٍ ماجاتلي الا في الجبيل=دارٍ يروع القلب شوف حصونها
من بعد ذا قم يانديبي شد واسرع بالرحيل=شل الرساله والحذر تقرونها
وصله ربعٍ ساعات الضيقات ينجون الدخيل=ربعٍ عداهم يسهرون عيونها
اهل الكرم والطيب والنالات وهم اهل الجميل=ياويل قومٍ لا بتي يغزونها
والله لاني اشكي من الدنيا ولا اشكي قليل=ياكون نفس ماقضيت اشجونها
ماحسني الا صاحب عدوه مني بالصميل=اقفى ونفسي ماتشافا كونها
الى ذكرته قامت الدمعه على خدي تسيل=والي ذكرته دمعتي ياهونها
احبها غير البلا صارت علي ابعد من سهيل=ان كانها ليلى فانا مجنونها
ياشبه ضبي حايز وانحاز وانوى بالجفيل=الصيد ماقناصته يرمونها
شفي معى اخباش والعطفين واطراف السليل=مدهال بدوٍ بالدبش يرعونها
ديار خلي جعل يسقيها من الرايح مخيل=مخيلةٍ تنشي جثيل امزونها
ياصاحبي والله يالولا الريع وهروج الذليل=ياداركم ماينقصر لي دونها
ياونةٍ ماونها مثلي من الفرقا خليل=عزي لعين فارقت مضنونها
اختامها ذكر النبي المختار شافع كل جيل=في طاعة الله سنته يمشونها
----------------
قالها سعيد وهو في السودان عندما اشترى صديق له هجن من هناك وكانت ثلاث ركاب وبكرتين وبعد ان جمعها في حوالي اربعة عشر يوم صدر امر من الخرطوم بمنع تصدير البكار فحتاروا وفي نفس الوقت قابلوا شخص يدعى حميد وقال لهم بانه سوف يدبرها بطريقة او باخرى ,, فقال هذي القصيده يعبر بها عن الموقف
يالله اني طالبك يامعين الصابرين=تفتح لنا بابك ودبرةٍ نمشي بها
في هجنا اللي شرينا وفيها بكرتين=يالله اني طالبك ويش بنسوي بها
ياحميد القرم دور لنا حل بحين=بالسنع ولا بغدرى الدجا تسري بها
شف ترى لفلست منك ترانا مفلسين=حيث يومك عارفٍ والطرق تدري بها
ساعة الضيقات مدري وين رجال يبين=وانت يامشكاي لك فزعة نحري بها
حل موضوع الهجن واتكل والله المعين=يمكن الله يوفقك والرخص تاتي بها
بالفلوس ادرج لنا كم مسؤل لعين=واطلبه بالجاه لي شفته بيبطي بها
والله لا لي في سواكن ولاسنكات دين=يومني من لي اسبوعين وانا الوي بها
من سكن في بور سودان محاله بزين=عزتي للي انجبر يصبح ويمسي بها
من تصاريف الليالي ولوحٍ في الجبين=القلوب مشجنه والقدم نومي بها
ول ياوقت وزمان على حملة رزين=من صدوفه شابت العين قبل مشيبها
ليلة سالي من المهم واسبوعٍ حزين=وان ضحكت اول نهاري بكيت مغيبها
وان حريت بهجة الناس جريت الونين=ونةٍ صلقا صليب الضخور اتهيبها
ياخويي الطيب بانشدك ياذرب اليمين=السعودية متى عاد حن ننوي بها
بعد شوف افريقيا يابلادي تكرمين=ديرةٍ ماينعرف خبثها من طيبها
ديرةٍ فيها النبش والحبش مستوطنين=وتدعى بالطيب والله علم ويش طيبها
تل قلبي تل دلو هله مستعجلين=يوم هف بشعرته واختلف ترتيبها
لا ذكرت اديار خل وربع منزحين=لابتي اللي بالحظى ماتشح بطيبها
لابتي يام هل العز من ماضي السنين=عنزت المضيوم لاقصرت به نيبها
للتحم خلفة طراد ومن خلفة كمين=ومابقا في محزمه عدة يرمي بها
ولاتبور الجار ولاتساوس في الزبين=زماتواطن كلمةٍ في الزمان تعيبها
وسلمها وسلومها تذبح الكبش السمين=وان لفا ضيف الخلا تكثر بترحيبها
ياهني من ذب في العان ولا الابرقين=ديرتي اللي ودها بي وانا ودي بها
----------------------
يامرحبا ياحب من جا من الناس=وياحب من تبزيه سود الليالي
هي جادلٍ كن عينها عين قرناس=وخدها يشبه لنور الهلالي
ليلة وفا خمسة عشر عقب نسناس=عرض وانا ماني بخلافة بسالي
خالي من البرقع ويدراء للالباس=يشبه لعنز الريم في جو خالي
ومنها هجرني الشيب وامسيت منحاس=ماقول وينك يا اشقر الناس جالي
ان كان تبغى الغرب يازين لاباس=وان كان تبغى الشرق دن الرحالي
وان كنت مثلي تمتني رعي الانفاس=فعمرك جديد وعمري اليوم بالي
من اول ابدي طويلات لطعاس=واليوم قدني مثل رث الحبالي
وهناك الكثير
09-06-2008, 11:00 PM
العرض العادي
المواضيع المتشابهه
