هذه في الشهيد-منصور بن ذروه الهاجري ---الله يرحمه----من دولة الكويت
بسم الله الرحمن الرحيم
تبكيه قـومٍ فـي الملاقـا رجاجيـل
قومٍ لها فـي المجـد رايـه قويـه
هواجرٍ من سـاس قـومٍ حلاحيـل
من ساس قحطان الكـرم والحميـه
منصور مات ورايته عدت اسهيـل
شهيـد حـرب الكفـر والعنجهيـه
قاد المعار ضدهـم راعـي الخيـل
شاف القهر من ظلـم بـوش البليـه
ساق المعارك ماالتفت----------
اهـل السياسـه والعلـوم الـرديـه
ماخاف من جيش الكفـر والمخابيـل
قاد الجهـاد وصـار قايـد سريـه
يشـن غاراتـه علـى اخـر الليـل
من فـوق خيـلٍ دهـم والا مطيـه
شارب تخاطيطه ولا هاب م الويـل
يرسـم عناويـن الهـدف والهويـه
دافع عـن الاسـلام ماهمـه القيـل
ياليتـي يـوم ان هاجـم خـويـه
منصور مات ولا بقا لـه محاليـل
ارخص حياته كنـه يعطـي هديـه
منصور تكفى وين بلقـى حلاحيـل
مثلك مثـل شـرواك زبـن المنيـه
الله واكبـر مـن حيـاة الغرابـيـل
والله واكبـر مـن حيـاتٍ رديــه
ياقبر تكفى شفـت همـي تهاويـل
من عقب ذيـب الليـل والمقدريـه
باشعل لك ابياتي شمـوع وقناديـل
وارثيـك دام الشعـر يزهـم عليـه
يبكيـك عـودٍ محتـزم للرجاجيـل
قلبـه عقـب فرقـاك كيـه بكيـه
وتبكيك امك كـل ماطـرف الليـل
وتصيح عقبك كـل وقـت وعشيـه
واخيك دمعه وسط عينـه محاليـل
يجـر وناتـه بـكـل اضحـويـه
وتبكيك وضحى وين بابـا التهاويـل
اللي ينومـس بيـن ربـع وخويـه
ويبكيك عمـك والخـوال الفطاحيـل
وكل الهواجر واللـذي بـه حميـه
ويبكيك شاعر صار دمعـه هماليـل
يكتب وهو في وضع حالـه رديـه
منصور لامن قلت منصور والخيـل
ياعزوت اللي لعتـزى وقـت هيـه
والله لـدون لـك بيـوتٍ مهاويـل
ماجابهـا شاعـر بيـوتٍ قـويـه
واقرى من القـران ايـات ترتيـل
بنيتـك مـن قلـب صافـي ونيـه
وياجعل مثـواك الجنـان المعاسيـل
فـي وقتنـا مثلـك تراهـم اشويـه
يرثيك يامـي لابتـه تذبـح الحيـل
اهـل العـزاوي والعلـوم الطريـه
منصور مات ولا بقا لـه محاليـل
ومن مات مثلـه قلـت لا واهنيـه
وسـلامـتــكــم
الـــــــراوي (( سالم اليامي)))
28-09-2005, 09:50 PM
العرض العادي
المواضيع المتشابهه
