تصميم شركة سبيس زوون للأستضافة و التصميم و حلول الويب و دعم المواقع

راكان اليامي · #1 28-03-2005, 11:28 AM

هذه القصيدة اللي كتبها غازي ابن راشد المطيري قال إن واحد من أخوياه من آل مخلص
عزمه على حفل هل نجران اللي في الرياض للأمير مشعل بن سعود أمير منطقة نجران وقال فيها:

سر يا قلم واكتب جزيل المعاني =اكتب بيوت الصدق من غير تعديـل
سوق المثايل سوق بنت العماني= قافن على وضح النقاء للمشاكيـل
قافن وأنا غازي حضرت ونصاني = شعر تلاعب مثل سوق الفناجيـل
وحضرت بيت الشعر للي دعاني= ولبيت أنا الدعوة بعد ما أسدف الليل
واقبل يرحب بي وبسمي نبانـي = حلـو نباهـم مثـل در المباهيـل
وقدم لنا الترحيب والكيف ثاني= والعود الأزرق بالوفا يطـرد الهيـل
ياطيبهم طيباه في كـل شانـي= الطيـب تـاج ويلبسونـه رياجيـل
الآد يام مكرمين العواني = ازحـول روس وذخـر قومـن حلاحيـل
أهل الكرم ومقلطين السماني = لو قلت ما أوفـي حقهـم بالتماثيـل
اللابة الي ماتجي في الطماني = منزالهم عالي كما الجـدي وسهيـل
الهم مع التاريخ مجد ومكانـي = ومدلليـن المجـد والطيـب تدليـل
أهل المعزة كاسبين الرهاني = يوم المعاطا من على الجيش والخيـل
خطلان الأيدي فوق بنت الحصاني = تعرف مواقفهم ليا قيل مـا قيـل
أهل الفعل لا جار شين الزماني = قومن على الجزلات ما ترخي الخيل
لطامة العائـل بعسـر ليانـي =ومذلليـن الضـد بالغضـب تذليـل
تفرحبهم ملحن كبار المثاني = الياقتفوها القـوم وراحـت جهاجيـل
وان ثور البارود والجبخاني = يثنون في الماقف على العـدل والميـل
لو ينطق التاريخ يسبق لساني= يذكـر مواقفهـم علـى كـل تأويـل
في واجب ابن سعود راعي العناني= شيخ على الطالات جيل بأثر جيل
نجل الملوك مطولين اليماني = الله يعـز أهـل السيـوف المصاقيـل
قادو سفينتنا لبر الأمانـي = حكامنـا اللـي بالعـدل توفـي الكيـل
أحكام شرع الله على كل جاني= حكم الشريعـة نهجهـم بالتفاصيـل
وصلاة ربي عد ما نجم باني= و إعداد مـا لاحـت بـروق الهماليـل
على رسول بالخفاء والبياني = كمل لنـا بالديـن والشـرع تكميـل
واختامها بالمسك والزعفراني= نكتب بيوت الشعر من غيـر تعديـل