(( مدعين الشعر ))

[بن شعيل العدواني]

بسم الله الرحمن الرحيم

صبحكم الله بالخير . مساكم الله بالنور اليوم اقدم لكم هذه القصيده وموضوعها يهم الجميع.
واتمنى ان تنال إستحسانكم.

يامحمد جاك قافي وصله حد القمر=وصله واعرف هجوسي واثقٍ ماله خشير
هاجس الشاعر يجمل لالفى وقته حضر=وكل جزله في حضوره من حضوره تستنير
من بنات الفكر تحفه بالمعاني والصور=يرتسم فيها الجمال وكل معلوقٍ يطير
وانا والله ماكتبته ودي إني اشتهر=شهرتي تسبق قصيدي للكبير وللصغير
بس والله شفت علمٍ ضيق الصدر وظهر=شفت علمٍ يامحمد زاد عن حده كثير
ساحة الشعٌار صاحت يامحمد تحتضر=كل جاهل يبتليها واقع الساحه مرير
مدعين الشعر صارو في زمنٌا وش كثر=صارت بحوره رخيصه كل من جاها يغير
سممو عذب المشاعر واعذابك يالشعر=والمتابع واعذابه من عذابٍ مستطير
والمصيبه يامحمد كل من قام وشعر=صاح من حوله وقالوا مبدع وشاعر خطير
يحسبون الشعر كلمه من نطقها يشتهر=عذبوٌ حلو المعاني وجلدوها بالهجير
الله ياكبر الخطيه كبرها قص الظهر=كل واحد شاف نفسه إمرؤء القيس وجرير
وانا ماعمم كلامي واتقدم بالعذر=لكل شاعر في هجوسه واثقٍ ماله خشير
بس قلي يامحمد ليه يسمح بالخطر=ليه يرضى بالمهازل ليه مايصحى الضمير

وســــــــــلامتــــــــــكم

[ناصر المري]

صح لسانك يا العدواني

،،،

تسلم على غيرتك وعزالله انك صادق في كل ما قلت

،،،

لاهنت طال عمرك وتقبل مروري

[العـــسر]

الله الله
صح لسانك يا بن شعيل
ولاهنت

تقبل مروري

[بندر العجمي]

الله الله
صح لسانك يا بن شعيل
ولاهنت

[عليل المحبه]

العدواني صح السانك

جزل جزل

نص متميز يالغالي


لاهنت وعساك على القوه

[shmoo5_ al_ajmy]

العدواني

صح السانك

تحياتي

[مناحي الصميل]

العدواني


ارحب



صح الله لسانك على هذه الدرّه الغاليـه


أبدعت للأمانــه


تقبل إعجابـي