ليت السفر....

[محمد الحـــبل]

ليت (السفر) بين المحبين ممنـوع
.... تحجز(جوازت) المحبين بالذات..!!

بتعيش لو أن (السفر) حق مشروع
.... المشكلة.. لأهل الهوى حزن وآهات

لاغاب (خلّك) والرجاء فيه مقطوع
.... لابه (رسايل) تاصلك واتصالات

الخط مغلق...كنّه (الكرت) منزوع
.... من ضيقتك تلعن جميـع اشتراكـات

تضرب على الكفّين والقلب مفجوع
.... تضيق بك عقبه جميـع المساحـات

في ليل دامس ضايعٍ مابه شمـوع
.... (الفكر) تايه فـي دروب المتاهـات

(العين) تذرف بالدقايق له دمـوع
.... و(القلب) عايش بين حسره وونـات

لوّك تجر الصوت ماهوب مسموع
.... ياطول مـا بينـك وبينـه مسافـات

يمكن ظروفه مامشت له على طوع
.... ويمكن سلا فكره بروحـه وجيّـات

الهم مدهالك من أسبـوع لسبـوع
.... لاحل ذكرى ( .... ) هلّيت عبرات

بس الأكيد أن (الغلا) فيك مزروع
.... (الحب) يبقى بالضمايـر ولا مـات

الصدق قلته والزعل دوم مرفـوع
.... وقت(السفر) تبدي كثيـر المعانـات

الشاعر/خالد بن سكرآن

[" مــــابه جديــــد "]

ليت (السفر) بين المحبين ممنـوع
.... تحجز(جوازت) المحبين بالذات..!!
لا انشالله خله يسافر ناخذ لنا فجه


لااهنت على ذالابداع
وصح لسان راعيها
تقبل مروري

[النـوف]

صح السان شاعرها

و صحيت عالنقل الموفق


لا ـهــنت على القصيدة الحلوهـ

[العـــسر]

صح لسان راعيها


ولاهنت يالحبل



تقبل مروري

[shmoo5_ al_ajmy]

صح لسان راعيها

وتسلام يناقلها

بسراحه قمه الروعه

تحياتي

[راعية اطيب قلب]

بس الأكيد أن (الغلا) فيك مزروع
.... (الحب) يبقى بالضمايـر ولا مـات

( يابري حـالـي)

اختيار موفقك

سلمت يمينك على مانقلت

وصح لسان شاعرها

وربي يسعدك

[عبوره دوت كوم]

يسلمووووو قصيده اكثر من رائعه

[محمد الحـــبل]

تسلمووووووووو
على المرووووور
ويعطيكم الف عافية
,,ثاااااااااااااااانكس

[الغروب]

محمد الحبل

اختيار طيب وصح لسان شاعرها

دمت بخير .

[محمد الحـــبل]

تسلمووووووووو
على المرووووور
ويعطيكم الف عافية
,,ثاااااااااااااااانكس