صوره ودفتر وجرح قديم...

[فهيد الكفيف]

...
يا صاحبي اليوم وين ودك توديني لايام الفرح والا بنرجع للدرب الطويل ولكثره الاحزان ودمعه ما هقيت أنها تنتهي وما هقيت أنها من عيوني ترتوي..
وش رايك اليوم يا صاحبي أنا اللي أعزمك على ذوقي وانت تحكم....

بوديك للماضي للغالي اللي نساني أو تناساني...

وأنت عارفه من كثر ما سولفت لك عنه مع اني ما عرفتك الا قريب...وأكيد بعرفك على خوياي اللي بقوا بعد ما هجرني..
.
.
.
.
.
.
.
.
.
.

أدري أتعبتك يا خويي اليوم وادري الطريق طويل بس أكيد أن المشوار يستاهل ..
.
.

أبشرك وصلنا ..

لبى والله المكان وأهله أدري الزمان قدر يبعدنا عنكم فتره بس والشاهد الله مانسيناكم ولا عن العين غبتوا...

مرحبا بصوره الغالي يانور ذا المكان ونور ذا الدنيا ونور ذا العين اللي تشوفك ليت يا صوره يعرف صاحبك وش له من الغلا وانه مازال في وسط الحشا وان العين غيره ما ترى...ليت وليت ولكن ما هقيت ذيك الايام ترجع بس أنتي ياصوره تكفين وتوفين وأنشالله ما تفكرين تخونين وتعذرين بالزمان انه غير الوانك ...
قل شي ياصاحبي مهب هذه الصوره اللي كنت أتمنى أتشوفها وتقولي من كثر ما تسولف عنها صار ودي أشوفها ...

ما عليه أعذرك أنا كنت قبلك كذا لكن تعودت..

فمان الله ياصوره الغاليين ورانا مشوار ودي أعرف صاحبي على خوياي و بنسلم على الحبايب بعد..

يا هلا بدفتر الغاليين اللي ما خلى لون من الشعر ولا حرف من حروف العشق والغلا الا وانكتب فيه لاجل عيني أو كذا كنت أحسب ...علومك وش سوت الايام فيك لا تقول مثل عذر الصوره ترى انت لك منزله خاصه وانت تذكرني بمواقف كثيره حلوه ليتها ترجع ولو ساعه...واطلب منك العذر والسموحه لصاحبي اليوم باين عليه ضايق وانا قلت انه بيفرح لا شاف خلانه واحبابه لكن عسى الله يعينه ويعيني ...واسمحلي يا دفتر دامني بسافر قريب أنا وصاحبي أني اخذك معنا تسليني ويمكن يجي يوم في الغربه تواسيني أنت وصاحبي..والوعد الاربعاء الجاي ...نخليك في امان الله ..

مابقى لنا الا حبيب واحد وانا ياصاحبي اعزه كثير مع أنه كان سبب في آلامي وآحزاني لفتره طويله ...

مرحبتين والف مسهلا بك يا جرح وذكرى خلاّني ..وينك أمس ما واعدتك عند البحر وجلست انتظرك ولا جيت ..ترى مره ثانيه أن كررتها بزعل عليك انت تدري اني صرت ما أقدر على فراقك وتدري أن الليل ما يحلى لي الا بالسهر معك ....أوووووووووه نسيت أعرفك بصاحبي الجديد ..خذاني العتب والشوق الهاني ....

وش رايك بذا الزيارات وش رايك بحبايبي وخلاّني ...

________________________________________



صاحبي: هو (قلم وقتها توني شاريه)

الطريق: دفتر كنت ولا زلت أكتب فيه

أعذروني لاني حذفت بعض الكلمات التي قد تاثر في انسيابيه الموضوع ولكن أعتبرها بعض الشئ خاصه بي وأتمنى ان يحوز الموضوع على رضاكم..



أتمنى لكم التوفيق...

[ابومحمد الشامري]

ابداع في الصورة والكلمه

ما شاء الله عليك يا ابو محمد عيني عليك بارده

[فـــــزاع]

مــا شاء الله ..

إبــداع يالكفيف بمعــنــىى الكــلمه ... وتسـلسل الأفكــار ... ما شاء الله

][ تقــبل مــروري ][

[أميرة الإحساس]

مسائك \ صباحك
يعانق الورد ..


لازلت ذلك الفارس القادم إلى جمال الإحساس

دوماً راقي في حرفك وسموه وعشقك وعلوه

كل ما بك شامخ .. يرفض أن يكون حرف خاضعا

أخي فهيد ...

انتعشنا بسردك الجميل وحبك الصادق

خاطره

اختلط نثرها بشعرها فازدادت روعه وتميز


سجل إعجابي بما دونت

وعذرا إذا كان هناك تقصير تجاه رائعتك


تقبل مني طيب التحية

[&آهــــات الحــــزن&]

يعطيك العافيه اخوي فهيد محمد الكفيف

بصراااااااحه موضوع اكثر من رائع قمة في الروعه

وكلمااااات تلاااامس الوجدااااااان واحسااس راقي


من شخص راقي مثلك اخوي فهيد الكفيف

لاهنت على الموضوع المميز

[الفرس]

الاخ فهيد ..


اني ارى رؤوسأً قد قطفت بعد ما اينعت من خطوطك الجد غريبه ..


بصراحه ابهرتنا ..

[فهيد الكفيف]

أشكركم على هذا التواجد الذي ابهرني وزاد أعجابي بما أكتب لان هناك من يمتدح هذه الكتابات رغم قصورها

فأعيدها جزيل الشكر لكم

أتمنى لكم التوفيق...

[الملكة]

أرغمت شجون الذكريات.. قلمك الجديد .. ليخط لنا هذه الرائعة..

فهيد.. استمتعنا بابداعك هنا.. وبقولة الفرس..( ابهرتنا )..

اطيب تحية لشخصك الراقي.. وبالتوفيق..

[مطلق اليامي]

فهيد تحياتي وتسلم يمينك أنا
متابع كل موضوع
تكتبه تحياتي

[فهيد الكفيف]

أشكركم على الكلمات التي ملأت بعبقها متصفحي



أتمنى لكم التوفيق...