سلامي على العجمان

[فهد اليامي]

السلام عليكم ورحمه الله وبركاته

يسرني ويشرفني ان اشارك معكم في هذا المنتدى الرائع

والشكر يعود الى راكان اليامي اللذي وجه لي الدعوه

واللي اتخف نفسه من الشعراء يامرحبابه

واستلموا

سلامي على العجمان من قلب واحساس=عدد مايسيل السيل في كل وادي
انا جيت يالعجمان فالدار عساس=ادور من الشعار غايه مرادي

[حبيب]

اررررررررحب يافهد والله لايهين ابو سالم على دعووتك

هلا مرحبا واعداد ماهب نسناس=وعدد مايذعذع من هبوب البرادي
تفضل وتلقى كل مايرفع الراس=نسد اللزوم ومحتمين البلادي

[بدر العرجاني]

فهد اليامي

مرحبا بك في منتدى إخوانك وربعك

حبيب

بيض الله وجهك على الرد الوافي

[فهد اليامي]

يدوم البقا
ومرحب باقي

ويشرفني اني العب معك طال عمرك

واستلم

انا شفت لي فالسوق قصطير وانحاس=لكن الذهب فالسوق ماله مزادي
تقول العرب يازين حشرٍ مع الناس= وانا اقول يايزين اختلاف المبادي

[فهد اليامي]

بدر العرجاني

مرحب باقي وانا اخيك

ومشكور على الترحيب والمشاركه


اخيك فهد اليامي

[حبيب]

الله الله

ترى السوق به تجار من كل الاجناس=وعلى قولهم في السوق سهمٍ قيادي
ترى العز في الجمعا مع طيب الساس=ومن ينعزل يخطي دروب الرشادي

[حبيب]

ارررررررحب يابدر ولاهنت على المرور والمتابعه

[صقر الشمال]

ياسلااااام

فهد اليامي وحبيب

متابعين


وانا في صفك يا حبيب
يالالاللالللاللالاله

[فهد اليامي]

مادامك قيادي قلت لا باس لا باس= وحنا نميز في بياض وسوادي
يقولون خالف تعّرف بكل مقياس=وابى اجيب علمٍ غير ماهو بعادي

[فهد اليامي]

ارحب ياصقر الشمال

ومشكور على المشاركه والحضور

وصفي وصف حبييب واحد

وتقبل تحياتي