~¤ô§ô¤~ ( تـرانـيـــــــــم الـغــــــــــلا ) ~¤ô§ô¤~

[شيخة الغلا]

أضما غرام و لا لقيتك .. رويتك = سبحان ربٍ في ضلوعي .. معليك
ياما و ياما .. من حناني عطيتك = أزعل عليك شوي .. و أرجع و أراضيك
و أطاولك مابين ..(علك) و(ليتك) = و اليا مرضت أقول فيني .. و لا فيك
من كثر ما أحبك .. أحب اهل بيتك = حتى الحديقه .. و الغرف .. و الشبابيك

[شيخة الغلا]

دار الفلك وافتر دالوب الافكار = واسترجع التفكير شيٍ نسيته
شيٍ مضى واصبح مع الوقت تذكار = مرات يقراني ومرة قريته
واسبح مع الهاجوس في غب الابحار = يقواني الهاجوس ولا قويته
والبارحه وجنون الافكار زوار = وليل الهوى والعشق تو ابتديته
الصاحب اللي غاب ما رد الاخبار = لا هو تحراني ولانا احتريته
ليته بدا بالعذر واقبل له اعذار = واستسمحه لو الخطا ما خطيته
هو ما درى انه حط وسط الحشا نار = واحرق معاليق الضماير فديته
عليه اغار من الهواء الطاير اغار = ولو يطلب عيوني تراني عطيته
اشتاق له شوق الفيافي للامطار = وأتذكره واتخيل اني لقيته
الصاحب اللي غاب ما رد الاخبار = لا هو تحراني ولانا احتريته

[شيخة الغلا]

هـل رمضـان وقلـت لازم أباديـه = وأعرف هواه اليـوم مـن ويـن وداه
جيته وأنا نـاوي أسولـف وأراضيـه = وأكسر جدار الصمت وأكشف زوايـاه
وأدخل خفوقه بيت وأجلـس وأراكيـه = وأشرب قهاوي من مشاريه مضمـاه
كيف الجفى يسقـي قلـوب المواليـه = وش لون وصل الشوق يرخص وننساه
تعبـت أدور فـي بحـوره موانـيـه = ضاعت بي أمواجه وأنا أشوف مرساه

[شيخة الغلا]

[][ .. خــجــل .. ][]

نحن هنا



وما زلنا نتابع

[عليل المحبه]

شيخه


مبارك عليك الشهر

وكل عام وانتي بخير

ودمتي مبدعة متميزه


تقبلي مروري . .

[راشد العتل]

مباَرك عليج الشهـر

كل عاَم وانتي بخير .. !
\

^_^
تح ـياَتو !

[شيخة الغلا]

خجل حياك يالغاليه .. ومنوره عليل يامرحبابك .. وينعاد عليك بخير ان شاء الله الكنق وإنت بخير منور

[شيخة الغلا]

ليه اتحدى؟ و أتمادى! واتفلسف ! واحتزم = لا والله إلا أعترف إني على كيفك : و "أبيك"
أبيك ياللي ترفع أقدار الذي ، منك انهزم = لانك "ملك" ، واللي ينازله الملك ، مثله مليك
علمني وشلون التزم لو كنت ما أعرف التزم = خليني أوسوس ، و أكنسل موعدك، و أنسى وأجيك
علمني إن قلت :" لا "، ما أقصد نفي ، ولا جزم = وشلون أسبقها بحرف "الهاء "و أمسي عليك
يا أقرب من الاحباب، والأقراب ، و إخواني لزم = ياللي تضحكني اذا طرّيت لي كلمة : شريك
شلون أشرّك معك احد ياللي سلبت آخر عزم = و بكل حي بداخلي أنبض الين أموت فيك
ما جيت قصدي أعزمك! ، إنت تعزم ، ماتنعزم = وش فايدة "قلبي" إذا ما هوب لعبه في يديك!
بابقى على وضعي كذا ، لا فايز! ، ولا منهزم! = تحسب ،" أممشّيها علي" ! و أحسب "أممشيها عليك

[شيخة الغلا]

لعنبوك ان كنت قاصد هالغياب وهالتغلّي = لجل تشعّل في خفوقي نار شوق و نار غيره .. !
والله ان الشوق فيني طاغيٍ حتى بمحلّي = وكل عرقٍ من عروقي ينتظر عطرك يثيره .. !
هذا طيفك لو يجيني قمت أرحب به واهلّي = واسكنه في وسط عيني وآتنفس من عبيره