والله ماتوب وصافي الخد ماتاب الامير السديري

[مطنوخ خلقه]

السلام عليكم ورحمة الله وبركاتة

سمعت هالقصيدة للامير محمد بن احمد السديري وحبيت انقلها للمنتدى
وان شاء الله تعجبكم القصيدة .. واترك لكم التعليق على القصيده


قالو تتوب وقلت بالطـرف مصيـوب
والله ماتـوب وصافـي الخـد ماتـاب

قالـوا تحملـت المواثـيـم وذنــوب
قلت الذنـوب لهـا موازيـن وحسـاب

قالـوا تـرى مايفعـل العبـد مكتـوب
قلت افهم الـي تذكرونـه يالاصحـاب

قالوا جهلـت وعقلـك اليـوم منهـوب
وكشفت سرك بين ربعـك والاجنـاب

قلت الهوى لقلوب الاحبـاب مرغـوب
ايات حـبٍ صـورت وسـط الالبـاب

قالوا بعقلـك ضايـع الفكـر منكـوب
قلـت المـوده ماتداويهـا الاطـبـاب

عقلي معي ماني مـن العقـل مسلـوب
انا الغريـق وكـل شـيٍ لـه اسبـاب

كان انكم تـدرون بالـي شفـى ايـوب
وجدٍ سطـى بالقلـب والحـب غـلاب

انا غريقٍ مـع هـل الحـب منسـوب
في زمرة العشـاق بالحـب منصـاب

ماطـاب لـي زادٍ ولا اريـد مشـروب
الي صفا لي صاحبي عسـل الانيـاب

يغضى بعينـه وافهـم العلـم مقلـوب
واسـري عليـه بليلـةٍ نورهـا غـاب

ويرخص لي الغالي الى حـل ماجـوب
وعن القرايب حط لـي ستـر وحجـاب

وابعدعن الشكه ولا انـوش لـه ثـوب
الا الحديـث وقرعـة النـاب بالنـاب

اخاف يصبح زين الاوصاف معيـوب
وهو عليه مـن الشـرف كـل جلبـاب

وعرضه نضيف ابيض ولا فيه عذروب
بولا حكـوا فيـه البعيديـن واقــراب

عليـه وجـدي فايـقٍ وجـد يعقـوب
وقلبي من اسبابـه بوسـط الحشـا ذاب

يلومنـي مـن لاشكـى حـب نبنـوب
طفـلٍ قرونـه ماتغطيـه الاســلاب

طفلٍ نهب عقلي بضحكـات وعجـوب
فتـان لقلـوب العشاشـيـق نـهـاب

اصبح هو الغالب وانـا منـه مغلـوب
غـدا بعقلـي بيـن شـاري وجـلاب

ان كان شفته صفـق القلـب مرعـوب
بالصـدر كنـه بيـن لاوي وجــذاب

والدمع من مـوق النظيريـن مسكـوب
يخضر ديارٍ ممحلـه عقـب الاجـداب


وسلامتكم

[ناثرة الورد]

{{ مطنـوخ خلقـه }}
,
,
آآبداع غير مستغرب
دمـت بهذا الرقي
تقديري ..,

[مسفر مبارك]

تسلم يمينك وقصيــده رائعه ......!
:
أجمل التحــاايـا ............!!
:

[someone]

لاهنت على نقل القصيده

[مطنوخ خلقه]

ناثره الورد الابداع هو مروورك

[مطنوخ خلقه]

ابو مبارك الله يسلم عمرك والرووعه هو مروورك

[مطنوخ خلقه]

someone لاهنت على المروور ياذيب

[مانع الوعيلي]

لاهنت اخوووي مطنوووخ خلقه على نقل القصيده الرائعه وصح الله لسانك ولسان قايلها ويعطيك العافيه

[وافي بن وافي]

مطنوخ خلقه رحم الله ابا زيد.... وسلمت يداك ... لك مني أجمل تحية .

[مطنوخ خلقه]

ارحب يامانع الروعه مروورك يالامير