لزم تتدش وتشوفه بالامانه لزم تتدش ........

[جلمود صخر]

ليه السما عوق الشقاوي وطبه؟=وليه الهبوب تصحي القلب لابات؟
وليه القمر يدعي جريح المحبه؟=ويقوله ياهيه مافات...مامات
جرحك ظهر لو قلت للوجه خبه=وللحزن فى ضحكك رسوم وعلامات
وليه المطر يالذات ريحه ...وصبه=كنه رسول بين الاحباب بالذات
اشتاق فيه لشوفتك ....وانتبه=للى نسيته من مواقف ونظرات
لااستانس الخافق ذكر من يحبه=ورجع يراجع فالوناسات مافات
يامرتع القلب الحزين ومربه=يزيين بك مثل الذهب صدر الابيات
هيهات ينسى القلب شخص لعبه=وهيات يدله خاطري منك هيهات
سبك مديح ومدح غيرك مسبه=تقول واذني صوتها تقول لك هات
ونبع الغلا عندي وعندك مصبه=ومن الولا..فى خافقى لك .. ولاايات
طيفك حطب عيني .. وعيني مشبه=والشوق برد مانقطع لو للحظات
ومكانك الصدر ولك القلب شبه=بين الضلوع اللى فردها التنهات
ولك بيرق فى القلب حبك يهبه=شامخ ولاهزه..من العذل غارات
محبتك فالوقت ذا ماتشبه=الابخيمه بدو بين العمارات
ان شفتني ضايق واهوجس واسبه=اخاف غدر الوقت...والوقت دورات
لاتحسب ان دمعي نزل دون سبه=ابكى من الفرقا وهى ما بعد جات
اليوم كل امورنا ...مستبه=وبكره ماندري وش معه من مسرات
ارب قلبك مثل قلبى اربه=ما يخلفه شور العرب ... والمسافات

والله ابداع يا جماعه من انسان يتساهل
(الشاعر محمد حمد ابن فطيس )