الجرح ارحم لعبدالله الظفيري

[فـارس]

السلام عليكم ورحمة الله وبركاته

قصيده اعجبتني للشاعر عبدالله الظفيري .. واتمنى ان تحوز على اعجابكم

اللي بقى لـي مـع الأيـام .. وفّيتـه
والضيق لـو ينهمـر تشربْـه وديانـي
ماهي كبيـره علـي والحـزن غنيتـه
وْلاهـي غريبـه إذا وقتـي تحـدانـي
الخوف -يا من نبشت القلب وادميته
-لاعشت زهرة شبابك وانت وحدانـي!!
كم جرح خذْته من الأحباب.. ضمّيتـه
وجروح قلبـي زكـاة لْحُـبّّ خِلاّنـي
مطعون؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاوانـي
صدمه؟ بسيطه ،، هَوان الحال؟ مرّيتـه
مقرود؟ أدري ،، وإذا حرمان؟ عدّانـي
ما فاح هـمّ ٍ لـك الله مـا تقهويتـه
ما مـرّ حـزن ٍ بغيـري مـا تبلاّنـي!
ياما ويامـا مـن الخـذلان .. عديتـه
إلا بصاحبْ .. بعد عِشـره تناسانـي!!
أزريت لأنسـى غيابـه ليـن ناديتـه
والمـوت لامـن تجاهلنـي وجافـانـي
وينه يجينـي .. وكـل عْتـاب كنّيتـه
ياليت يدري بعد فرقـاه وش جانـي!!
من كنت طفل ٍ وانا أرجـاه فـي بيتـه
شيّبت.. واثره على هالحـال خلانـي!
حتى جنـاح العَتَـب لرضـاه ذليتـه
ماطِرْت بعده فـرح مـن ذلّ جنحانـي
يا قلب صبرك .. ترى كل شيّ سويتـه
ما كان أفضل من اللي كـان بإمكانـي
لو بيّ قـوه علـى الهجـران؟ خليتـه
لو بـيّ ذره مـن النكـران؟ يفدااانـي
الجرح أرحم .. إذا يرجع مـن أغليتـه
مجروح؟ فِدوه .. ولكن صعب وحداني!

وسلامتكم

[][ .. خــجــل .. ][]

الخوف -يا من نبشت القلب وادميته
-لاعشت زهرة شبابك وانت وحدانـي!!
*
ما فاح هـمّ ٍ لـك الله مـا تقهويتـه
ما مـرّ حـزن ٍ بغيـري مـا تبلاّنـي!
*
وينه يجينـي .. وكـل عْتـاب كنّيتـه
ياليت يدري بعد فرقـاه وش جانـي!!
*




مبدع مبدع مبدع
صح لسانه على هالقصيده الحساسه // وتسلم يا فارس على النقل
ابدعت



تقبل مروري

[ما عدت أنا]

فيها من الهدوء ما يشبه الظفيري عبد الله ،،

وفيها من تنكآآت الألم ما يجعلك تعيش جو الشاعر ،،

وكأن القارئ هو من كتبها لــ جمالها ،، وقوة معانيها ،،

شكرا وعلها لا تفي بــ الغرض لك أيها الفارس ،،

ومثلك من يقبلها بأذن الله

[الغروب]

فـارس

اختيار مميز لقصيدة فاخرة

اشكر امتاعنا بهذه الجزله

وصح لسان شاعرها / عبدالله الظفيري .

[شمآليه]

الجرح أرحم .. إذا يرجع مـن أغليتـه
مجروح؟ فِدوه .. ولكن صعب وحداني!


...قصيده جزله وصح لســآن شــاعرها..

..ولاهنــت ع النــقل الرآئــع للقصيــده...

[فهد ال مفرح الضاعني]

لا هنت اخي الكريم فارس على النقل ومشكور يالذيب

[albowardi]

صـــــــح لســــــــــــانك

قصيدة جميلة

دمت بود

البواردي

[ثامر تركي]

شكراااااااااا على النقل المميز
عبدالله العليجاني الظفيري ...
من ابدع الشعار الشباب
وكم تمنيت ان يحالفه
الحظ بشاعر المليون
ليمتع الجموهور ويمتع اللجنه
شكرا لك لنقل قصيدة الشعطاني

[shmoo5_ al_ajmy]

فارس

نقل مميز جدا شاكره لك ماقدمت

وصح السانك ولسان شاعرها

خالص تحياتي

[حـــوران]

ياســلام

حلوه من اول حرف إلى آخر حرف

فـارس

ندق لك تحيه على ذالأختيـار , صح لسان الظفيري وصح ذوقك يارائع