((الاوله والثانيه))... للعرجاني

[شيخة الغلا]

ياقلب تكفى الله الله بغاليك
تراه عندي عن قبيله لحاله
معك خشر فيني وجاك وخشر فيك
إلين صرنا كلبونا حلاله
كوّش علي وياك ياهيك ياهيك
الاوله طيبه والاخرى حياله
والاوله تغني عن الثانيه ذيك
والثانيه لعيون خلي سهاله
يعني شنو لا استعرض شوي تكتيك؟!!
حب يعرف هو صدق واسع خياله!!
ولاّ الغلا ياقلب مافيه تشكيك
احكم عليينا السيطره لا محاله
تبغي الصحيح؟ انه معه (صك تميلك)
هو (إكتتب) حبي وانا راس ماله
والحين ياقلبي تراني موصّيك
في خلي تكفى لا تضيع الجماله
لو غاب عنّك يوم..يومين.. ياتيك
ياتيك واشواقه تسابق ظلاله
لا تقعد تعاتِبه وتقول وش فيك؟
وتذكّره في غيبته وانشغاله
قلّه هلا..مليون.. ارحب.. يالبيك
ياسيد كل الحسن وعمه وخاله
ولا قام يصوّت قل يالبى عراويك
خلّه يحس بقيمته وبجماله
ولا اخطى له بكلمه فلا كنه يعنيك
خلّه يشكّل مابدى من دلاله
وان قال انا مخطي ؟ فضمّه بياديك
وقلّه ابد ماخطيت كلّك عداله
ولا قال احبك قل انا ذايبٍ فيك
وقله وصل حبك لحد الثماله
ناهيك تكدّر خاطر الزين ناهيك
ترى ان زعل يبطي معقّد هلاله
ولامن زعل اكيد ماهو معشيك
والرجل ملزومٍ يعشي عواله
فان طعتني ياقلب ربي محييك
وكانك عصيت انشهد ان بك خباله

محمد بن فهد العرجاني,,,,,,,,,,

[فـــــزاع]

فان طعتني ياقلب ربي محييك ... وكانك عصيت انشهد ان بك خباله

يــا ســلام .. صح الســان شــاعرها / محمــد العـرجـاني ...

وصــح الســانش يـأ شيــخة الغــلا .. ولاهنـــتي عــلى نقــل القــصيــده ...

][ تقــبــلي مــّروري ][

[مسفر مبارك]

الله الله

وش ذا عز الله أن فيه قصيد يرد الروح تسلمين والله يا شيخة الغــلا

[فـارس]

شكرا للشيخة على نقل القصيده الرائعة

وفي انتظار جديدك

[شيخة الغلا]

المشاركة الأصلية كتبت بواسطة فـــــزاع

فان طعتني ياقلب ربي محييك ... وكانك عصيت انشهد ان بك خباله

يــا ســلام .. صح الســان شــاعرها / محمــد العـرجـاني ...

وصــح الســانش يـأ شيــخة الغــلا .. ولاهنـــتي عــلى نقــل القــصيــده ...

][ تقــبــلي مــّروري ][

مرحبا بك أخوي فزاع

صح بدنك ..و لاندمت يالغالي

شاكرة مرورك

[شيخة الغلا]

المشاركة الأصلية كتبت بواسطة مسفر مبارك

الله الله

وش ذا عز الله أن فيه قصيد يرد الروح تسلمين والله يا شيخة الغــلا

مشكووووووور مسفر :3rbe67:

الله لايخليني من وجودك المميز

دمت يالقرم

[شيخة الغلا]

المشاركة الأصلية كتبت بواسطة فـارس

شكرا للشيخة على نقل القصيده الرائعة

وفي انتظار جديدك

حياك الله أخوي فارس

شرفت بحضورك ..

دمت سالم

[مسعطر]

ولا قام يصوّت قل يا لبى عراويك=خلّه يحس بقيمته و بجماله
ولا اخطى له بكلمه فلا كنه يعنيك=خلّه يشكّل مابدى من دلاله
و إن قال أنا مخطي ؟ فضمّه بياديك=و قلّه أبد ماخطيت كلّك عداله
ولا قال أحبك قل أنا ذايب ٍ فيك=و قلّه وصل حبك لحد الثماله

الله الله الله عليك يا ابوفهد ..

فان طعتني يا قلب ربي محييك=و كانك عصيت أنشهد إن بك خباله

الله الله الله ..

ابوفهد شاعر مافيه حكي .. صح لسااااانه

و لسااااانش أختي شيخة الغلا مليوووووون ولا تكفي ..

تقبلي مروري ..

[شيخة الغلا]

المشاركة الأصلية كتبت بواسطة مسعطر

ولا قام يصوّت قل يا لبى عراويك=خلّه يحس بقيمته و بجماله
ولا اخطى له بكلمه فلا كنه يعنيك=خلّه يشكّل مابدى من دلاله
و إن قال أنا مخطي ؟ فضمّه بياديك=و قلّه أبد ماخطيت كلّك عداله
ولا قال أحبك قل أنا ذايب ٍ فيك=و قلّه وصل حبك لحد الثماله

الله الله الله عليك يا ابوفهد ..

فان طعتني يا قلب ربي محييك=و كانك عصيت أنشهد إن بك خباله

الله الله الله ..

ابوفهد شاعر مافيه حكي .. صح لسااااانه

و لسااااانش أختي شيخة الغلا مليوووووون ولا تكفي ..

تقبلي مروري ..

يامرحباااااا
صح بدنك يالغالي

فعلا... ابو فهد شاعر مافيه حكي

شاكره مرورك يالأمير <<< لقب جديد لك .." أمير المجالس الأدبيه"

دمت يالقرم