(( سجـل حـضورك ببيت قصـيدة أو حـكمة ))

[الفرس]

فتحت لي صفحة (رساله جديـده)=وقمت اتصفح بالاسامي والارقام
وكتبت (جعل ايام عمرك سعيـده)=وعسى الولي يقبل لك صيام وقيام
ارسلت لك قبل الاوادم.. قصيـده=عساني ابارك لك اعوام..واعوام
ان ماذكرت الغالي بيـوم عيـده=ماهمّني لو ماارسل لكل الارقـام

[مهرة النسيان]

وعيدكم مبارك

..
..

أشوفـك بأرض ٍ وانـا مثـلك بأرض= وبينـي وبينك حالت ديــار وديــار
الله يقبــل منـي ومنّـك الفــرض= ويحْـفـظك مـن كل الرزايا والاخطار
ودوك التهاني جات بالطـول والعرض=ومبـروك عيد الفطـر يالوافي البـار

[عـسـاه خـيـر]

طاف رمضان وقـرّبت ساعة الصفر = واقـول عــيــد الله عـلـيـكم مـبــارك

[محمد الغيثاني]

مساكم ورد وعيدك مبارك ان شاء اللـــــــــــــــه

يامبــــــادلني النظر وانت النظر=لاتخاف البعد ياكل الشعور
دام حبك في حنــــــــاياي استقر=لاتظن انه يجي مني قصور
من بنى لي في وسط قلبه قصر=عاهده قلبي يشيد له قصور

[مهرة النسيان]

صباح الخير

..
..

ماهوب ضروري تراسلني / تعايدني != لاصرت دايم على بالك .. هذا عيدي !!

[عـسـاه خـيـر]

لي وليف كل هرجه بالخلاف = العجب لله دره من وليف
لاكشف لي عن ثناياه الرهاف = من رفيف البرق تلقا له رفيف

[الشيخه]

معاد يرضينى وفاء ولايزعلني جفاء = متساوين فى خاطرى ظلم العرب وانصافها
لا تاقف الدنيا على شمع الغرام اللى طفاء = وبعض الشموع انا تعمد كسرها واتلافها
من اولن لا خفيت لى علمن على الناس اختفاء = واليوم هذي حالتى مابها حد(ن) ما شافها

[الفرس]

ما كتب بالالواح .. ما هو بممسوح= اليوم هو توضيح .. عطب الجرايح
من عاش بالافراح .. لابد من النوح=ساس بلا تسليح .. خطر اللوايح
والعقل هو مفتاح .. بيبان مصلوح = وينّزِّحك تنزيح .. عن كل سايح

[الرسام]

تعآل يا وجه السعد واشطب على وجه البغيض=ياحيك وطلتك في وجهي بعد... يآحيها
تنعشني انعآش الشفاء العاجل لقلب المريض=ياأيها .. تدري يالبيك... انت وش يآ أيها؟
مانته بزي الناس واكتبها لك بخط عريض=تبغيني احلف؟ لاورب البيت مانت بزيها

[الفرس]

	واهني اللـي شعـوره مايتلّـه=ماحداه اللي على الطاري حداني وين ابدله والمحاني مستحلّـه=والجروح اكبار والله المستعاني