ظاهرة غريبة على شاعر المليون!

[عبدالله آل عامر]

السلام عليكم ورحمة الله وبركاته

أسعد الله أوقاتكم بكل خير :3rbe26:

أكيد الكل شاهد كما شاهدت الليلة بعض الأمور الغريبة التي حدثت في الحلقة الخامسة من شاعر المليون

لا اللي يقحّص ويخمّس عند عدم تأهله ::

ولاّ اللي يلقي قصيدته واقف ومخلي الكرسي المريح جداًّ :3rbe13:

ولاّ اللي حذف الغترة مع العقال

ولاّ عضو اللجنة الموقرة اللي بقلة لباقة يأمر بعدم التصفيق والتفاعل مع الشاعر "اسكتو أزعجنا الجمهور"

ولاّ عضو لجنة التحكيم اللي بقلة لباقة أيضاً يمنع الشاعر من توضيح مقصده لبعض القصيدة "لا تتكلم حتى أسألك" :3rbe66:


وغيرها الكثير...

وش رايكم بهذه التصرفات وما الهدف منها؟؟

هل هي بداية انتهاء شاعر المليون؟؟

تصرفات الشعراء... هل يريدون لفت الأنظار لكسب الأصوات أم ماذا؟؟

آرائكم الله لايهينكم .....

:3rbe61:بالجميع

[بـن مخيـال]

اكثر ماشدني هو ردت فعل الدكتور غسان لما منع الموريتاني من التعقيب على قصيدته بأسلوب وقح بصراحة خلا كل الجمهور يضحك على الشاعر !

[راشد العتل]

هههههههههههههههههههههههههه


الحلوه العتيبي يوم يخمس بعد اعلان النتيجه والله حلقه امس قايل انهااا فاااااااصله


حذف شمغ واستعراض وكسرااات بالكلام ههههههههههه

[ابومحمد الشامري]

غير ذا اللي يقحص شغله عدل ويستاهل البيرق هههههههههههه

لا هنت يا عبد الله يقولون البدو ما كثر من شيء سمج
توقعنا شاعر المليون ذا السنه بيختلف عنه في السنه الماضية حتى المشاهدين ملو البرنامج لا تغيير لا في التحكيم والا في دائه والشعراء مستواهم ضعيف.

[عبدالله آل عامر]

الله لايهينكم جميع وبيض الله وجيهكم على تشريفكم

ابوحمد البرنامج صراحة فشل وبدل ما يتجاوزون سلبيات العام الماضي زادوا الطين بلة ولكن تبقى فكرة البرنامج ناجحة

تحياتي للجميع؛؛؛؛؛؛؛؛؛؛؛؛؛؛؛؛؛؛؛

[الحبيشي]

مصخــره لاتنسون المذيعه يوم قالت للموريتاني اخيرا واحد اقصر مني

يوم قال الموريتاني وش تقول ذي هههههههههههه

احرجته !!!!!

وبدر صفوق مووجهه واحد يطلع بالتلفزيون وببرنامج مثل شاعر المليون

والظفيــري مدوج بوعلكه

أعتقد بأن لجنه التحكيم مافيها واحد مضبوط غير حمد السعيد لويطلع منه بيكون ماصخ البرنامج

لان لجنه التحكيم بدو ياخذون الجمهور والشعراء مواقف منهم

قبل اي شي مفروض يتذكرون الي قدام من الشعراء مو اي شخص يرضى على نفسه

تعلق علق على قصيده الشاعر باحترام بدون لاتفشله وتحرجه قدام الجمهور او تسكته قاعدين بروضه !!

اقول بان شاعر المليون قل حلاه شوي بس ليلحين له متابعينه وكثييير

وبالحلقات القادمه والنهائيه اعتقد بتقوى المنافسه وبيكون احلى

أخيـكم فهـد . . .

[مطلق اليامي]

الله يعطيك العافيه


ياذيبان



شاعر المليون ماااااااااااااااش



والشعراء مدري فيهم شي



أما اللي يستعرض



ودك أنهم فاااااضووووووو


المصافط



عشان يستعرض علي كيفه


تقبل تحياتي

[عـسـاه خـيـر]

التكرار يولد الفشل

وبالنسبه لبرنامج شاعر المليون انتهاء مثل ماتفضلت

[بطاح]

اول شئ لا هنت يا عبدالله على طرح الموضوع



اما الشئ الثاني صدقت والله فية بعض الاشياء الغريبة اللي طلعت من بداية شاعر المليون الثاني



وما قهرني الا بدر صفوق يومة يقول ازعجونا !!



وبعد ذا اللي يقحص والله ان فضائح ؟؟



لكن لشاعر المليون جمهور ولة شعبيتة وبأعتقادي انة افضل برنامج يخدم الشعراء

[عبدالله آل عامر]

أشكركم جزيل الشكر على المرور والإدلاء بآراءكم