بمناسبة خروج شاعر يام من المستشفي معافا الشاعر: عامر الحجرف

[عامر الحجرف]

مساجله بيني وبين شاعر يام ارجو ان تلقى صداها بينكم ( واهداء خاص لمنتدى مجالس العجمان ومن فيه ).

لاباس يا مغادر جــــناح العــنايه=ماجور أجر اوعافيه يابوسلطان
ســـــلامتك يادرعــنا والحــمـايه=يامكرم الضـيفان حيلن اوقعـدان
كـم واحــــدن لامـــن بدا له بدايه=نهايته يرجــح بها كل مــــــيزان
يقــراء اوكـنه مايعـــرف القرايه=كنه اطرش الزفه ويباريه عميان
عميان والعميان تبغـي ارعــايه=تنقاد نوب وبالعصى كثر الاحيان ‏
وقولـــن بليـىّ فعـل مـاله بقـــايه= اوله هـزه وآخــره فــــوح بركان
راعــيه يشـــقى مالحـق لك نهايه=ياقل ما ياصل مواصيلك انســـان
‏ دكـــــتوروتعلـم فـــنون الرمــايه=يشـــهد لك التاريخ في كل ميدان ‏
غيرك خذا كسـب المراجل دعايه=إلا انت يامنبع ســـلايل اكحـيلان
لك رايتن بيضــاء علـى كــل رايه= تبقى لشاعر يام مجدن اوعنوان
مشكور ياعامــــــر صدوق الروايه=وافي صديق وصادقن عقل والسان
رفــيق قول وفعل ماهــــي حكــــايه =من لابتن يوفون من عصــــر جدان
يامــاهدومــــن لايعــــرف الهــدايه= اخــوان بدحـه عند روغات الاذهان
قبل الدول وامحــوشــــين الجــبايه= لها العرب تشهد اوتركن اورومــان
واللـــي تغـــره صـــورته فالمـرايه=لاجــو ودوه ايعوذ من كل شــــيطان
هــذا اومـــن يدرك للابـداع غــــايه= والموهبات انواع و اشـــكال والوان
بعض القصــــايد بيت واحــد اكفايه=وبعض القصـــايد مابهــا بيت مـليان
لاسجلت جــنحــه ولاهــي اجـــنايه=عنها برين صـــاحب العـرف وامدان
وايقال خـــير امـــن العـلاج الوقايه=وخــير اصــدقاي اللي يهني ولاهـان
مــادرســـوه امروجـــين الوشـــايه=اللــي وفاهـــم مـــثل كذبت حــزيران
والدين فــيه آيه تكـــون اطـــول آيه=وراعي الوفى ماصد عن وجـه ديان
وانا وابوهـــادي صــدوق الــروايه= اعـــوال عـم إليا بدى الشــان خلان